 | |||||
 |  |  |  |  |  |
| | |||||
| | | | | | |
| |||||||
| هـــم وغـــم و تعـــتير تعال فضفض و افتح ألبك، رح تلائي مين يسمعلك وينصحك عنا. ...قسم جدي. |
| sponsor links |
 |
| | LinkBack | خيارات الموضوع |
|
#71
24-01-2010
| ||||
| ||||
الانسان بتأثر بالاحداث حسب ميزانه يلّي هوي قلبه يعني في ناس ميزانها ميزان الذهب من نسمة هوى بتحرك وهذا هو القلب الحي يلّي يحرص على مراقبة ربه في اعماله واذا اذنب استغفر ربه فورا واذا اخطأ بحق حدا ما بيحسن ينام ليعتذر منه ويستسمحوا ويرضّي وفي ناس ميزانها ميزان الخضرجي , يعني مد وجزر بيعيش يومه حسب ما يجي ومو كتير يدقق ويعتبر حالة صح في كثير من تصرفاته و تعامله مع الناس في برود وعدم اكتراث وفي ناس ميزانها قبان ارضي , لا يحس بذنب ولا ظلم و لااي شي المهم نفسي , وبعدها الطوفان ما عندو مشكلة
__________________  آخر تعديل بواسطة ماس الشام ، 24-01-2010 الساعة 06:43 PM  |
|
#72
26-01-2010
| ||||
| ||||
ئدي حلو اتلاقي مين يفهمك بنظره يعني عجئه وناس رايحه وناس راجعه وكلو مشغول ببعضو وبس تجي عينك بعينو .. بتلاقي ركز معك وبثواني بقرى كل شي براسك واذا ابتسمت بيبتسملك وكانو فهم انت شو قلت والأحلى انو ما حدى يحس على هالنظرات يعني بنسرقهم سرقه وبعدها بشوي بتلاقينا بس بدنا ننسحب من بين الناس كرمال نحكي مع بعض كلمتين ولو بالالغاز يا جماعة الخير لايروح فكركم لبعيد عم بحكي عن الوالده .. الله يخليلي اياها ويخليلكن امهاتكن واهاليكن وكل احبابكم
__________________   قمة الحب أن يجبرك الصمت على الكلام..فيعجز الكلام عن التعبير فتصمت |
|
#73
26-01-2010
| ||||
| ||||
ئديش بشع لما الواحدبيلاقي حالو بمغارة كبيرة وغميقة وماعندو ضو والدنيا برد موت وبيعرف وين المخرج ومابيقدر يطلع منها ليش ياترى لانو اذا طلع منها يمكن يخسر ناس بيحبن كانو معو بهي المغارة او يمكن اذا طلع من هي المغارة ولقى براتها الضو والدفا يبطل يرجع لهالمغارة اديش بشع لما بتلاقي يلي حواليك بيستغبوك وانت مابتقدر تعمل شي ليش مشان ماتفرجيهم انك اذكى منهم ليش لانو ذكاك هاد ممكن يأثر على ناس حواليك بتحبهم وبتخاف انو تخسرهم ............... اديش انا مضايقة وحاسة حالي ماعم اعمل شي بس اني عم استنى وعلى كل الاصعدة حتى بالشغل وبالحياة وبالعيلة وبالعاطفة معقول لهادرجة اي والله حرام ................................... لازم الواحد شي يوم يتحدى نفسو بس لمرة وحدة بس ولو حتى على حساب شو ماكان
__________________  إذا سجدت فأخبرالله بأسرارك ...... ولا تسمع من بجوارك ...... وناج ربك بدمع عينك ...... فهو للقلب مالك ........... |
|
#74
26-01-2010
| ||||
| ||||
ليش دايما بعض الناس تحن لطفولتها وانا منهم ؟ , دايما احن لطفولتي وايامي مع ابي وامي ما قدرت لهلا افهم ليش الانسان يحن لطفولته يمكن يكون مرض ؟ يمكن يكون قساوة الحياة تخلي يحن لايام كان محمول من ابوه و امه يمكن لانه اصبحت الطفولة ماضي وصار ما نشوف فيها إلا الايام الحلوة يلي فيها حنان ودفئ كبير من الابوين استفقدتون بعد رحيلون من ها الدنيا المهم اني كتير من الاحيان بحن لطفولتي وبترجع الصور مع امي وابي ويرجع الحنان ويفيض على القلب العطشان لحتى يرويه وفيضان الشوق يأمر العين ان تشارك هذه اللحظات المختلسة من قساوة الحياة فتنساب دمعات تشفق منها الخدود لحرارتها احن الى خبز امي وقهوة امي , وتكبر في الطفولة واعشق عمري لاني اذا مت يوما اخاف على دمع امي
__________________ آخر تعديل بواسطة ماس الشام ، 26-01-2010 الساعة 07:46 PM |
| هدول الأعضاء ياماس الشام عم يتشكروك كتير على هالمشاركة الحلوة: | ||
نانو (27-01-2010) | ||
|
#75
27-01-2010
| ||||
| ||||
