 | |||||
 |  |  |  |  |  |
| | |||||
| | | | | | |
| |||||||
| شـــو في..ما فــي ! أجمل ما في حياتنا أنها عفوية ومتناقضة فلنكن عفويين بطرح تناقضاتنا |
| sponsor links |
 |
| | LinkBack | خيارات الموضوع |
|
#41
20-09-2008
| ||||
| ||||
خلوه صف حكي وماحدا ياخد على حكيي بس في شي جديد صار ...لون الدم تغير !!! على ايام جدي وجدك كان لون الدم أحمر (على ما أظن)بس هالايام لون الدم صار أزرق ...لحتى في ناس ماعاد عندها دم هلأ المشكلة مو بالدم لأنو بالنهاية كلنا بشر ...بس ياترى وين المشكلة ؟؟!!! مابدي ضل بس مابادر أترك مافيني تعودت على هالخط وهالأفكار والكلمات ماعاد فيني بس القصة لما أسمع الأغاني المفضلة إلنا بيصيبني حنين مافيني أوصفوا it's realy no change لأنو كلما بقرر أتغير أو وقف هالشي بيزيد فقررت أنو ماقرر وقف هالشي وأترك توقف هالشي للزمن مابعرف يمكن شي نهار بيمل مني (قولتكن ممكن يمل مني ؟؟!!) أحيانا بحس أنو اللي عم أعملوا صح وصح الصح كمان وبقرر بيومها أنو ما أتراجع عن مواقفي بس كمان أنا عم زيد الطين بلة ...لك أنا مو مشكلة بسسس ...... مافيني أحكي أكتر هلأ البشر يلي بعرفهم دمهم أحمر الحمد لله ...هلأ هدول البشر مفكرين القصة مزح جد مابعرف بس بيحاولوا لما أحكي يغيروا الحديث قال لحتى مايزيدوا الطين بلة ...بس والله هنن بيزيدوا الطين بلة لما مايتركوني فش قلبي تركوني فش قلبي قررت ما أحكي لحدا بنوب بس بحكي مع حالي وخلي قراري من راسي وقررت ...قررت ضل للأخير.... بس لبين مايصير هالأخير رح كون أنا أنا ولا حأتغير؟؟ ...بظن رح ضلني ثابتة على موقفي بس لازم يكون حصل تغيير يثبتني على مواقفي والبشر يلي بعرفهم بس يعرفوا بالتغيير يلي أحدثتوا فيه ما رح يلوموني بالعكس ..بس اذا حدث هالتغيير وعرفوا البشر رح نضل سوا ؟؟؟ ولا بيكون خلص انتهى المشوار ، وبتكون مهمتي انتهت هلأ بس فتحت كتابي وبلشت أدرس وحضر لمادة يوم الإتنين رح تروء هالحالة وبرجع بقرر القرار الأول أني أترك وأتخلى عن أفكاري الثابتة الممقتة لأنو الشي اللي عم فكر فيه مستحيل يصير you a reason I feel so alive how I can explain that smile because of you I don't have to wounder why ماعرفتوها ؟؟ حطها بالغوغل Marc_Anthony_-_My_Baby_You.mp3 : : : على كل براي صار وقت يصير فيه دمي أزرق وصار وقت أتخبى وهي فترة وبتعدي وكل شي بيرجع متل ماكان بس هالفترة قولتكم سنة ولا أكتر لأنو لحد هلأ صرلنا سنة كل يو بقرر القرار الأول وبرجع للقرار التاني لأنو بضعف وبستسلم ياربي مالي غيرك أنا صح ولا خطأ ......  هف لازم أخد قرار !!!!
