مرحبا شاميه

إقتباس:

بدك تخفف من الصفات لانو مسسسسسستحل تلائي شخص بهصفات بهاد الزمان انت عم تطلوب المستحييييييييل لو عم تئول ابل 10 سنين ايه معؤوله بتلائي هيك شي هي اذا لئيت هههههه

هلاء اكيد من الصعب انو لائي صديق يوصل لحد الكمال !!!
ولكن انا لغاية هلاء مالقيت الصديق يلي ممكن ارتحلو ... يعني بنسبه ما تعدت الــ 50%100 !!
هون في مشكله لأنو مو معقوله لمدة 26 سنه الواحد مايلاقي ولو صديق واحد !! ... يمكن انا عم دور على صديق يفهمني بأمور كتيره ويقدر يتأقلم مع الجو يلي عايش فيه
على كلن انا في شي تلاته جداد عالساحه بعرفهون فقط بالمرساله بئى ان شاء الله بنزلتي عالشام رح شوفهون فيس تو فيس والله يوفق لحتى نسفق
وسمعونا زلغوطه

إقتباس:

كمان اذا بدك تفضفض عندي فضفاض للتياب هههههههههههه( ماتزعل عم امزح)

إقتباس:

ها حدا بصحلو هيك وبئول لا اذا بدك عنا فضفض واحكي شو بدك يمكن نساعدك من عينا هي ابل هي بتفضل وئول شو مين مدايئك لنروح ونكسرلو راسو ههههههههههههههههههههه دور عليه يمكن تلائييييييي

يعني الموضوع ما بميل للفضفضه اكتر ما انو اسمع وجهة نظرا الأعضاء هون
ايه تكرمي شاميه خانوم اذا كمشتو ببعتلك ياه عالحارك .... بتشخطيه عالبلوعه وبترجعيلي ياه مشان اتصرف معو


اورفوااااااااااااااااااااااار عليكون

__________________

حقيقه وليس حلم ... واقع وليس كلام

إي إبن الشام أنا دخلت لحتى ناقشك بالموضوع اللي طارحوا

يعني عالأليلة حسيت إنو لسا في ناس عم تعاني متلي أكيد كل بنت أبلي آلتلك هالكلام ومو بس البنات والشباب اللي هون كمان

بس أنا أصدت البنت كوني إني أنا بنت لمهم يعني بحكم زمانا اللي فرض علينا الغربة يا أبو حميد صعب جدا إنك تخالف القدر

لإنو القدر هوة المكتوب والمكتوب بدو يصير يمكن إنت عم تأول شو دخل الغربة بالموضوع بس أنا رح إلك إنو أكبر عامل رئيسي على إنو

نحنا المغتربين عم ندور على رفآت وبطبع بلادنا الخليجية متنوعة من كل الجنسيات ومن النادر إنك تلائي من جنسك

شعور جدا بيدايئ لإنو صبعا مو كل البلدان عندا نفس التفكير طيعا مع إحترامي لكل الجنسيات بس يا أخي (رقعة الثوب منو وفيه)

يعني رح إحكي عن حالي أنا أئرب مسال هون بالمنتدى سدئني إنو من لما سجلت فيه وأنا عايشة حياة تانية

أول شي لإني حاسة حالي بالشام تماما وتاني شي الرفآت اللي إكتسبتا وأ،ا مابخبي عليك يا أبو حميد إنو أنا بحيتي ماطرألي إني

إحكي مع شب أو يكزن عندي رفآت شباب من هالناحية مالا علاقة الغربة بس أنا هيك طبعي كنت زمان لما إسمع من رفآتي طبعا من

شي تلت أربع سنين يعني كنت بالحادي عشر إي لمهم إنو والله اليوم طلعت مع رفيئي ورحت مع رفيئي وحكيت مع رفيئي و و و ..........

