مرحبا مي
مشان:
هاد الكلام ببصم عليه بالعشرة لأنو من بروتوكولت صهيون هوة انو يخلونا ننسى مين نحنا بتمييع الجيل وتتفيه احلامو واهدافوه
وهاد الشي طبعا ما بيصير إلا اذا خلو الرجال متل النسوان وبالعكس
على فكرة هي يمكن برأيي أهم لفتة بالنص وهية يلي كشفت النص يعني الكاتب مفترض انو زوجتو هية عامة الشعب يعني متلها متل كل الناس بقا وئت عم يخاطبها عم يخاطب الناس من خلالها وئت ئال هل تسمعين يا زوجتي ما أقول ؟؟ كأنو عم يئول سمعانيني يا ناس شو ئصدي فهمانين عليي وهيك
هون بعتقد أصدو على هجرة العقول والنوابغ بكل المجالات يعني وش السحارة عنا
على فكرة انتي لهلأ ما انتيلنا اسم الكاتب وبأي جريدة اريتي
على كل مقال حلو لنشوف كمالتو كمانة وشكرا الك ميوش
بااااااااااي

__________________
شيء يضرب على أوتار الفؤاد كلما هبّ النسيم ....

أرجوك لا تقترب ...

فأنا منهك ....

وأوراقي تساقطت قبل ان يشتد عودي ....

مسا الخير...

حارق شكرا كمان مرة على هالمشاركة الحلوة ... بس خلّي النقاش لبعد ما تخلص إيه ... مشان تعطيني رأيك كاملا

و بالنسبة لإسم الكاتب و المجلة , فكمان رح اكتبو لتخلص المقالة

الجزء السابع

-7 -
زوجتي نائمة , غطيتها بلحاف , قبلت جبينها . وصرت أتمشى و أفكر كثيراً في الكتابة ضد أميركا ... حتى تنبهت إلى أن أميركا ليست الولايات المتحدة .... أو فوكوياما ....

أنا الذي أصبح نصفه أمريكيا

في الثياب "T-shirt & jeans "
الكلام : " ok , **** you, thanks "
المأكل : "Hot dog & Hamburger "
والسلوك : " Business "

كنا نصف آلهة و نصف بشر , و أنا أصبحت مع شعبي نصف أمريكي و نصفي الآخر لا شيء .... OH my God أصبحت أميركا في بيتي !!!

فكرت و أغمضت . سحبت سيجارتي "الأمريكية النكهة " صرت أدخن و أدخن . وجال في خاطري أن ثمة آخر . يمجّنا بين شفتيه , ينفثنا في الهواء وقلت من يشعلنا, من يتلذذ بنا , ويطفئنا في منفضته أو تحت جزمته...
نحن بلاد من سجائر جوّالة .
إنهم يدخنوننا على مهل , ونسعل وحدنا أمام أطباء العالم .وهم يتفرجون على رئاتنا المتفحمة , على هذا السرطان المشتعل في أمعاء الأرض التي أنجبتنا ..

أريد أن أحيا كإله ...سأحافظ على ما تبقى من جسدي , سأوقظه من كسل الأطراف و النخاع و أتوقف عن التدخين,و أرصرص أضراسي,و أستيقظ باكراً مع عمال البلدية
سأسد هذا الفم عن شرب القهوة والشاي و كل المنبهات واللحوم ...
سألوي عنق الروح الشرهة للبيرة و الوسكي و قراءة الصحف و البوكر ...
سأتوقف عن القلق على الراتب و الأهل , و أقنن طاقاتي ليومي الأسود ...
و أهرول ساعة أو ساعتين باليوم لأستعيد لياقتي .....

يتبع ...

مسا الخير ...

إيه شبيبة كيفكون اليوم ؟

هي الجزء التامن والاخير ..

بتمنى انو تكون هالمقالة نالت اعجابكون , ونتناقش فيها إزا عندكون اي تعليق

بالنسبة للكاتب فإسمو هو يحيى جابر و اسم المجلة , متل مو مبين بالصفحة يلي عندي مجلة الناقد العدد التاسع والخمسون أيار 1993

يلي عندو مقالة مميزة يتفضل يشاركنا فيها
...

الجزء الاخير

أنا الآن على استعداد تام للكتابة .

صرت وحدي تماما ,و هدوء شامل في الغرفة والعالم .

كتبت , خرطشت ,خربشت , حبّرت .. كانت الكلمات كشلال يتدفق و لم أنتبه للزمن حتى أنهيت مقالتي .....

فجأة ... خرج أحدهم و قال لي : أنا الرقيب السياسي .أحذف هذه المفردات "رئيس ملك أمير جنرال ..." و أيضاً هذه الكلمات "ثورة حرية ديموقراطية ..."
فصرت أشطب خوفاً من كاتم الصوت

و برز الرقيب الديني من فوق رأسي و أومأ إلى بعض الفقرات التي اعتبرها تجديفاً و أشار إليها بسيفه فمحوتها .