__________________  أشكو إلى الله كما قد شـكــــا أولاد يعقوب إلى يوســـــــف قد مسني الضر وأنت الــذي تعلم حالي وترى موقفـــــي بضاعتي المزجاة محتـــــاجــــة إلى سماح من كريم وفـــــــــي فقد أتى المسكين مستمطـراً جودك فارحم ذله واعطـــــف فأوفي كيلي وتصدق علـــــى هذا المقل البائس الأضعــف (( معا على طريق التحشيش ))  |
| هدول الأعضاء ياzahraa عم يتشكروك كتير على هالمشاركة الحلوة: | ||
كومة حزن (21-09-2008) | ||
|
#42
22-09-2008
| |||||
| |||||
مممم .. قولتكن بتمطر ؟ عم ترعد وتبرق عنا .. أو تبرق وترعد .. أو نفس الشي .. على اعتبار "الواو" ما بيفيد الترتيب حسب ما بذكر ! وكأنو الدنيا قايمة وقاعدة برّا .. شبه عاصفة  هي أول مرة بسهر لهالوقت .. صارت الساعة سبعة إلاّ .. ومافي حدا .. لحااالي .. انو فليز مو بتكوني موجودة بالعادة بهالوقت ؟ طيب وينك هلأ ؟ إقتباس:
إقتباس:
و .. احم .. ادعيلي انتي ايه ؟ *وش خجلان* إقتباس:
يعني آي هاف نو آيديا الصراحة .. حدا عندو فكرة ؟ |
| هدول الأعضاء ياClaire عم يتشكروك كتير على هالمشاركة الحلوة: | ||
كومة حزن (23-09-2008) | ||
|
#43
22-09-2008
| ||||
| ||||
أنا عندي فكرة ممم بدي افتح محل كلير  مو مشان شي بس لانو اتضور جوعاً لك هالعالم شو بصرلون فجأة يعني هيك هيك بلا ولا شي بتلاقيون مدري شلون صارو مدايق فرحان تعبان مقهور زعلان شبك اه شبك فيكي شي؟ لا ما فيني ليش مكشرة يوه مالي مكشرة اي لأ مكشرة و معصبة كمان لك مالي مكشرة و لالي معصبة شبكون لا لا في شي أكيد بس ما بدك تحكي لو في شي بحكي ليش لما احكي لا ما بدك تحكي و هيك ليصير في شي غصب  شو مشاني سردت كإني ما نرجع لحديثنا حدا جوعان متلي شي؟!
__________________ أنا امرأة لا تنحني لتلتقط ما سقط من عينها أبداً  (( معا على طريق التحشيش )) |
| هدول الأعضاء ياRaneem_koub عم يتشكروك كتير على هالمشاركة الحلوة: | ||
كومة حزن (23-09-2008) | ||
|
#44
23-09-2008
| |||
| |||
أنا اليوم حابب أحكي بس مو طالع معي الحكي و ماني عرفان كيف بدي أحكي و لا شو بدي أحكي و لا عن شو شي بيحير ... ماشي رايح أحكي شو ما خطر ببالي بدون مقص الرقيب يمكن هيك أحسن ... هلأ أنا بالعادة كلامي أليل إلا إذا كنت مع ناس بحبون هون سكتني إذا بتحسن تسكتني بس هالايام ما عم أحكي يمكن لاني ماني حابب حدا حاسس تغيرت الدنيا كتير كتير و مافي حدا بيستاهل تحبو و لا تذوب ألبك بألبو حتى من كنت أعتبرهم أصدقائي و المقربين مني و اللصيقين بقلبي هالايام كرهانون .. لأ مو كرهانون... حرام هيك .. بس ما عاد حبيتون متل أبل هلأ أنا ما بخفي أنو شخصيتي صعبة شوي و صعبة تنفهم بس ... أخ ....شو بدي أحكي ... ماني رايح أحكي ... هيك أحسن خليها بالألب تجرح .. هلأ على كل الأحوال أهم شي شد الهمة و خلص يلي لازم خلصو أكيد أنا بطلب من فيليز تدعيلي من ألبها و خاصة و هي ساجدة و يا ريت كمان كلير ما تنساني من دعواتها بما أنها مداومة بموضوع الحكي أنو أنتهي بخير و سلام من الكتاب يلي متعبني كتير هلأ أنا من رمضان الماضي حطيطو بوزارة الإعلام بس الصراحة لهلأ و لا مرة رحت لعندون لشوف شو صار فيه هلأ مو لانو أنا كسلان بس مو يوم حطيطو بالرقابة و أنا مو رضيان عنو بتمنى ما يخلص العيد إلا و انا خالص منو ... خلص ما عاد بدي أحكي أكتر لاني حسيت أنو الرغبة بالكلام خلصت سلامي |
