 | |||||
 |  |  |  |  |  |
| | |||||
| | | | | | |
| |||||||
| ســــــــابق الحــــدث القسم السياسي .. تحليلات سياسية .. طأ حنك سياسي .. ما وراء السطور .. بين السطور .. خلف السطور...آخر المستجدات..! |
| sponsor links |
 |
| | LinkBack | خيارات الموضوع |
|
#1
05-10-2007
| ||||
| ||||
السلام عليكم بداية ، أرحب بكل من أحب أن يتطلع معنا على هذا الموضوع. وأرحب خاصة بعشاق مارد الإنترنت الرائع والضخم... المارد هو Google طبعاً.  بدأت هذه الشركة كمحرك بحث... واليوم نجد أن كل جديد و كل تقنية حديثة على الشبكة ..لجوجل يد طولى و كبرى فيها. فلأصحاب المواقع والمهتمين بالتسويق أصبحت الجوجل هي الرقم واحد ، وللمستخدم الشخصي وللشركات أصبحت أيضاً الرقم واحد. هذا الموضوع خصصته للشرح و الحوار حول ما يقوم به محرك البحث جووجل بتغير صورته الأصلية و تحويلها لصورة مخصصة لحدث ما يريد تسليط الضوء عليه. وبشكل مميز سنقوم بالحديث في كل مناسبة ان شاء الله. فعلى سبيل المثال : منذ اسبوع كان لجوجل حدث مميز...وهو عيد الميلاد التاسع...و قلب حرف الـg إلى رقم 9 بشكل مميز و رائع. سنبدأ اليوم:
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... !   |
|
#2
05-10-2007
| ||||
| ||||
Sputnik- 50th Anniversary  في مثل هذا اليوم بحسب الـgoogle تم إطلاق القمر الصناعي ان صح التعبير أو الكبسولة Sputnik ففي الرابع من أكتوبر عام 1957 قام السوفييت بإطلاق سبوتنيك 1 ، ليكون أول قمر صناعي يدور حول الأرض ضمن مدار ثابت. كان شكل جرم سبوتنيك عبارة عن كرة معدنية بوزن 84 كلغ و قطر قدمين تقريباً. تم تثبيتها لتدور حول الأرض في مدار محدد لمدة 6 أشهر وكان من السهل رؤيتها من اليابسة قبل أن تسقط إلى الأرض. أما محاولة الإطلاق الثانية للسبوتنيك 2 ، فكانت بتاريخ 3 نوفمبر (تشرين تاني)1957 ولكنها في هذه المرة كانت المهمة تتضمن حمل كلب للسماء! هاذا الكلب كان اسمو "لايكا" أو "Laika". في هذه الرحلة تم تجميع معلومات بيولوجية لمدة اسبوع كامل...قبل أن يخض الكلب للنـــــــــــوم. آخر سبوتنيك3 تم اطلاقه في 15 مايو (أيار) 1958.. وكان الهدف منه جمع معلومات حول المجالات المغناطيسية للأرض و انبعاثات الأشعة.وهالجرم بالذات قدر يضل على المدار نفسه لمدة سنتين تقريباً. هلأ شو بيقولو بموقع مختص بأمور الفضاء؟ أنو هالأقمار الثلاثة (الأولى عالمياً) وتاريخياً..تم اطلاقهن في وقت الحرب الباردة بين أمريكا و الإتحاد السوفييتي. لهيك كانت أمريكا عم تولول..بسبب تأخر مشاريع ناسا وقتها ..للحاق بالركب السوفييتي بغزو الفضاء. بعد هال3 أقمار...صار موضوع غزو الفضاء للأمريكان موضوع أمن قومي.. وعطوه أولوية كبيرة بميزانيتهن ...لهيك منشوفهن اليوم وين صارو. وبيضل التطور والتقدم للروس هو الأفضل دائماً...باعتراف الأمريكين نفسهن. ان شالله كون قدرت وصل معلومات مفيدة ..وبنفس الوقت قدرت اشرح عمو جوجل بشو صارعنا اليوم  سلام عليكم رجاءْ ..هالموضوع غير منقول..بحال حب حدا ينقله...رجاءً...يحط وصلة مباشرة للموضوع. سلام عليكم
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#3
