هااااااي

عنجد في مواضيع بكتني
متل تبع ابنو اللي دفنه
وورفيقو اللي مرض بعد الكاس الاولى

وغيرو بس هدا اللي متزكرتو

وشكرا عالاسم

تحياتي

__________________

هاي افندي
مبارح تحديدا جبت كتاب السجينة وبلشت فيه
خلصت منه لهلا شي 200 صفحة
بس عندي كتيييييير تحفظات عليه بس عم استنى لخلصه مشان نتناقش

اما بالنسبة للشهيدة المجهولة
فجبتو وشي يومين باراه وبقلك رايي
استنى

سلاااااااااااااام

__________________

احم احم

مرحبا شباب...

عجبني الموضوع...وبحب شارك معكن
اخر كتاب قريتو هو دافنشي كود...صحي صارلو زمان نازل عالسوق بس هلأ لحتى فضيت اقراه

الكتاب أكتر من رائع الحبكه فيه بتاخد العقل والأحداث لزيزه

وهلأ عم اقرا الكتاب التاني لدان براون هو ملائكه وشياطين

اللي بيقراه لح يلاحظ انو بداية القصه كتير متشابهه مع دافنشي كود الصراحه هالشي أثر شوي علي وانا عم اقراه بس هالشي بأول كم فصل بعدين بتمشي الأمور ...

وعبالي كتير اقرا رجال من المريخ بس نصحوني اقراه بالإنجليزي انو أمتع...بس لسه مااشتريتو

المنفلوطي :قريتلو النظران والعبرات كلن حلوين كتير بس أحيانا بيتمادى بالوصف بس بشكل عام ممتعين وبنصح فيون

سلام

__________________
بقطفلك بس هالمره..

مرحبا يا ملاك،
على سيرة دافنشي كود،
انا شفت الفيلم، كتير حلوة قصته، مدة الفيلم شي ساعتين و نص،
بس اكتشفت انه بمعتقداتهن في كتير أمور عجيبة،
تحياتي الك

__________________
=============================
بخيال الوردة في وردة أعدت بالفي
بدي احكيها و ما بدي تكبرت شوي
يا قلبي ما بعلمي شاطر
ليش واقف بتخاف تغامر
متل العطشان اللي ناطر على نبعة مي

كتير عبالي شوف الفيلم بس لسه مااجا لسوريا
الصراحه انا كتير انشديت للروايه بس المعلومات اللي فيا مافينا نعرف مدى صحتها من غلطا.

سلام

__________________
بقطفلك بس هالمره..

هااااااااااي

بالنسبة لقصة ديفينشي
انا ما قريتها بس حاقراها انشالله

اما بالنسبة للسجينة
فقريتها وعجبتني
بس لازم علق لانو بحكني جلدي بعدين لازم عبر
المهم

ببداية القصة بتقعد بتوصف امها وطريقة حياتها وبيتها وتفاصيل دقيقة كتير
وكلياتها شي 4 سنين ونص
اي شو هالمنطق؟؟
بعدين......
شلون كانت الاخت دوبها شي 6 سنين وكانت تقدر تضبط مشاعرها
لما بتجي امها لعندها لتشوفها عند الملك
وشو كمااااااااااان؟؟؟
يمكن بس هدول
بس بصراحة اا بقول انو هدول عندن صبر ايوب

اي
اي
اي
اتذكرت
بعدين شلون الام مسلمة وكانت تقول انو هيي ضلت تصلي
ولما اجو ولادها بدون يحفروا النفق علمتون الدين المسيحي يعني ما فهمت ليش؟؟؟؟؟

وانت شو رايك بالقصة

سوري طولت
بس لازم احكي كلشي عندي

المهم عم اقرا قصة الشهيدة المجهولة

تحياتي.......