منت إستسخفون لإنو الرفآت مو بالطلعات ولا بالجيات ولا بالتلفونات والأحاديس اللي مالا طعمة يعني بإختصار ماكنت أعمل إعتبار لهالشي

بس من وئت ما دخلت المنتدى صار عندي رفآت شباب إي مابكزب ولف ودور عليك بس كمان مو شي مليون واحد كلون تلاتة

وأكيد صرلي رفآت بنات وعندي وحدة المعزة الكبيرة اللي صايرة بيناتنا إنت ما بتتخيلا إنو بخلال مدة أصيرة حئئتا

بس كمان بعيدة عني هية ببلد وأنا ببلد يعني متل المسال اللي إنت إلتو عن إبن عمك

وسدئني أكتر إنو رفآت الروح هدول بيكونوا من بداية العمر بس الغير للأسف يمكن بهالزمن ماعاد هالشي وارد يمكن الصداقة

صارت العار الكبير بحئ كل إنسان بما إنو عايش عصر التكنولوجيا ماعاد بدو حصار لا من الأهل ولا من الصديئ

وفي ناس وفية كتير لأبعد الحدود وأطباعا بتجنن والتعامل مافي أحسن منو والإهتمام يمكن الأهل ما أدموا بس للأسف

بيكونوا بعاد كتيييييييييييير عن العين والأيام أنا يمكن طولت عليك كتير بهالكلام بس لسا النقاش عندي حامي ومارح تكفيني الصفحة بس بحب

إلك بإختصار هيك معلومة صغيرة من ورا التجربة اللي شفتا معك إنت إي لاتستغرب معك لما سألتك عن البيوت

وإنت أكيد ماأصرت بهالموضوع وإلتلي رأيك بكل صراحة حسيت إنو عنجد يمكن الصداقة الحلوة الصافية البيضة مع الشب أحسن من مليون

بنت لإنو إنت حكيت رأيك الصريح خوفا على مصلحتي الشخصية وهاد إنت ما بتعرف عني شي وبالمقابل رفيئتي حكيتلا عن الموضوع

وكمان ما بتعرف عني شي يعني جديدة عالساحة آلتلي بكل صراحتا إنو لأ إنت لازم اتابعي الموضوع لإنو عمرا الجمعيات مابتنصب ووو..........

يعني أنا فهمتا إنو هية دافعت عن الناس اللي من بلدا مقابل نصيحة لوجه الله تإلي ياها عن الموضوع وعملتلي فيا وطنية و... إلخ

المغزى من هاد كلو إنو إنت متل ماحكيت عشت عالوحدانية وتربيت عليها واللي بتربا أو بالأحرى اللي بتعود على شي من صغرو صعب جدا

إنو يجي يغيرو على كبر إنت بدك يكون عندك رفيئ كيت كيت كيت مالك غير تتزوج وخلي رفيئتك هية اللي تكون رفيئتك

لإنو أكيد رح يكون عندك شعور بالأمان إنو مهما صار بينك وبينا ما رح تبعدوا عن بعض لإنا صارت مو بس رفيئتك وهية اللي بدا تكمل معك المشوار

وسدئني لما إنت تكون معا رفيئ حنون وكلامك دغري مافي لف ودوران أكيد هية مع الأيام رح تصير متلك لإنو إذا ماصار رح تعتبر حالا أقل منك

بدراجات من التعامل وبهالحالة بتحفى على إرضاع غاياتك من الجانب الصداقة خوفا على مكانتا المرموقة

بس إذا إنت رافئت شي شب وهلأ رح تمشي الأمور بيناتكن بس مو علطول لإنو مابتعرف الزمن والأيام والظروف شو مخبية يمكن تتعلئ

بشخص وبعد فترة رح يضطر للبعد عنك لسبب سفرة أو مشكلة يعني الله أعلم بآ مو شرط إنو إذا كان بحياتك باب الصداقة لازم

تدخلوا وتشوفو وتعيشو لأ بتكون غلطان لإنو مافي باب بينفتح إلا إذا كان معك المفتاح وإنت نفس الشي اضمون حالك إنو رح يكون معك المفتاح

وهوة الزوجة الصالحة وبنفس الوئت الرفيئة الصالحة ويا أخي ساعتا فتاح باب الصدائة ودخلو وعيشو وبأي وئت فينك (إنت) تسكرو

لإنو المفتاح بإيدك إنت مو بإيدين الظروف والزمن .
............................................................ .....