05-10-2007
| ||||
| ||||
شكرا أخي أبو البيس على التوضيح القيم و أنا عم قول لحالي شو هادا اللي على كلمة google أنا كنت مفكرها عنكبوتة إقتباس:
ومشان هيك شوف وين صرنا
__________________   أنت الزائر رقم |
|
#4
29-01-2008
| ||||
| ||||
50th anniversary of the LEGO brick مرحبا من جديد من فترة مرأ شي احتفالين ماقدرنا نغطيهن..وللأسف ماحدا من الأخوة اجا ببالو هالموضوع اليوم...بشو جووجل عم يحتفل؟ هو بالحقيقة عم يحتفل بس بشكل تجاري هالمرة. اليوم جوجل حاططلنا شعار شركة (ليجو) أو (LEGO) أو الي كنا نسميها (ميكانو) هي الشركة الرائدة بقطع التركيب الخاصة بالأطفال والكبار الحقيقة لهي الشركة الفضل بتنمية مهارات الطفل ...بشكل كبير ..اذا استخدمها طبعاً. اليوم 28 كانون تاني 2008 عيد ميلاد الشركة الخمسين. ان شالله هيكة بجاه النبي. شو شعار جوجل اليوم؟ هادا هو لوجو جووجل بيوم عيد ميلاد الليجو 50th anniversary of the LEGO brick 
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#5
03-03-2008
| ||||
| ||||
بشو اليوم عم يحتفل جوجل؟ اليوم 3-3-2008 - هو ذكرى ميلاد شخص مهم جداً - طبعاً حالياً صارت عضامو مكاحل متل ما بيقولو ولكن وبفضل اختراعو ضل اسمو لليوم عم ينحكى فيه. هو شخص اكتشف شغلة...اليوم صارت الشيء الأكثر طلباً والأكبر مبيعاً والأكثر تكلفة بالعالم!   مخترع الهـــــــاتف - جراهام بيل أليكساندر جراهام بيل - أو "جراهام بيل" متل ما عرفناه - من مواليد إدنبرج بسكوتلاندا. بتاريخ 3 آذار 1847 ميلادي- توفي بـ 2 آب 1922 عن 76 سنة تقريباً قضى نصفها أو أكثر غارقاً بكتبه و اختراعاته المفيدة.Alexander Graham Bell هالزلمة كان أبوه عالم مرتب - تربى على العلم والإختراعات. فتل بحياتو كتير ما بين لندن وأمريكا و كندا... وفعلاً كانت أفضل حقبة الو - لما عاش بالولايات المتحدة الأمريكية و بدأ يركز اهتمامو على الشيء الي كان يستهويه - ألا وهو نقل الصوت عبر الكهرباء!- أو علوم الصوت وخاصة - كيف ينقل الصوت لذوي السمع الضعيف أو الي بيعانوا من "الطرش". صار بروفوسور بجامعة بوسطن بأمريكا...وتحول لشخص غير عادي لما اكتشف اكتشافو الرائع...كيف بيقدر ينقل الصوت و ذبذباته عبر السلك الكهربائي وعبر الكهرباء الماشية فيه. طور هالرجل اختراعو كذا مرة لقدر يوصل لشكل انو يقدر يطرحو أمام العامة من الناس والعلماء وغيرن .. وكان هالشي سنة 1876 وبولاية فلادلفيا - وسماه وقتها ""photophone"". الأميز بهالشخص انو هو وأخوه وأبوه و عمو و أمو كلهن كانو متخصصين بعلوم الصوت الي بتخص ذوي السمع المحدود و الي ما بيسمعوا منوب. إذن مخترع الهاتف جراهام بيل اليوم كان عيد ميلادو ....و يوم تخليد ذكرى هالزلمة العبقري هي شوية صور و مواقع عن الزلمة و حياتو و سيرتو الذاتية و كمان شعار جوجل لليوم: 1- http://en.wikipedia.org/wiki/Alexander_Graham_Bell سيرة جراهام بيل على ويكيبيديا. 2- http://www.alexandergrahambell.org/ موقع منظمة باسم أليكساندر جراهام بيل فيها كل شغلة عملها بحياتو. 3- http://www.google.com/search?q=alexander+graham+bell هي عنوان البحث عبر الجوجل.