و دلف رجل عجوز يشبه جدي بشرواله و عقاله و بيده سكين تلمع : ( يا ابن ال--- قُص كل الكلام عن العشيرة و السلالة و النسل و إلا.... )
و لحقه أخر حاملا سوطاً بدأ يفرقع (ما هذا ال----- ) و حذف ما حذف من المقالة

أشطب .... فشطبت

خرج كثير من الرقباء المحلين والعرب , ورجال دين وزعماء أحزاب موالية ومعارضة ...
خرجوا قبائل وعشائر يمحون ويشطبون ....

كنت وحدي ..
كيف خرجوا من الحبر أو من جلدي ؟
كيف اجتمعوا على مقالتي ؟

عزيزي القارئ ...
شطبت و محوت و خلّعت فقرات بكاملها . وتحولت المقالة إلى الشكل التالي

تحت عنوان " إملأ الفراغ " :

( إن ما نحياه -------- لذلك -------؟؟
و أعتبر أننا----- !!---- ----- --- لهذا ,
أنا ضد ------ و فكرة ال--------
إن مبدأ ال -------- و ----- هو --------- !!!!
------------ فكرة ---------
---------- ----------- كي ---------
-----------------------------------
فكرة -----
----------- فكرة ---------------- ) .

سلام

مرحبا مي يلي شايفو انو ماضل غير اشلاء جنين يمكن ولادتون عسرة
يعني من أول المقال عم استنى لحتى افهم عنوان المقال بس على هوة ما فهمت
انو افكار هالشخص عبارة عن الجنين يلي بحياتو مارح يولدو اذا ضل الوضع هيك
يمكن لأنو صار الرقيب عايش بجوات كل واحد فينايعني كل ما تطلع فكرة بدو يدير بالو لتكون غير موضع تلرحيب عند حدا من هالأطراف يمكن
او يمكن لسع ما بنعرف الف باء الحرية يمكن
اكتر عبارة مؤثرة بتعبر عن واقعنا بكل صراحة
جد اسلوبو حلو شكرا الك مي جد مقال حلو
بااااااااي

__________________
شيء يضرب على أوتار الفؤاد كلما هبّ النسيم ....

أرجوك لا تقترب ...

فأنا منهك ....

وأوراقي تساقطت قبل ان يشتد عودي ....

السلام عليكم

اول شي شكرا مي موضوع مميز

تاني شي
يمكن براي مقالة تعبر عن الواقع يلي وصلنالو
والكاتب يمكن عبيحاول يوصف حالنا من اول كلمة كتبها لاخر كلمة كتبها

متل وات قال اول شي

الغرب وصلونا لمرحلة خلونا نحط قواعد لاشياء بالاصل مالها قواعد
يعني متل هون عبيحكي الكاتب مشكلة كتير اساسية بحياتنا انو معد في عنا شي عفوي معد عنا شي خارج الطريق شي مجنون بطريقة ما
صار كلشي الو قونين مع انو في شعرة بين الجنون والعبقرية واحيانا الافكار المجنونة هي يلي بتعمل فرق
يعني كاتب مايكون مزاجي مابيصير

وكمان في فكرة عبر عنها بطريقة بتاخد العأل
انو مطلوب منا كلشي وبالمقابل مابيتقدملنا الاساسيات
متل الكاتب لابدون يطعموه ولا يشربوه ولايعطوه حرية وعبيطالبوه بالابداع
واذاطلعلو شي حدا طفرة وصار مبدع ولازم يعطوه جائزة بتروح الجائزة لحدا بالواسطة

يعني متل العلماء مخنوقين ببلادنا عباقرة ببلاد برة

والفكرة يلي حكاها حارق الحريش عن الرقيب كفت ووفت

انا مشاركتي مو عبارة عن شرح للمقالة بس ذكر للافكار يلي لفتت نظري بالاساس

وكتعليق اخير
بقول صح كلشي ضدنا بس براي مالازم نخلي اي شي بالعالم يمنعنا نوصل يلي بدنا ياه ويمنعنا نطلع الشغلات يلي نحنا موهوبين فيها
لان كل شخص الله عطاه موهبة مبدع فيها
واذا ضلينا عمنعزي فشلنا للغرب وللرقابة بعمرنا مامنوصل
يمكن بهالحكي بدعو لتغير ثقافة الشعب العربي يلي صار الجبن السمة الاساسية الو بس الامل دائما موجود
سامحونا
سلام

مرحبا جميعا ..