اسمحلي قلك انو هاد مو مرض منوب لانو وحتى نحنا كبار في طفل عايش جواتنا اوقات بيطلع بلحظات الغضب والانفعال واوقات تانيه بيطلع بلحظات الفرحه والراحه انا عندي مشكله انو عيني بتنسحب على مواقف معينه يعني مثلا من فتره كنت بالحديقه وكان في اب عم يلعب ابنو خلاني حس انو هو يلي عم يلعب مو الولد الزغير وانو هو مبسوط اكتر من ابنو وهالشي خلاني انبسط فلا تستغرب من حنينك وشوقك لطفوله عايشه فيك وجواتك يلي بيستحق انو نستغرب منو انو وقت كنا زغار كنا بس بدنا نكبر وايمت بدنا نخلص من المدرسه والدراسه وايمت رح ينسمحلنا نتفرج على القنوات يلي بدنا اياها ونطلع ونرجع عالبيت ايمت ما كان وايمت بدنا نسهر هلأ بنعمل كل هدول اكتر .. وبنشتاق نرجع لطفولتنا
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
| هدول الأعضاء يانانو عم يتشكروك كتير على هالمشاركة الحلوة: | ||
ماس الشام (27-01-2010) | ||
|
#76
31-01-2010
| ||||
| ||||
في لحظات حزن الانسان ينتشل نفسه من دوامة الحياة وأفراحها وبهجتها ليغلق عليه حجرته وحواسه عن العالم المحيط به.. لا يريد أن يسمع سوى دقات قلبه.... يجلس وحيداً بالظلام الدامس منزوياً في أحد الأركان متقوقعاً على نفسه.. يخفى وجهه بين راحتيه.. ينكمش..وينكمش يتمنى أن يصل لمرحلة اللاشئ... يكتنفه زهد وقناعة بالحياة غريبين.... تتضاءل أمامه الأشياء حتى تكاد تصل لمرحلة العدم..تنتابه نوبة ضحك هستيرية ما تلبث أن تتحول إلى شلال من الدموع تنهمر من مقلتية لا يستطيع إيقافها كأنما إنهار جهاز المناعة بداخلة...تتلاشى مقاومتة شيئاً فشيئاً.. يشاهد حياتة كفيلم سينمائي..لقطات سريعة غير مرتبة... يتأسف على بعضها ويبتسم للبعض الآخر ويعيش حزنه للحظات و وجوه اختفت عن حياته
__________________ قمة الحب أن يجبرك الصمت على الكلام..فيعجز الكلام عن التعبير فتصمت آخر تعديل بواسطة نانو ، 31-01-2010 الساعة 09:29 AM |
| هدول الأعضاء يانانو عم يتشكروك كتير على هالمشاركة الحلوة: | ||
zahraa (09-02-2010) | ||
|
#77
05-02-2010
| ||||
| ||||
ناطحات سحاب بكل مكان .. سيارات فخمه هندسه معماريه خياليه .. احواض سمك بعمري ما شمت متلها بزخ بكل حد وصوب .. امم وخلق ما بتقدر اتحدد جنسياتهم مولات وماركات عالميه .. ولك حتى المي رقصوها متل بلاد العجائب كل شي ممكن اتشوفو فيها انت بس اطلوب واتمنى وكل شي موجود ومع هيك حسيتها متل مدينة الاشباح ما حسيت فيها روح .. اي الاماكن فيها روح متل الاشخااص بس هالمكان حسيتو ميت للدني وبس يعني الناس يلي موجودين عايشين دنيتهم وناسيين الآخره كيف بيقدرو يعيشو هيك عيشه .. رفاهيه وراحه وشي بياخد العقل بس في شي ناقص وبلا كل شي حلو بيفقد معناه هالمشوار خلاني حس بشعور الشفقه بكل سكان هالمدينه لانو لحتى يكونو صح ويعيشو صح بدهم يتعذبو كتيييييييييير ومتل ما قال رسولنا صلى الله عليه وسلم : "يأتي على الناس زمان القابض على دينه كالقابض على الجمر "
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
| هالأعضاء الـ 2 تشكروا نانو على هالمشاركة الحلوة: | ||
مياس (09-02-2010), Eben El Sham (05-02-2010) | ||
|
#78
09-02-2010
| ||||
| ||||
سهرتي اليوم رح بتكون للصبح .. مع حديث يلي عم بحكي فيه مع حالي هلأ شو الغريب انو بنت تفضل تبقى بالبيت لتساعد والدتها عن انها تطلع تشتغل من اول ما تخرج والكل بيسألني شو ما اتوظفتي .. بالاول كنت قلهم لأ بس وقت لاقي علامات الاستغراب عليهم واضحه صرت حس حالي انو جوابي مو صح فصرت قلهم اي بشتغل وقت يسألوني وين قلهم ما بدكم تعرفو الراتب بالاول وطبعا الكل عيونيو بتفتح وبصير الفضول واضح عليهم وقتها بجاوبهم انو راتبي عباره عن رضى الوالده واني بشتغل بالبيت لانو الوالده ما رح تقدر تقوم بكل شغل البيت وطبعا بحقلها ترتاح لانو صرنا صبايا وصار لازم نحمل عنها كتف وبما انو موضوع الخادمه مرفوض فصار لازم اني ابقى بالبيت وقت كنت طالبه جامعيه كنت اعمل جهدي وابقى حس حالي مقصره وبحق امي اكتر الشي هلأ وقت صار فيني خليها ترتاح شوي .. بدي كمان اتركها واطلع اشتغل لشو ؟ بيجوز انا بنت متربايه على الطريقه القديييييييييمه كتير .. يعني الانثى بعيني ما بتكون انثى إلا وقت بتكون بتتحمل مسؤوليه بيتها .. وبتعرف اتربي اولادها .. وبتعرف وين راحة زوجها أما اني اطلع برات بيتي لحتى اتوظف وآخد فرصتي .. فالشباب اولى بهالشي الله يكون بعونهم .. صار لازم مين يطالب بحقوقهم
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
|
#79
18-02-2010
| ||||
| ||||
الغيره شعور بعمري ما جربتو بس لكل شي في اول مره وايجى وقتو لهالشعور وحسيت فيه وبصراحه ما حبيتو سرئ مني النوم وخلاني اسهر وانا عم بقول كلمه وحده " الله يسامحو" لوقت غفيت ومن دون ما حس على حالي الغيره على شيء يختلف تماما عن الغيره من الشيء وانا بوضعي جربت الاولى وتجربتي خلتني غير فكرتي كنت قول انو الغيره يعني فقدان الثقه بحالك وبالشئ يلي قبالك بس طلع كلامي مو صح او مو بكل الحالات صح يعني اوقات الغيره على الشئ بكون سببها المحبه فقط لا غير وهون عم بحكي عن الغيره العاديه يلي بتشعل وبتنطفى بأرضها والمحبه من الله لا انا ولا انت ولا حدى بيقدر يفهم سر محبتو لشئ معين بس القصه يلي محيرتني انو معقول اتكون الغيره على شئ مو النا يعني معقول اتكون الغيره على شيء مالنا اي علاقه فيه " ملك الشعب مثلاً" واذا مو إلنا لشو لنشعر بهالاحساس يلي بهز فيك ثقتك وبحسسك بانك غير مرئي الغيره بكل النار يلي بتحملها بتحسسك انك متل قطعة التلج يلي عم بدوب واذا رجعت اتجمدت رح يختلف شكلها كليا عما كانت عليه الله يسامحو
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
|
#80
23-02-2010
| ||||
| ||||
وقت بنوصل لمفرق طرق وكل واحد بيتختار طريقو ويمشي فيه عن اقتناع بتخلص حكايات وبيجوز تبدأ حكايات تانيه بس معقول وقت تخلص الحكايه يبقى عنا أمل انو نبقى على بالهم و وقت انكون متأكدين انو نهايه القصه مجرد نقطه آخر السطر لي بنحاول نحفر فيهم ذكريات وبنخاف انو ينسونا شو سر يلي بخلينا متعلقين بمجرد حلم او امل اذا هنن بدهم يتركونا فلشو ما بنقبل انو ينسونا " اذا رح تهجرني حبيبي ورح تنساني يا حبيبي تبقى اتذكرني واتذكر طريق النحل " هيك بتغني الست فيروز بس ما عم بفهم شو هالتناقض يلي عايش فينا ولي بنقدر نتقبل انو يتركونا وينهو الحكايه وما بنقدر نتقبل انو ينسونا وياترى اذا نسيونا رح نقدر ننساهم بالمقابل اوقات كتر التفكير بقصص المشاعر بخليني حس انو الانسان كائن معقد
__________________ قمة الحب أن يجبرك الصمت على الكلام..فيعجز الكلام عن التعبير فتصمت |
|
| Bookmarks |
| Tags |
| النفس, حديث |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
مواضيع مشابهة | ||||
| الموضوع | الكاتب | القسم | الردود | آخر مشاركة |
| كتاب جديد مهم للجميع أساتذة وطلبة وقراء- علم النفس المعرفي | passerby_intime | مكتــبة الكـــتب | 0 | 20-09-2008 09:11 AM |
| خير الكلام.....حديث رسول الله صلى الله عليه وسلم | عروووف | فلسطين في قلـــوبنـــا | 1 | 13-02-2006 09:24 PM |
| الباراسيكولوجي - ماوراء علم النفس .. | Esber | سـيــــــــرة وانبـــحتـت | 40 | 20-07-2005 03:47 AM |
| ********حوار مع النفس******* | a7lam | جـــدد حيــاتك | 0 | 23-03-2004 09:14 PM |
| )( الرياضات للدفاع عن النفس )( | روز الشام | إقليــم الرياضة العالمية المستقل ||  | 2 | 12-06-2003 08:06 PM |
 |
| اشترك بالنشرة البريدية للمواضيع : |
| زيارة هذه المجموعة |
رد : حديث النفس 