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! آخر تعديل بواسطة أبو البيــس ، 03-03-2008 الساعة 10:05 PM السبب: شوية شخطات على سبيسات ...غير شكل. |
|
#6
20-03-2008
| ||||
| ||||
بشو اليوم عم يحتفل جوجل؟ اليوم هو 20 - 3 - 2008 كل عام وانتو بخير! نحنا بسوريا محتفلين بعيد المعلم على أساس....ومعطلين كل الدوائر الحكومية بحكم انو كلن معلمين و روس. المهم الجوجل اليوم عم يحتفل بـ:  بداية فصل الربيع الله يجعل أيامكن كلها ربيع (ضمنيناً يعني) بجاه النبي اللهم صلي عليه. طبعاً نحنا بالعلوم منعرف انو بهاليوم بيصير شغلة طبيعية واسمها (الإنقلاب الربيعي) انا شخصياً نسيت ايا يوم بالتحديد وهلأ رجعت تذكرت!  خلال تصفحي لنتائج بحث هذا اليوم لقيت بعض المواقع الي بتحب الربيع ومقترحة عليكن خص نص انو تعملو كم شغلة لتشعرو تمام بهالفصل المميز من السنة! خلونا ننسا شوي انو بهالفصل بيطير غبار الطلع من الأزهار...وبيعمل تحسسات الله يعينا عليها بالأنف والأذن والحنجرة بس كلو بيهون كرمال انو نخلص من البردات و نوصل للدفا. هي بعض الإقتراحات المميزة من بين باقي الاقتراحات: 1- آل اذا كان عندك عصفور - عملو بيت - و عملو ربيعي...شلون؟ تعا من هون. 2-اعمل فقاعاتك الخاصة...هدول بيجو خص نص للربيع! شلون؟ سهلة كتير: أ-جيب كاسة كبيرة كتير كتير. ب-حط نص كاسة سائل جلي صحون بألب هالكاسة (اذا وطني حط كاسة كاملة )  .ج-حط نص كاسة مي شرب جوات الكاسة الكبيرة. د-هط معلئتين أكل من السكر- و اخلط المكونات شوي شوي شوي...مشان ما تغرق بالرغوة! ه-طلاع عالشباك وبلش نفخ بوالين على كيفك! بس لاتخلي حدا يشوفك! ويا أخي هالمواقع أبدعت باحتفالاتها باستقبال الربيع! اخترتلكن كمانة هي: بحكم انو بالربيع بتطلع من الأرض حشائش الله مولاها وماحدا بيعرف منين اجتو! متل الطرخون الخاين الي بيزرعو جارك بيئوم بيطلع عندك! المهم اذا طلعلك شي يوم ناح بيتك شوية حشيش اوعا تئلعن...عميل مخيم ناحن متل ما عملو هون. وبالنهاية هادا الربيع ...هنن هيك بيحتفلو فيه... ونحنا اذا فضينا ...منطلع عالغوطة ومنشوف الزهر والورد والشجر الأبيض! ولو كان طريق المطار خالص...لكنت لقيت أمة لا إله إلا الله مقيمة عالأستراد. كل عام وانتو بخير والله حيو جوجل
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#7
17-05-2008
| ||||
| ||||
 في مثل هذا اليوم -16/5/1960- اكتشفت أشعة الليزر The first working laser was demonstrated on May 16, 1960 بعض الوصلات المفيدة حول الموضوع: عبر الويكيبيديا الليزر عبر مراحل اكتشافه باختصار ....الليزر ككلمة LASER هو اختصار للكلمات التالية: Light Amplification by the Stimulated Emission of Radiation ومعناها بالعربية تقريباً : تضخيم الضوء بواسطة تحفيز الأشعة المنبعثة. سنة الـ1917 وضع ألبيرت أنيشتاين أول نظرية خاصة بتحفيز الأشعة وهي النظرية كانت الأساس بالتفكير بامكانية توليد أشعة الليزر. وجدير بالإشارة انو قبل الـ "LASER" اجا اكتشاف الـ"MASER" وهو اختصار لـ: Microwave Amplification by Stimulated Emission of Radiation ومعناها