__________________

مرحبا أم السوس،
بالنسبة للنقطة الأولى، انا معك فيها،
بالنسبة للنقطو التانية بعتقد أن الطفل بعمر 6 سنين ممكن يتحكم بتصرفاته اذا تعود عليها من عمر سنة أو سنتين،
أما بالنسبة للنقطة الثالثة، فبتكون الأم بالأساس مسلمة،
و لما بتكون بالسجن،
بتدعي الله سبحانه و تعالى انه يطلعها من المحنة اللي هي فيها،
و بزعمها انه الله سبحانه و تعالى ما استجاب لدعوتها، فراحت تدعي فيه السيدة مريم رضي الله عنها،
و بعدين بتفرج عنها شوي و بتقول كمان بزعمها انه السيدة مريم هي اللي كلعتهن من السجن مو الله سبحانه و تعالى.
مشان هيك بتعلم أولادها المسيحية.
ملاحظاتي على القصة هي كالتالي:
1- القصة طويييييييييييييييلة.
2- فيها كتر من التفاصيل المملة.

هدول هنن ملاحظاتي،
بالنسبة لقصة الشهيدة المجهولة، لسا عم اقرأ فيها.

و عن جد انا كتير مبسوط لأنه في حدا لسه بيهتم بالقراءة الى الأن.

و تحياتي الك

__________________
=============================
بخيال الوردة في وردة أعدت بالفي
بدي احكيها و ما بدي تكبرت شوي
يا قلبي ما بعلمي شاطر
ليش واقف بتخاف تغامر
متل العطشان اللي ناطر على نبعة مي

هاااااااااي

انا كتير سريعة
من كتر الوقت الفاضي خلصت قصة الشهيدة المجهولة

بس عم استنى تعليقك
مشان قلك رايي

سلااااااااااااااااام

__________________

مرحبا ام السوس،
تأخرت عليكي لا تؤاخذيني،
كنت عم اقرا القصة قبل ما نام، قام وقع الكتاب من ايدي و نزل كعب الكتاب على عيني،
رحت على المستشفى و قالولي انو عيني مجروحة، هاذا الحكي من امبارح الصبح،
بس الحمدلله هلأ أخف،
ما علينا:
أنا خلصت من القصة أخيرا.
ملاحظاتي على القصة هي ما يلي:
1- القصة سياسية أكتر منها رومانسية.
2- ممكن القصة تنقسم الى جزئين، جزء سياسي بحت و حياخذ 350 صفحة من أصل 400 صفحة، و الباقي رومانسي و رح ياخذ 50 صفحة من باقي ال 400 صفحة.
3- طبعا لو شلنا الكلمات و العبارات المكررة يمكن صارت القصة 200 صفحة بس.
4- فيها مط و عجن كتير على أشياء بدون طعمة.
يعني لو طلبتي من اني اقوم بتلخيص القصة، حلخصها بصفحة وحدة فقط تحتوي على عدة مشاهد.
5- توقعت انه تكون القصة فيها رومانسية و رقة كبيرة في الألفاظ، بس هاذا الشي ما صار.
أخيرا، تقييمي الشخصي للقصة:
مقبول مرتفع.
هاذا رايي الخاص جدا،
انتي شو رأيك بالقصة.
تحياتي

__________________
=============================
بخيال الوردة في وردة أعدت بالفي
بدي احكيها و ما بدي تكبرت شوي
يا قلبي ما بعلمي شاطر
ليش واقف بتخاف تغامر
متل العطشان اللي ناطر على نبعة مي

هاااااااي

على عينك العافية وانشالله ما بتشوف الا كل خير

طمني صرت الاعور الدجااااال؟؟؟؟
عم امزح والله

المهم بالنسبة للقصة ما كتير عجبتني
ما بعرف يمكن لاني مالي كتير مراق بالسياسة
والشي الرومانسي اللي فيها ماكتير بشدني
يعني في كتير قصص رومنسية بتشد اكتر
ومتل ما قلت القصة فيها كتير تكرار
بس على كل حال شكرا عبتلي وقتي

سلااااااااااااااااااام

__________________