آسفة عالإطالة بس الحكي اللي راودني حبيت إحكيلك ياه وأنا بحترم كل رفيئة لإلي والشباب التلاتة اللي معي بالمنتدى

لإنو عنجد هدول الشباب التلات عنجد بحسن متل إخواتي ومن ضمن هالشباب إنت

وئفتك معي بموضوع البيوت كتير كنت ممنونة إلك وحسيتك عنجد متل الأخ اللي خايف على مصلحة إختو . تأبلي مروري المزعج

__________________

هنا جذوري هنا قلبي هنا لغتي...فكيف أوضح هل في العشق إيضاح

تحياتي إلكن .... بحبكن .... روح الشام

مرحبا كيفك يا روح الشام
يسلمو ع رد والله كانك اختي عم تحكي
مهم بدي علئ ع جمله ئلتيها هيه انو المفتاح بإيدك إنت مو بإيدين الظروف والزمن .
اول شي كل شي بقضاء الله وقدره ما حدا بيئدر يغير اشي بايدو لانو كلشي بئيد الله

__________________

لانو ما شي اسمو مفتاح بئيد الضروف او الزمن
لانو الله بكون حط الضروف وزمن كعئبه لشخص
يعني ما دخل ضروف وزمن
برجع وبئول ما دخلني انا برد تبعك اوعي تكوني زعلتي مني
لاني ما بحب حدا يزعل مني
اوكي
تشاووووووووووووووووووووووووووووو

__________________

أهلين شامية هلأ نحنا ما إختلفنا إنو كل شي بإيد الله

والحمد الله أنا إنسانة مؤمنة بالقدر وبعرف هالشي

بس اللي كنت بؤصدوا إنو مفتاح الحياة الزوجية والصدائة بإيدنا يعني نحنا اللي منحدد طريئ الصدائة يا إما

بنسنمر ياإما بتتوأف وهيك بيكون أصدي بالمفتاح إنت كوني صريحة وواضحة ونيتك صافية من الأول

وأكيد مارح تحتاجي إنك تسكري باب الصدائة بس إذا كان في من بداية الأمر تلكك بالموضوع ساعتا لأ هون الزمن اللي بدو يحكم

وبدو يطر يكون المفتاح بإيدو لإنو الحل الوحيد وهوة الفراق بين التنين .

__________________

هنا جذوري هنا قلبي هنا لغتي...فكيف أوضح هل في العشق إيضاح

تحياتي إلكن .... بحبكن .... روح الشام

يعني مازالت الرؤيا عندي ضبابه نوعا ما بس وصلت لحد الإقتناع بنقاط معينه

ولكن أكيد عم نستفيد من تجاربكون بالحياه

حاكم الحياه بتعلم

لنشوف شو رأي البقيه

__________________

حقيقه وليس حلم ... واقع وليس كلام

.
.

مرحبا ..

الصداقة .. شغلة كتير حلوة ..

والشغلات يلي بتكون حلوة كتير .. هي نفسها غالبا يلي ممكن تكون محزنة كتير !!

المشكلة بالموضوع يا ابن الشام .. أنو مفهوم الصداقة مختلف عند الناس .. ولا اقصد بكلامي مايقوله الناس حول الصداقة .. وإنما ما يتصرف على أساسه الناس ..

البعض .. يفهم من الصداقة مصلحة متبادلة ..

والبعض .. يفهم من الصداقة علاقة تدوم الحياة ..

وغيرها كثير ..

مو ضروري شخصية الإنسان وسلبياته وإيجابياته .. هي التي تحكم عليه أن يكون صديق جيد أو لأ .. وإنما يلي بيحكم عليه هو طريقة تصرفه مع أصدقائه ..

في اشخاص حبابين وهاديين وما في منن .. ولكن كل ما يفهمون من الصداقة هو تسلية وتمضية اوقات سعيدة مع الأصدقاء ..

وهؤلاء ليسوا باصدقاء ..

وفي أشخاص ما فيهن باب بيفتح قبلة .. بس بيفهموا من الصداقة معناها الحقيقي ..