|
#45
23-09-2008
| ||||
| ||||
عم تمطر .. قطرات من سما .. وقطرات من عين .. ممم .. هلأ .. عم تقول فيروز : " لي قلبُ .. في الظُلمةِ يكتئبُ .. ويُهَدهِده التعبُ .. فيذوبُ وينسَكبُ .. كالدّمعِ من المُقلِ .. " منّي نعسانة وحابة كمّل السهرة .. وتكون سهرة فيروزيّة بامتياز .. بس ! عندي دوام .. هيدا بيقتضي اني لازم قوم نام .. و و و ليش حاسة حالي بليلة شتويّة ؟ . . |
| هدول الأعضاء ياClaire عم يتشكروك كتير على هالمشاركة الحلوة: | ||
كومة حزن (25-09-2008) | ||
|
#46
25-09-2008
| |||
| |||
اليوم حابب أحكي شي صار معي الليلة الماضية ... هلأ امبارح كان يوم صعب صعب كتير كنت حاسس حالي عم اتمزق .. عم اتحطم .. عم انفجر .. عم اتهشم ... وضع كتير صعب و حسيت حالي كأنو موجة كآبة عاتية و متمردة و شديدة القسوة رايحة تجرفني و تغرأني هون أنا كتير خفت و صار ألبي يرجف من جوا يعني لسة ما انسيت أيام الكآبة و سنينها شو بدي اعمل ما عرفت .. و دوا صرلي زمان ما استعملتو و مافي عندي و لا حبة أنا هون دغري فتحت علبة سمك تونة و تسحرت عليها و الحمد لله جابت نتيجة متل العادة و أحسن من مية وصفة طبية هلأ السر أنو السمك و خاصة الأبيض و منو التونة غني بحموض الأوميغا 3 هي الحموض كتير مفيدة للدماغ و خاصة عند تعكر المزاج لأنو بتزيد من نسبة السروتونين بالمخ و نقص السيرتونين في الدماغ هو السبب الرئيسي للشعور بانخفاض المزاج و الكآبة و كل الأدوية التي توصف لمعالجة الكآبة يكون عملها الأساسي زيادة السيروتونين بس ما في دوا إلا و له أثاره الجانبية القاسية بس سبحان الله السمك بفضل حموض الأوميغا 3 بيزيد السيروتونين في الدماغ و يزيل الشعور بالكأبة دون أي آثار جانبية |
|
#47
05-10-2008
| |||
| |||
......................... الحكي أكيد مو مجرد حكي ... يعني كل كلمة و إلها أثرها و هالأثر سلبي إو إيجابي كبير أو صغير ... آخر تعديل بواسطة كومة حزن ، 05-10-2008 الساعة 01:32 PM السبب: كأنو مفكر حالي عم أحكي مع حالي .. |
|
#48
31-10-2008
| ||||
| ||||
. . بعتباري لما ساويت هالموضوع ساويتو أصلا للتنفيس فاليوم بدي احكي عن شي عكرلي مزاجي  مممممم مزعج الوضع !! هلئ هوة الشخص أتفه من انو يزعج أي حدا بوجودو الغليظ او بتصرفاتو يلي صفة "منتهى قلة الزوق" هية أحسن شي ممكن ينقال عنها بس انو... زعجني !! مشكلة لما تضطر تتعامل مع هيك ناس لا فيك تعاملون بالمثل لأنو رح تصير متلون ولا فيك تطنش قلة الزوق المتكررة تبعون و شو الحل ..