 | |||||
 |  |  |  |  |  |
| | |||||
| | | | | | |
|
#1
30-08-2009
| ||||
| ||||
خواطر 5 برنامج رائع جداً تعرضه قناة mbc على الساعة 6:15 بتوقيت السعودية بتمنى انكم تتابعوه البرنامج عن اليابان و فيكم تتابعوه عن طريق النت وموقع اليوتيوب و أنا هون إن شاء الله رح جبلكم الحلقات ... بصيغة swf بتضفطوا عالرابط و بتشوفوها و تدعولي ... بس لازم يكون عندكم برنامج مشغل الفلاش ... وهي أول حلقة جربوها ... صباح الخير يا مسلمين http://video.z7mh.com/file2934.swf إذا بتحبو بنتناقش عن كل حلقة شو عجبنا وشو ما عجبنا وعلى شو ناويين نحن .. 
__________________   The White Lion mbs  |
| هالأعضاء الـ 2 تشكروا White-Lion على هالمشاركة الحلوة: | ||
Black Garil (03-09-2009), roza (18-01-2010) | ||
|
#2
31-08-2009
| ||||
| ||||
مشكوره وايت انا من أول رمضان ماروح عليي حلقه من خواطر بكل أجزائه وبنصحك تابعي خواطر 4كانت عباره عن سلسله (لو كان بيننا) وتعني بانه لو كان الرسول عليه صلوات الله موجود حاليا شو رح يصير كتير حلقات رائعه أما بالنسبه لخواطر 5 وهيه باليابان ويلي ماعنده اليوتيوب فيه يحضره من موقع www.mbc.net بفقره شاهد أون لاين وبتمنى الكل يستفيد متل ما أستفدت من هالبرنامج يلي جد أكتر من رائع ويلي بيحب يتواصل مع الأستاذ أحمد الشقيري عن طريق الفيس بوك أو عن طريق موقع ثقافه لانه انا بتحاور معه عن طريق هالموقعين
__________________ ......................  ........  |
| هدول الأعضاء ياالحر الشامي عم يتشكروك كتير على هالمشاركة الحلوة: | ||
White-Lion (31-08-2009) | ||
|
#3
31-08-2009
| ||||
| ||||
بالفعل هالبرنامج كل سنه عن سنه عم يثبت نجاحو وعم يكتروا الناس يلي عم بتابعوه طريقه تقديم الاستاذ احمدالشقيري جدا عفويه واكتر من رائعه يعني بيوصل النصيحه بطريقه كتير سلسله خواطر 5 برنامج كلو على بعضو مفيد بكل مراحلو من مرحلة الفكره لمرحلة التنفيذ لمرحلة عرضو و وصولو للناس من اول رمضان بيجوز هاد البرنامج الوحيد يلي تابعتو بكل معنى الكلمه ويلي بيخليني احكي عنو ونتناقش فيه انا والعيله و كتير أثر فيني وكتير اوقات بفقد القدره عن التعبير لشدة دهشتي بالشي يلي عم شوفو بنصح الكل يتابعو وبتشكر وايت ليون لانو عطت فرصه لاغلب الاعضاء انو يتعرفو على هالبرنامج ويتابعوه من خلال الحلقات يلي عم بتحطها الله يعطيكي العافيه ويجعل هالشي بميزان حسناتك
__________________   قمة الحب أن يجبرك الصمت على الكلام..فيعجز الكلام عن التعبير فتصمت |
| هدول الأعضاء يانانو عم يتشكروك كتير على هالمشاركة الحلوة: | ||
White-Lion (31-08-2009) | ||
|
#4
02-09-2009
| ||||
| ||||
. . رمضان كريم  سمعت عنو لهالبرنامج كتير بس ما بعمري صدفتو رح حاول شوفو اليوم انا الشي الوحيد يلي عم تابعو قصص القرآن الجزء التاني للأستاذ عمرو خالد بيطلع الساعة 4 بتوقيت الشام على قناة ابو ظبي وعلى قناة الشام الساعة 5 ليلي حابب يتابع شكرا عالطرح وايتي تحيّة,  . .
