 | |||||
 |  |  |  |  |  |
| | |||||
| | | | | | |
| |||||||
| هـــم وغـــم و تعـــتير تعال فضفض و افتح ألبك، رح تلائي مين يسمعلك وينصحك عنا. ...قسم جدي. |
| sponsor links |
 |
| | LinkBack | خيارات الموضوع |
|
#1
01-04-2009
| ||||
| ||||
سهره جديده مع أفكاري الغريبه وتساؤلاتي يلي ما بتخلص ما عاد يهمني اعرف اجوبه لكل شي بيدور براسي لاني صرت على يقين بإنو الانسان قد ما تخيل اجوبه الواقع شيئ مختلف لدرجه انو يمكن ينصدم من حالو من شخصيتو وتصرفاتو لانو ما كان يتخيل انو بيقدر يعمل هيك شي او ممكن انو ينحط بهيك موقف بس الحياه عجيبه غريبه اذا فيني اوصفها بهالكلمات بتحمل جواتها أشياء كتيره بتغير الكل وبتتغير بوجود الكل بس الشي يلي ما عم بقدر استوعبو اني دور على شي وهو بين ايدي يعني معقول دور على شي انا بملكو وما دام بملكو لشو لدور عليه الانسان ما بيدور على شي إلا إذا فقدو او حس بنقصانو او عدم وجودو طيب ما دام ناقص كيف رح بيكون بين ايدي تناقض جديد بهالحياه مالو اي تفسير معقول كون بهالدرجه من الغباء لحتى ما لاحظ شوفي بين ايدي او معقول كون فاقده للنظر او لا مباليه لحتى ما انتبه ما بعتقد اني بحمل هيك صفات بس بعتقد اني فاقده للبصيره او اني بحب سابق الاحداث وهالشي من طبع السن يلي عايشتو يعني لا في تناقض ولا شي مجرد أحداث خاليه تماما من المنطق لذلك عدم التفكير هو الحل الامثل بهيك حالات وانا مقتنعه بهالشي بس مين بيقدر يقنع هالست يلي عايشه جواتي نانو 2009/3/30 31:2
__________________   قمة الحب أن يجبرك الصمت على الكلام..فيعجز الكلام عن التعبير فتصمت  |
|
#2
02-04-2009
| ||||
| ||||
قدي صعب يجي انسان يعتذر عن غلطو معك وتلاقي الصدق بعينو والندم بين كلماتو وملامحو كلها عم تترجاك تقبل اعتذارو وتعطي الامل بانك رح بتسامحو وصوتو عم يرجف وكلماتو ضايعه منو لدرجة انك ما عم تسمع منو غير كلمة آسف مو قادر يشرح هو على شو بالزبط آسف وتكون لردة فعلك الوحيده هي الصمت وعدة تساؤلات عم بدور براسك بصوت عالي لدرجة انك ما عدت سمعت صوتو على شو آسف وليش هلأ عم تتأسف شو يلي اتغير لحتى اخيرا اتحس انك غلطت لمين هالمره سمعت ودانك لأي شخص عطيتها مين يلي أثر فيك وخلاك تندم على شي كنت عم تعملو باصرار وعزيمه ما بتهدها جبال وليش بهاللحظة صرت انا كل شي واي كلمة مني مهمه لهدرجه كيف بقدر ارجع اعطيك ثقتي واقدر اتعامل معك عادي بهالسرعه وانا مو فهمانه شو يلي صار لحتى تغلط معي وشو يلي صار لحتى تعتذر مني بعرف قدي كلمه آسف صعبه انها تطلع من بعض الشخصيات وانا وحده من هالشخصيات وحاسه باحساسك وبعرف انو انا يلي رح بطلع بصوره القاسيه يلي قلبها حجر وما عندها رحمة بس هالمره ايجى دوري قلك بعتذر وآسفه كتير كتير قلبي وعقلي اتفقو عليك وصفحتك انتهت بنقطة آخر السطر
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
| هالأعضاء الـ 2 تشكروا نانو على هالمشاركة الحلوة: | ||
dllo3et souria (14-04-2009), برنس بأخلاقى (09-07-2009) | ||
|
#3
02-04-2009
| ||||
| ||||
صعب تحس حالك مو مرغوب فيك والكل عم يتمنى تبعد صعبة انك تسمع كلمة بكرهك من شخص بتحبو ! عادي انك تختلف مع شخص عايش معو ! والاصعب انو يتمى موتك او شللك او تدميرك !!!! عادي تنزعج من ناس عايشين معك وفرضت عليك الظروف رفئتن صعبة لما بيتجاوزو حدودن وببالغو بتطويل لسانهن ويمكن ايديهن بظلمك عادي يتغالظ ويعيد ويفتاء ويحفظك ئصص بطولاتو صعبة يزلك ويعيرك ب فلان وعلان ويمسح كرامتك بكل مكان عادي نئول للناس كل كلام الزوء والحب والرواء صعبة نتففن بكل المسخرةوالاستهزاء ونستكترعليه شكر اوحب او حتى نظرة امنتنان عادي يكون عنا نسبة انانية صعبة يحلل الو كل محرم عليك ويسمح بالضحكة ويحظرها عنك !!! عادي الغيرة بين البشر صعبة نعاتب الله حرمتنا حبنا الاول وعطيتو غيرنا ممكن تكره انسان مات من زمان صعبة تتمنالو الله مايرحمو ويغمئلو ئبرو صعب تحس بالوحدة وما تئدر تشكي همك وتفضفض حتى ل................ صعبة تحس حالك مجبور تئدم تنازلات صعب الكرم ع ناس والبخل ع ناس حتى بالمشاعر صعب تحس انك وردة دبلت وانحنت وانت بالمراهقة واول الشباب صعبة تحس حالك لحالك