وهؤولاء هم الاصدقاء ..

.
.

الحق معك أنك تشعر بنوع من الضيق لما تشوف صديقين عم يروحوا ويجو مع بعض ويستمتعوا .. ولكن !!

هالمنظر هاد .. لا يعكس بالضرورة حقيقة الأمر

الصديق الحقيقي شيء آخر تماما !!

يمكن تشوف بكلامي الكثير من التنظير .. ولكن صدقا .. كلامي هو محاول ملطّفة قدر الإمكان للتعبير عن تجربة شخصية .. لا أكثر ولا أقل

يلي حابب أنصحك فيه .. هو أنك تستعجل

كل ما كبر الإنسان بالعمر .. كل ما صعبت عليه تكوين صداقات حقيقة !!

ما في امتع من أنك تكون مع صديق .. وتتذكر معو سنين العمر المشتركة ..

.
.

نقطة على الهامش :

في أصدقاء .. لا تربطك بهم اي مواضيع مشتركة .. وأحيانا لا تربطك بهم اهتمامات مشتركة .. ولكن فيك تئعد معهن .. وتضل تحكي ايام وايام .. ولا يمكن لهذا الحديث أن ينتهي !!

وفي أشخاص يشبهون الاصدقاء .. كل شيء مشترك بينك وبينهم .. ورغم ذلك بتئعد معهن وما بتلائي شغلة تحكيها معهن !!

.
.

__________________

مرحبا ابن الشام وانا كتير مبسوطة منك انك حاطط صوة بيتكن بركن الدين والله محي الشام واهل الشام

شوف مشان الرفقات لاتاكل هم انا بعتقد انك من وقت فتت على هاد المنتدى المحشش صرت مو وحيد يعني كلنا محششين معك وتاني شي انا وحيدة مع انو عندي كتير رفقات وين مارحت بيطلعلي بشي رفيقتين تلاتة على الاقل بس صدقني هاد شي مو منيح لأنو ماعاد تعرف من الصديق عن جد ومين صديق عن كذب
المهم (حششنا)المهم الفائدة مو بكترة الرفقات ولا بقلتن انا رأيي صديق واحد وفي بيغني عن مية
قال مرتك رح تكون رفيقك !انت هيك قلت واكيد هاد هو الحل .....
بس لاتزعل وحياتك بصرخة وحدة بلم عليك كل المنتدى وبيصيرو رفقاتك .............
ودمت

اي هلا لشفت الموضوع واجيت اشارك ممكن يا ابن الشام

شكرا كتير الك لانو قبلت

صراحة يا بان الشام حطيت ايدك ع الجرح بهالموضوع لانو انا كمان نفسي الاقي الصديقة الحقيقية
الي بلاقية جنبي وقت الي بحتاجها وممكن افتحلا قلبي وممكن انو اشاركا كل اوقاتي الفرح والزعل

بس للاسف ماني ملاقية

هلا انا عن طريق النت اتعرفت على كتييير ناس وفي منن فعلا بعتبرون اكتر من اخوة الي
بس بحياتي اليومية للاسف مو ملاقية هيك وحدة

وبظن انو مارح لاقي لانو انا عندي مشكلة انو مابقدر اوثق بالناس الي حواليي كتير
مشان هيك مابقدر افتح قلبي لمين ماكان مشان هيك مو ملاقية صديقة بالمعنى الحقيقي بحياتي اليومية

وانشالله يا ابن الشام بتلاقي الشخص الي بيفهمك ويكو نالك صديق وفي

وشكرا الك ع الموضوع

سلام

__________________

ابن الشام مرة موضوعك حلوو

انا بعد على فكرة ما عندي صديقة بمعنى الكلمة

يمكن لاني ما اثق بأحد ابدا غير اهلي

الحياة علمتني كذاا

بس انا متأكدة ان البلد لها يد بالموضوع يعني انت في غربة والناس تتغير قدامك مو مثل في بلدك

كل اللي تعرفهم حولك

اخيرا : ان شا الله تلاقي اصدقاااء

ويلااقيك الخير بعد

لا هنت اخووي ويسلمووو على الموضوع