بالعربية تقريباً كمانة: تضخيم الموجات الدقيقة بواسطة تحفيز الأشعة المنبعثة. ففي عام 1954 ميلادي اجا Charles Townes و Arthur Schawlow واكتشفو المايكرويف، واستخدمو غاز الامونيا و إشعاعات الموجات الدقيقة - هالشي اكتشف أبل ما يكتشف الليزر(الي بيعتمد على الشعاع البصري أو الضوئي خلينا نسميه) وهو داخل بعلم الأوبتكا. التكنلوجيتين قراب كتير بس ماكانت الماكرويف بتستخدم الضوء . سنة 1960 وهي حديثنا ..اجا السيد "ثيودور مايمان" Theodore Maiman واكتشف (الليزر عبر الحجر الكريم أو ruby laser) وتم تسجيل هذا الاكتشاف كأول استخدام ناجح لليزر الضوئي. هي طريقة عمل الليزر طولت عليكن اليوم بس هادا الليزر مو حيالله هادا الليزر نقلة نوعية بالطب....بالتكنلوجيا العسكرية...بالحياة العادية بالموسيقى بالترفيه...الخ بآ بيحقلو بحال النقل رجاءً حطو وصلة للموضوع سلام عليكم
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
| هدول الأعضاء ياأبو البيــس عم يتشكروك كتير على هالمشاركة الحلوة: | ||
Eben El Sham (17-05-2008) | ||
|
#8
05-06-2008
| ||||
| ||||
 بصراحة مابعرف شبو وشو للجوجل....بدال ما يحتفل بأعياد عليها القيمة اليوم راح محتفلي بهالعيد. حاصلو.. اليوم بيصادف ذكرى أول تحليق بمنطاد هوائي بيعتمد بطيرانو عالهوا السخن. هالموضوع قديم كتير بيرجع بتاريخو للقرن ال18 تحديداً سنة 1783 هي الكلمة بتختصر الحدث الي مارح طول بالحديث عنو: The Montgolfier brothers gave their first public demonstration of their invention on June 4, 1783. المهم ...هي صورة أول منطاد بيطير بالهواء المسخن  وان شالله ألف مبروك علينا هالاختراع الي ما منشوفو غير بالاحتفالات. (الو فوائد بعلوم الطبيعة و بالتحديد امور الأدغال و المحميات الطبيعية والتصوير...الخ) بس نحنا ما منشوف هالفائدة سلام عليكم
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
| هالأعضاء الـ 2 تشكروا أبو البيــس على هالمشاركة الحلوة: | ||
Eben El Sham (05-06-2008), فراشة سورية (05-06-2008) | ||
|
#9
06-06-2008
| ||||
| ||||
 من 6 حزيران 1599 لـ 6 آب 1660 ديجو رودريجيز دي سيلفا  Diego Rodríguez de Silva y Velázquez أو Diego Velázquez مين هالتحفة الي محتفل بتاريخو عمو جوجل؟ هادا هوة الرسام الاسباني الخاص والأول ببلاط الملك ريتشرد العاشر عشر.. شي ريتشرد من هالرشارد! كان رسام شخصي..يعني فينا نشبهو هلأ بمكنة التصوير.. كان بيرسم بورتريهات صور شخصية للملوك. يعني الأخ كان رسام البلاط الملكي الاسباني وماخلى حدا بالعيلة الا وما رسمو شخصياً انا منبهر بعظمة هالانسان...هلأ ليك! الصور للشهادة...رائعة ومابيجي ببالك انو الي رسمهن ..كان بوقتها معو ريشة و علبة الوان فقط! يعني بتتوقع انو معو شي كم طابعة اتش بي مرتبين على كم كومبيوتر! بس ....تعودنا على جوجل يحطلنا احتفالات بعالم او بأمور غيرت مجرى التاريخ او العلم او غيرو! الهيئة شي كم يوم رح نشوف ذكرى رحيل (ذكرى) مثلاً...أو ذكرى اختراع البراية...على أساس انها آلة حلت مشاكل ...خاصة للأطفال! بقي ان نشير الى انو بعض الفنانين الي اساميهن لامعة متل بيكاسو وغيرن...كانو تلاميذ فن هالفنان واستفادو من اعمالو سلام عليكم!!!!!!!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