__________________  اذا لم تجد من يغرس في أيامك وردة فلا تسعْ لمن غرس في قلبك سهماً ومضى |
| هالأعضاء الـ 3 تشكروا وردة الشام190 على هالمشاركة الحلوة: | ||
|
#4
03-04-2009
| ||||
| ||||
صعب ما تقدر تاخد قراراتك مو لإنك مابتقدر تاخد قرار وإنما لإنو ممنوع تاخد قرار وممنوع تطور حالك وتغير حياتك لانو غيرك بإيدو القرار وشايف انك مابتهمو وعندو اشخاص تانيين بدو يطورهم مو لانهم أحسن لأ لانهم أغلى صعب تعيش بمنفى اجباري وحكم مالو نهاية صعب تشوف الأيام بتمر وانت مكانك أو حتى عم ترجع لورا
__________________  أعشق عمري لأني إذا مت أخجل من دمع أمي |
| هدول الأعضاء ياlyliana عم يتشكروك كتير على هالمشاركة الحلوة: | ||
نانو (30-04-2009) | ||
|
#5
06-04-2009
| ||||
| ||||
سمعتو آخر خبر قال يلي استحو ماتو بس ما عرفت وين العزا لروح آخد بخاطر الحيا
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
|
#6
18-04-2009
| ||||
| ||||
قال شو تووووووووووووووووت شو مفكرلي حالو تووووووووووووووووووووت واذا يعني هو تووووووووووووووووت شو ما شايف حدى توووووووووووووووووووت لو كان توووووووووووووووووووت لكنت تووووووووووووووووووووت بس توووووووووووووووووت شو بنعملو يلا الله يسامحو نانو : وكل هالتوت يلي انقالت ما لازم يسامحك عليها نانو : ليش انا شو قلت ما قلت شي نانو : ابدا ما قلتي شي طول عمرك بريييييييييييييئه نانو : عندك شك بهالشي نانو : لا ابدا مو ناقصني اسمع كم توووووووووووووت تانيه
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
|
#7
26-04-2009
| ||||
| ||||
ادي صعب تتمنى تموت وانت بعز شبابك او تفكر بــــــــانك تنهي حياتك وتغضب ربك صعبة كتير تنام ع حلم حلو وتفي ع واقع مرير صعب تتعب وتفني حالك وبالآخر تنصدم انك ماانجزت شي وكلو كان سراب
__________________ اذا لم تجد من يغرس في أيامك وردة فلا تسعْ لمن غرس في قلبك سهماً ومضى |
| هدول الأعضاء ياوردة الشام190 عم يتشكروك كتير على هالمشاركة الحلوة: | ||
نانو (30-04-2009) | ||
|
#8
26-04-2009
| ||||
| ||||
انو و بعدين !!؟ كأني بوسط المحيط والموج عم يلحشني كل شوية عأرنة وانا لا بأرادتي قاوم ولافيني ارجع ولازم , مضطرة ارمي بحالي وسط هالموج وشوف لوين بوصلني !! العمر مراحل كل مرحلة الها ناسا الها مكانها الها ضحكاتا ودموعها وصرخاتها وافكارها اليأسة , واملها الضعيف و منئول يا ريت نرجع لورا شوي , لكنا عملنا و ساوينا بس ما حدا بحب يمشي لقدام , لانو المجهول مخيف يمكن يحمل بكى يمكن يحمل اسى و احتمال الحظ يتغير و يحمل بكرة ضحكة طويلة او فرحة تعبي هالقلب الفاضي يلي تعبته الايام وترك بكل مكان كان فيه جزء منه لحتى مابقي للمستقبل شي غير القليل
__________________ راقب أفكارك لأنها ستصبح أفعالا .... راقب أفعالك لأنها ستصبح عادات .... راقب عادتك لأنها ستصبح طباعا .... راقب طباعك لأنها ستحدد مصيرك .... |
| هدول الأعضاء ياviolet عم يتشكروك كتير على هالمشاركة الحلوة: | ||
نانو (30-04-2009) | ||
|
#9
26-04-2009
| ||||
| ||||