__________________ .. Quality Not Quantity .. |
| هدول الأعضاء ياFelez عم يتشكروك كتير على هالمشاركة الحلوة: | ||
White-Lion (03-09-2009) | ||
|
#5
03-09-2009
| ||||
| ||||
عنجد برنامج رائع جدا من اول رمضان وانا متابعتو كتيييييييييييير حلوا يعني حتى احمد الشقيري عم يعطي رائيه بكل سلاسه طريقة حكيو حلوةبرنامج ناجد جدا .................................... تحياتي اقحوان الشام
__________________  Ilove you  |
| هدول الأعضاء يااقحوان الشام عم يتشكروك كتير على هالمشاركة الحلوة: | ||
White-Lion (03-09-2009) | ||
|
#6
04-09-2009
| ||||
| ||||
كل ما بتابع حلقة من البرنامج بيزيد اعجابي وتقديري لشعب حلّت فوق راسو كارثة رهيبة ومع هاد وقف من جديد وتقدّم .. شعب منظّم .. شعب ذكي .. شعب شغوف ومُحب لكل ماهو جميل ,, لكل ما هو مفيد بهلبرنامج ورجانا أحمد الشقيري مثال واضح عن بلد كامل متكامل من جميع النواحي نظافة ,, رُقي ,, ترتيب,, قيم ..ذكاء ,, علم,, نهضة,, مو ناقصن غير الدين وبس ,,, ونحنا عنّا الدّين وهاد أهم شي فليش مامنحصل عالباقي ؟؟ ليش ما منسعى لنوصل لربع اللي وصلّلوا الشعب الياباني؟؟ المصيبة الكبيرة فينا .. يعني كل ما يتمتع به الشعب الياباني من قيم ورُقي ونظافة وترتيب هو من صفاتنا نحن المسلمون بس يا ترى نحنا أديه عم منطبق من هالقيم هي واللي أوصانا فيها الرسول محمد عليه الصلاة والسلام.. اللي حابّة قولوا انّو ليش مامنتعلّم ومناخد من تجربة هالشعب هاد ,, ما لح يصير التغيير بيوم وليلة لكن مع الاصرار والتصميم ما في شي مستحيل ,, برأيي كل فرد لازم يبدأ من حالو وازا كل واحد فينا تعلّم وعلّم ولادوا عالنظام بظرف سنين قصيرة لح نلمس بعض التغيير البداية أهم شي ابدأ من نقطة الصفر وامشي للأمام ولح تلاقي التغيير ملموس بين ايديك ... عندي كتير حكي لأحكيه عن هالموضوع وانشالله الي رجعة .. شكراً وايت. . .