والله ما بعرف و ليش عم اكتب هالحكي كمان ما بعرف !! مرة سمعت ثيرابست عم يقول انو الحكي يلي ما بتحسن تقولو اكتبو لهيك انا رح افترض انو هالإنسان المزعج إدامي , اتخيل صورتو الغبية و اتزكر عبارتو التافهة(مع ابتسامة عريضة مني  ) رح إلو :مستر **** انت انسان بلا زوق و عنجد كمية التفاهة يلي عم اكتشفها فيك يوم و را يوم بتدهشني , انو يا... بني أدم  من بين ما بعرف اكتر من عشرين او تليتين شخص عبرناك و بررنالك السبب مع العلم انو قلة زوقك المتكررة معي بتعفيني تماما من التبرير , لك انت وشريكك شحدتو العالم شحادة ليشتركو و ما طلع معكون شي..!! شو يعني تطنيش ,ياحضرة.. كل واحد بيعمل بأصلو و الناس بالنهاية مستويات.. كلمة أخيرة "قلة الزوق مو شطارة" . . خيييي عنجد ارتاحيت الله لا يحرمني من يا حشيشستان و شو كمان  شكلا الراحة خلصت و بدو يرجع الجد السبت ناطرة شغلة كتير مهمة , ولو هاد الفهيم التاني قرر انو يقبل باللي عرضنا عليه بتكون بإذن الله انحلت المشكلة عسيرة العرض و القبول كتير عم يخطرلي الـ God Father بهاليومين !! و مشتهية لهالفهيم make him an offer can Not refuse  وكمان يوم الأحد في قصة أهم ,الله يسيّر . . كلير خانوم وين ما حدا عم يشوفك ؟؟ من بعد اخر سهرة اختفيتي ! إقتباس:
إقتباس:
 . .
__________________ ..:: Quality Not Quantity ::.. |
|
#49
01-11-2008
| ||||
| ||||
. . انو شو مشان الدنية ما بعرف كيف !! أيام بتتركنا ما بنلائي شي نساويه و يا من ترانا عم نكش دبّان :d و أيام بتخلينا نركض نركض و ما بنعرف نلحق شي !! الله يااااارب يهدي يلي ببالي و يوافق قولو آمين . .
__________________ ..:: Quality Not Quantity ::.. |
|
#50
01-11-2008
| ||||
| ||||
إقتباس:
تاني شي حبيت بلش باقتباس كلماتك يافيليز لأنو حطيتي ايديك على الجرح متل مابيئولو في ناس بتقابلها وبتكون مضطر انو تحكي معهن وهنن اتفه من التفاهةوتضطر تتعامل معهن وهنن اصلا موخرج التعامل............... بس شو بدو يقول الواحد دايما بيحطو الحق على الكبير ولازم يكون عندك عقل وانت الفهمان بس ياريت بيوجهو كلمة صغيرة للصغير المخطىء................... هلأ المهم انا بلشت بالردح بس ماقلت شو المشكلة المشكلة مافي مشكلة من الاساس بس يمكن حساسيتي الزايدة عملتها مشكلة انو هاد بزمناتو في كان عنا بالعيلة وحدة (كنة حدا بيقربني)تافهة كل ماتشوفني مابتسلم علي قصدا وقدام الكبير والصغير هي اصلا بتكرهني وفي ناس يقولو انو بتغار مني بس هي مابتعنيلي شي بس الله وكيلكن انو ماحدا من العيلة بيوجهلها كلمة انو تعتزر مثلا او ليش هيك بتساوي كلن يقولولي انت العاقلة وانت الكبيرة ولازم ماتعطيها اهتمام بس لما بتزيد القصة عن حدها وبتكرر وتخلي قرايبيني مايحكو معي بتكون القصة زادت عن حدها وانا مالي غلطانة كل يلي عملتو انو اخر مرة التقيت فيها وماسلمت علي تركت المجموعة ورحت والله وكيلكن ماحدا راضاني مع اني شغلة كبيرة بالعيلة وحطو الحق علي قال شو لازم كون عاقلة ..............يمكن مالازم يكون الانسان حساس زيادة عن اللزوم والله يكملنا بعقلنا قولو امييييييييييين...........
__________________  إذا سجدت فأخبرالله بأسرارك ...... ولا تسمع من بجوارك ...... وناج ربك بدمع عينك ...... فهو للقلب مالك ........... |
|
| Bookmarks |
| Tags |
| @حـــــــكـــــــــــــي@ |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
 |
| اشترك بالنشرة البريدية للمواضيع : |
| زيارة هذه المجموعة |
رد : @حـــــــكـــــــــــــي@ 
تنفيس 