مممم جديث النفس !؟ عنوان ملفت للنظر بس يا ترى عن شو بيحكي عن افكار الانسان !!؟؟ عن العقل !!!؟؟ اممم لافتح شوف شو هو اااااا حلو خليني شارك ...ارسال الرد .... مممم بس ياترى شو قصدها هالبنت صاجبة الموضوع من موضوعها !!!؟؟ يمكن بتحب تحكي وحابة تفضض لاعضاء المنتدى !!؟ او يمكن بس نشر غسيل !؟ هههههههه حديث النفس احيانا بيحمل خير احيانا بيحمل شر ليش الفضايح !!؟؟ ما اصلا كل الناس بتحب الفضايح ماعاد فرئت يلا هيك الاعضاء بيحكوا وبفضفضوا و بيتعرفوا على بعض اكتر كأنو برد شوي والمكيف عالي شوي !!؟؟ مارح اوم نوقصوه مالي حيل نعست والله بس بكير مابدي نام هلئ بركي بستنا جوزي ليرجع من عند رفيئوا او لما بنعس كتير كتير بنام حاجة كتابة بخاف كرون و يصيروا شي ستين سطر يلا رح غير لون الخط وحط ارسال 
__________________ راقب أفكارك لأنها ستصبح أفعالا .... راقب أفعالك لأنها ستصبح عادات .... راقب عادتك لأنها ستصبح طباعا .... راقب طباعك لأنها ستحدد مصيرك .... |
| هدول الأعضاء ياviolet عم يتشكروك كتير على هالمشاركة الحلوة: | ||
نانو (30-04-2009) | ||
|
#10
26-04-2009
| ||||
| ||||
مرحبا اسم الموضوع حديث النفس بس لو اني شايفتو قبل مااكتب ب حكي كنت كتبت هون لأنو نفسيتي تحدثني بشغلات كتيرة منن الحزن يلي انا عم حس فيه بس النفس احيانا بتحدث بشغلات غريبة مو هيك يانانو يمكن قصدك الشغلات الغريبة يلي بتحدثنا نفسنا عنها؟؟؟؟؟صح مثلا الموت اول شغلة بتخطر على نفسنا لما بنوقع بشي ازمة وطبعا مو قصدي الانتحار اعوذ بالله لأنه حرام بس مابننكرانو بيخطر ببالناالموت او احيانا بندعي على انفسنا بالموت(رأي شخصي)بس هاد حرام ومخافة الله اهم الشي بس النفس غريبة او لما بنفقد حدا عزيز وغالي بنقول نفسي كون معو ياريت انا ولا هو (مثلا) يعني النفس احيانا امارة بالسوء واحيانا الواحد بيئعد مع نفسو شوي ومابدو حدا غير نفسو بيفش خلئو وبيعاتب حالو وبيخانئ حالوومافي حدا عاجبتو نفسو مع انو احيانا بيضحك معها وهي الوحيدة يلي بتسليه(نفسو) وهلأ نفسي عم تقلي قومي يابنت اشربي سيجارة بس انا بقول لنفسي يبعتلك حمة سيجارة بس انا مابحب التدخين بترجع نفسي بتقلي لك شبكي ماحدا شايفك (نفخ عليها تنجلي) برجع بقول لا والله الدخان بيقولو عن انو شبه محرم وموناقصني جسمي من غير شي تعبان ومو ناقصي غير الدخان بتصير نفسي بتضحك وبتقول يلا بالاها البزر احسن برجع بقول لنفسي شو بزر مابزر الاكل احسن يلا لح قوم عالبراد واطرئلي سندويشة جبنة واتفشش بكاسة شاي وبترجع نفسي بتقلي ؟؟؟؟؟؟ شغلات وشغلات
__________________   أنا لم أتغير كل مافي الأمر أني ترفعت عن الكثير حين اكتشفت أن الكثير لا يستحق النزول إليه |
| هدول الأعضاء ياسما الشام عم يتشكروك كتير على هالمشاركة الحلوة: | ||
نانو (30-04-2009) | ||
|
| Bookmarks |
| Tags |
| النفس, حديث |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
مواضيع مشابهة | ||||
| الموضوع | الكاتب | القسم | الردود | آخر مشاركة |
| كتاب جديد مهم للجميع أساتذة وطلبة وقراء- علم النفس المعرفي | passerby_intime | مكتــبة الكـــتب | 0 | 20-09-2008 10:11 AM |
| خير الكلام.....حديث رسول الله صلى الله عليه وسلم | عروووف | فلسطين في قلـــوبنـــا | 1 | 13-02-2006 10:24 PM |
| الباراسيكولوجي - ماوراء علم النفس .. | Esber | سـيــــــــرة وانبـــحتـت | 40 | 20-07-2005 04:47 AM |
| ********حوار مع النفس******* | a7lam | جـــدد حيــاتك | 0 | 23-03-2004 10:14 PM |
| )( الرياضات للدفاع عن النفس )( | روز الشام | إقليــم الرياضة العالمية المستقل ||  | 2 | 12-06-2003 09:06 PM |
 |
| اشترك بالنشرة البريدية للمواضيع : |
| زيارة هذه المجموعة |
حديث النفس 