__________________ ان كان هنالك موتاً يصنَعُهُ المحتل وشلالات من الدّماء.. فنحن الفلسطينيون سَنصنع في كلّ يوم مشهداً نستمدُّ منه الصّمود و العزّة آخر تعديل بواسطة عاشقة الوطن ، 04-09-2009 الساعة 02:47 AM |
| هالأعضاء الـ 3 تشكروا عاشقة الوطن على هالمشاركة الحلوة: | ||
|
#7
04-09-2009
| ||||
| ||||
برنامج رائع جدا جدا وفيليز بنصحك تابعيه بغير نظرة الانسان للحياه عنجد طريقة تفكير الشعب الياباني للحياة غيربكل شي بيفكرا مو تاركين شي ما فكروا فيه أكتر حلقة حبيتها هي المدارس حلقه تانيه ولمن فكروا كيف يخففوا من زحمة الدراجات عندهم عملوا مصفات تحت الارض للدراجات شو هالتفكير نيالهم عهالمخ يلي عندهم الله يقدرنا انو نفكر متلهم تحياتي وايت
__________________  آخر تعديل بواسطة عاشق عيون غفران ، 04-09-2009 الساعة 02:56 AM |
| هدول الأعضاء ياعاشق عيون غفران عم يتشكروك كتير على هالمشاركة الحلوة: | ||
White-Lion (04-09-2009) | ||
|
#8
05-09-2009
| ||||
| ||||
بالفعل حلو كتير وبيحطو على قناة الرسالة حوالي 3ونصف ظهرا مبارح كانت الحلقة على نظام الاكل بالمدارس بالفعل رائعة واكتر من رائعة عم يحكي المزيع عن احترام الشعب الياباني لنعمة الاكل يلي مو موجودة بأغلب البلدان العربية وعن احترامهم للنظام وحتى احترامهم لبعض يعني الصف كلو بيتعاون لتحضير الاوعية تبع الطعام يلي بيكون مجهز من قبل المدرسة وكمان عن احترامهم للطالب يلي بيشرح فوائد الاكل قبل كل وجبة ومابياكلو حتى تقعد الانسة معهم وبيقرأو دعاء خاص فيهم مع انهم مو مسلمين وعن مسح الصحون تصورو انهم مابيخلو رزة بالصحن والمذيع كان عم يقارن المطاعم والمدارس اليابانية بالمطاعم العربية شيء مؤسف بس عن جد لاتروحو عليكم ولا حلقة
__________________   أنا لم أتغير كل مافي الأمر أني ترفعت عن الكثير حين اكتشفت أن الكثير لا يستحق النزول إليه |
| هدول الأعضاء ياسما الشام عم يتشكروك كتير على هالمشاركة الحلوة: | ||
White-Lion (06-09-2009) | ||
|
#9
05-09-2009
| ||||
| ||||
مرحبا وايت بالفعل هالبرنامج انا بحضره من وقت ما كان خواطر وبس يعني من اول جزء وهالبرنامج كتير خفيف على القلب و مريحه شوفته المهم حلقة امبارح على ال mbc كانت عن النظافة وكب الزباله انو هالشعب الياباني كتير منظم لدرجة مو طبيعية لا وما تقولي كم واحد منهم لا كل الشعب بدون استثناء الزبالة عندهم نظيفة والها مواقيت يعني يوم يكبو مخلفات البلاستيك وكل شي بينعاد تدويره ويوم يكبو اشياء تانية نسيت شو هي واكياس الزبالة مو مطفحة زي عنا ومو طالع منها الزبالة وريحتها طالعة عنجد ناقص هالشعب انو يكون مسلم الله يهديهم وتكون بلادنا العربية نظيفة بطريقتهم
__________________  |
| هدول الأعضاء ياتوت العسل عم يتشكروك كتير على هالمشاركة الحلوة: | ||
White-Lion (06-09-2009) | ||
|
#10
06-09-2009
| ||||
| ||||