كيفك عمار


لازم نحاول نوصل للي بدنا اياه امممممم .. انت فينك ..؟ شو يعني اللي بدنا اياه !
يعني متل ما صار بالكاتب بعد ما خلّص مقالتو ما ضل حدا (ما طلعلو ) ... وانقلبت المقالة لاملأ الفراغ ..
لأنو لو ما عمل هيك شو كان رح يصير فيه .. !!!! الله أعلم ..

مسا الخير ..

رح نزّل مقالة غير اللي حكيت عنها لأنو كتاب (البصر والبصيرة ) اذا أريتو كلّو أحلى والكتاب صاير سيرة ذاتية للكاتبة بتحكي عن معانتها ومعاناة أهلها ..

بس (لفت نظري) مقالة بجريدة الدومري 31-12-2001 العدد 43
عنوان المقالة طلابنا وخريجو جامعاتنا لا يفرّقون بين الألف والمصطيجة ..
رزان توماني :

قد لا نستطيع تحديد مستوى الثقافة بين الشباب .. ونحن غير قادرين على الحكم عليها كما أننا لسنا في برنامج من سيربح المليون أو ما شابه ..
لكن أن يصل تدهور الثقافة إلى درجة يخلط فيها المتعلمون من خريجي الجامعات ومن الطلاب بين التاريخ والجغرافيا ولا يفرقون بين الألف و(المصطيجة) كما يقال .. جهل مطبق بتاريخنا ,بمثقفينا,بأعلامنا, أما ما آخر أغنية لفلانة وهل نزل شريط علانة فهذه هي الثقافة السائدة .
ما هي أفاميا؟أين يوجد قبر صلاح الدين ؟من هو المعري وبدوي الجبل ومصطفى العقاد ؟من هو أبو تمام وديك الجن ؟ماذا يعمل فاتح المدرس؟ماذا تعني كلمة شام؟من هو عمر أبو ريشة .. زكريا تامر وغيرهم الكثير من الأسماء..؟
تاريخ كامل وحضارة وأدب لا يعرف جيلنا شيئا عنها .. جيل (الهمبرغر) و (التلفزيون) أو جيل (3 بسكوتات بعشرة) جيل معظمه لا يهتم إلا بلباسه وبالموضة وبمتابعة أخبار هذا المغني أو الممثل والأبراج .. ماذا نقول حين تغدو أبجدية أوغاريت في ايبلا .. وقلعة المرقب في حلب .. وأفاميا بتدمر ..؟! هذه الإجابات أفادنا بها جهاد مع أننا استوقفناه مع مجموعة شباب في حديقة المتحف الوطني بدمشق ورغم أن بضعة أمتار تفصلهم عن مكان الأبجدية .. إلا أنهم وغيرهم كثير ممن يعيش في دمشق ويأتي إلى حديقة المتحف ليشرب القهوة والشاي دون أن يدخل إليه ويرى ما فيه ..
وقد احتاروا في أمر الأبجدية فمنهم من قال إنها بحلب ومنهم من قال إنها غير موجودة .. والبعض توقعوا أن تكون في تدمر .. ولم يعطنا أحد الجواب الصحيح ..
فحضارتنا ومتحفنا وتاريخنا ليس موجها لنا بل للسواح والأجانب الذين يعرفون عن بلدنا وحضارتنا أكثر مما نعرف نحن .. فالناس أصبحوا لا يعرفون بلدهم وبما تشتهر أو أنهم غير مكترثين بهذا .. قد يعرفون أشهر المأكولات وأشهر المطاعم والفنادق والنوادي .. لكن أبعد من هذا فلا يهمّ ..

... يتبع ...

السلام عليكم

هلا

الحمد لله منشكر الله


انا والله بشارع بغداد ونازل بعد شوي

شو يعني يلي بدنا ياه
هاد سؤال كتير عمومي
انا يلي قصدتو لازم يكون عنا هدف معين
ونحاول نوصلو بكل الطرق {النضيفة}
والوصول مابيصير بطرق عشوائية الوصول بيصير بأسلوب
اما انو نستنى انو حدا يقلنا قرب ياتقبرني ووصال لهدفك بعتقد هي بالاحلام مو بالواقع

هاد جوابي على سؤالك مابعرف اذا جوابي كافي

سامحونا
سلام

في عنا شارع بغداد باللادقيّة ...

بعرف والله بعرف انو (لازم يكون النا هدف معين )
بس انت كأنك عم تحكي عن شي خارج معنى ومغزى القصة ..
ما بعرف عنجد ما فهمت عليك ..
هلأ انت شو فهمت من القصة .. أنا فهمت الكاتب كتب مقالة بس ما اقدر يوصل للي بدو اياه لأنو ما عادت مقالة ما لأنو هوة السبب لأنو ما على كيفو ...