| هالأعضاء الـ 3 تشكروا أبو البيــس على هالمشاركة الحلوة: | ||
|
#10
08-08-2008
| ||||
| ||||
 الجوجل كعادتو عم يحتفل اليوم بمناسبه رياضيه مهمه كتير اليوم رح بكون افتتاح دورة الالعاب الاولمبيه لعام 2008 في بكين في نسختها الــ 29 الإفتتاح رح يكون بتاريخ و وقت مميزين .. التاريخ 08-08-08 الساعه 08:08 مساء وهاد شعار الدوره " عالم واحد , حلم واحد "  ومن أبرز المعالم او المنشئات الرياضيه بهي الدوره هو ملعب " عش الطيور " فعلا تحفه معماريه رائعه  المنظمين الصينين قالو انو حفل الإفتتاح رح بكون مفاجأه كبيره كتير وغير متوقعه ومميزه جدا عن سابقيها ومن المتوقع انو يشاهد حفل الإفتتاح مليار مشاهد يلي استغرق التحضير لإلو حوالي 3 سنوات ورح يكون مدة عرض حفل الإفتتاح 3 ساعات ونص متواصله .. والشي المميز بالحفل انو رح يتم اطلاق 29 الف قذيفه العاب ناريه ورح يكون بشكل كتير مميز ومن نوع خاص وياسيدي صارت دافعه الصين حوالي 43 مليار دولار استعداداً للدورة الأولمبيه المدن يلي رح تستضيف الحدث بكين وشانغهاي وتيانجين وتشينغداو وشنيانغ وتشينهوانغداو ومنطقة هونج كونج. ورح يشارك اكتر من 10,000 رياضي من 200 دوله بهي الدوره ولأول مره في تاريخ الألومبيات يتم صنع الميداليات " الذهب والفضه والبرونز " من حجر " اليشم " ويلي بمثل بالنسبه للصين " الشرف والفضيله " هاد كان متل موجز صغير عن معنى الصوره يلي موجوده على موقع جوجل لهاد اليوم تحياتي ابن الشام
__________________  حقيقه وليس حلم ... واقع وليس كلام مجد يسطٌره 8 من أبطال برشلونه صنعو الفارق للماتادور الأسباني بتحقيق كأس العالم 2010 آخر تعديل بواسطة Eben El Sham ، 09-08-2008 الساعة 01:16 AM السبب: صورة شعار البطوله لخبطنا فيه :) |
|
| Bookmarks |
| Tags |
| مثل, اليوم, الف, بماذا, google, يحتفل, هذا |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
مواضيع مشابهة | ||||
| الموضوع | الكاتب | القسم | الردود | آخر مشاركة |
| تعالوا ندعو الله تعالى | dina | جـــدد حيــاتك | 23 | 15-05-2009 07:45 PM |
| الفرق بين الحب اليوم والحب أيام زمان | smart | عبيــــر القـــلوب | 7 | 27-08-2008 08:40 AM |
| اليوم طنة ورنه كمان | أبو ساكو | قاعة الإحتفالات | 10 | 21-01-2007 08:55 AM |
| المسابقة الأولى-دراسة حول خلق العالم بين التوراة والقرآن | Boushra | العـــــلم للجميع | 4 | 13-04-2005 09:18 AM |
| الحــــــــــب حالياً والحــــب سابقاً | laaraa | شـــو في..ما فــي ! | 2 | 02-07-2003 07:08 PM |
 |
| اشترك بالنشرة البريدية للمواضيع : |
| زيارة هذه المجموعة |
في مثل هذا اليوم - بماذا يحتفل الـ Google ؟ 
50th anniversary of the LEGO brick 
رد : في مثل هذا اليوم - بماذا يحتفل الـ Google ؟ 
رد : في مثل هذا اليوم - بماذا يحتفل الـ Google ؟ 
رد : في مثل هذا اليوم - بماذا يحتفل الـ Google ؟ 