بتشكر تفاعلكم جميعا مع الموضوع .. و أنا معكم بدعو الكل لمتابعة هالبرنامج القيم و مايضيعو عليهم ولا حلقة من قبل كانت الحلقات الماضية ما يقارن بينا وبين شعب آخر .. يحاول يوعي الناس للغلط الي عم يعملوه .. و ينصحهم ويناقشهم يذكرهم بتعاليم ديننا الحنيف بالإسلام .. بحياة الرسول عليه الصلاة والسلام بس هالمرة قارن بينا وبين شعب غير عربي و غير مسلم بأغلبيتو لعل و عسى تنفع معهم هالمرة و يتغيرو .. تدب الغيرة و يتحركو بس الي عم بسمعو وشوفو من الي حولي ... أنو شو هاليابان هي والله باين العيشة فيها حلوة كتير و الشغل راقي ومريح بيهتمو بالعامل وبكل شي واستنتجو من هالحلقات كلها ... أنو يعيشو ويستقرو ويشتغلو بالبابان  مفكرين أنو هاد دليل سياحي وعم يشرحلون عن هالبلد .. !!!!! فمن وين لوين بدنا نتحسن و بدنا نتغير و نتطور طالما تفكيرنا مازال محدوود إن كل واحد ما بدأ من نفسو و صلحها .. ما بنتغير و إن كل واحد شاف الغلط بعينو وسكت عنو لخوف أو أنو مادخلو أو أيا سبب تاني .. مارح نتغير في برامج توعوية كانت تذاع قبل رمضان .. كتير حلوة بقولو آخرها " البركة بالشباب " ... هي ممكن كتير تفيد الناس و من كم يوم شفت كمان على قناة مصرية .. عم يفهمو الناس أنو عملنالكم قطار جديد و أنو عليكم تحافظو عليه ... و إن شفتو حدا عم يخرب فيه امنعوووووووووووه ... إن شاء الله الناس تستفيد ةو تتغير للأحسن .. وخلينا نبلش بأنفسنا و بإطار عيلتنا .. بأطفالنا وأقاربنا و جيرانا ... ومع الأيام بتكبر الدائرة أكتر .. ومشان حلقة امبارح يا توت العسل .. في نقطة كمان اثارت إعجابي ... لما بعد ما فضيت حاوية الزبالة ( أكرمكم الله ) جمعو كل الحاويات بغرفة و كانت وحده عم تغسلون .. قلت يا عيني يا عييييييني ... مين عنا بيغسل الحاوية بعد ماتفضى بتبقى الحاوية مبخوشة و مصدية و حالتها حالة .. هنن يادوبهم يجو ويقيمو الزبالة و أكتر الأوقات ما بيجو إلا بعد عدة اتصالات بس لما قال أنو هي مواطنة عادية مالها من جماعة نظافة البيئة ولا من البلدية هي وحده من البناية و اليوم الدور عليها بالتنظييييييييف هون أنا جمدت ... أنو مين عنا رح يعمل هيك  إذا شطف درج عم يتخانقو عليه ... و صاير بمصاري كمان .. أنا بدفع ليشطف غيري بس ما بتنازل و بشطف فكرت لو عنا تم تطبيق غسيل حاوية وحده بس ... شو ممكن يصير  مرة تانية بتشكر تفاعلكم جميعا ً ولسه الحلقات جاية و مخبيتلنا كتير مفاجئات ... الله يسترنا من شي صدمة  بتمنى أوضاعنا العربية تصير أفضل و حياتنا تتحسن .. و للحديث بقية إن شاء الله ...
__________________ The White Lion mbs |
 |
| Bookmarks |
| Tags |
| اليابان, خواطـر |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
مواضيع مشابهة | ||||
| الموضوع | الكاتب | القسم | الردود | آخر مشاركة |
| الجزيرة نت: اليابان تنفي إطلاق كوريا الشمالية صاروخا بعيد المدى | مراسل حشيشستان | خدمة الأخبار المباشرة | 0 | 04-04-2009 09:01 PM |
| تلفزيون المنار - اليابان ستنهي مهمة قواتها في العراق | مراسل حشيشستان | خدمة الأخبار المباشرة | 0 | 31-07-2008 08:05 PM |
| FIFA World Cup Group F | Wiz_Man | إقليــم الرياضة العالمية المستقل ||  | 8 | 26-06-2006 11:56 PM |
| صور من شمال اليابان | hard2hold | قسم الجرافكس والصور و الرسومات | 3 | 30-08-2005 07:28 AM |
| صور لطرقات في اليابان (يا حسرتي عساحة الامويين) | salimoov | قسم الجرافكس والصور و الرسومات | 9 | 03-06-2005 01:35 AM |
 |
| اشترك بالنشرة البريدية للمواضيع : |
| زيارة هذه المجموعة |
خواطـر 5 في اليابان 
رد : خواطـر 5 في اليابان 
رد : خواطـر 5 في اليابان 
