الحيقيقة كنت سمعانة عن البرنامج قبل هل المرة بس ولامرة خطرلي شوفه بس بعد ماقرات شو كتبتو عنه فورا فتحت موقعmbc وقرات كل الحلقات عنجد هيك برنامج حرام ما ينشاف

__________________

__________________

__________________

بعد ما شوف حلقة جديدة من برنامج خواطر5

بيزيد اعجابي بشعب اليابان وبيزيد ألمي وعتبي وغضبي من شعبنا العربي الكريم

في ناس لح تقلّي لك انت شو عما تقارني

هدلون ناس مدعومين من فوق من الحكومة .. الحكومة بتعاملن كبني آدمين ,, كبشر!!

ونحنا ناس غلبانين .. لا بيطلع بايدنا نطوّر ولا بيطلع بايدنا ننشل بلدنا من اللي هو فيه

هاد الحكي أغلب الناس راح تحكيه أول ما تقارنن باليابانيين

طيب نحنا ماعمّا نحكي عن اختراعات متل مواقف السيارات اللي شفناها ولا عما نحكي عن مشاريع لتسوية الطرق ,, ولا عما نحكي عن حدوث معجزات

النضافة يا جماعة ,,,

النضافة والنظام والترتيب ... ولّا هي كمان بدها دعم من فوووووق

والله العظيم انّو غرت منهن .. ليش ما منغار بأمور نحنا قادرين نعملها بايدينا ,,, ليش ما منعلّم ولادنا عليها من الصغر ....

النضافة والنظام ما بدها راس مال ولا بدها تمويل ,, ولا بدها دعم ...

بدها بس مجهود وهمّة ..

ازا أنا وانت نضفنا حارتنا وولادنا ساعدونا ...

وهدلون نضفوا حارتن وولادن شاركوهن ما بتنضف كل حارات وحدائق وشوارع بلدنا؟؟؟

المحلات التجاريّة بيجي الليل وكل مين بيروّح على بيتوا و يا لطيف عالمنظر اللي بيخلفوا وراهن

كياس .. قمامة ... وغيروا وغيراتوا ... منستنى عامل النضافة يجي وينضف من ورانا!!

ليش منعتمد على عمال النضافة بكل شي ولولا العيب والحيا كنّا اعتمدنا عليهن بتنضيف البيت كمان

النضافة والترتيب هي من صفات المسلم ..

هي من وصايا الرسول الأكرم محمد (ص) النا

فليش مامنغير الواقع اللي برأيي ما في أسهل من تغييروا ازا صممنا واشتغلنا ..
.
.

والله شي مخجل المقارنة اللي عم بتصير طلعنا نحنا لا نضافة ولا ترتيب ولا حضارة ولا تقدم

والجاي أعظم !!!

بتمنى ما نكون حكينا وخلص ,,, بتمنى يكون هالحكي هاد بيقابلوا آذان مُصغية

بتمنى نباشر بالتغيير قد ما كان بسيط ... وهالتغيير البسيط أكيد لح يكون الو أثر ايجابي بينعكس عحياتنا ...

__________________

خليها لربك يا عاشقة ....

عندك عنا بالجامعة أكبر مثل ... ضلو الطلبة فترة منيحة وعم يتعزبو ويطالبو بتعديل الحمامات ( أكرمكم الله ) و تجديد الطاولات و تلييف الحيطان و تدهينها

وفعلا ً بعد جهد جهيد ... تم التنفيذ و بشكل بطيء ...
وقبل ما ينتهو من شغلهم ... الله لا يوريكم كيف تعاملو هالطلبة الجامعيين مع التجديد و التحسين الي صار

أول شي بلشو كتابة عالجدران .. و كتبو " يعطيكم العافية "

و على أبواب الحمامات ... كتبو للإناث .. رجعو الشباب شخطو عليها وكتبو .. للذكور
رجعو شخبطو عليها و كتبو .. مختلط

و الطاولات كتبو عليها مرة تانية ...

الغلط طلع مو من الأثاث و المكان الوسخ .. الغلط من الناس نفسهم
وطبعا مو الكل هيك ...

برأي كان لازم يحطو كاميرات فيديو مخفية و يعرفو مين عمل هيك و يتم معاقبته قدام الكل

والله حوينتها عنجد تعبو و تعبو وبالأخير كان هاد جزاء تعبهم ... بدك يكونو بيستاهلو بالأول
الله يهديهم أحسن الشي ... هيك ناس بدها تربية ببيتها أولا ً قبل ما تطلع عالشارع ..
يا ترى هنن هيك ببيتهم كمان ... ؟!!!!؟

وشكرا ألك يا عاشقة ... ردودك عم تزيد الموضوع أهمية و واضحة غيرتك العربية على بلاد العرب و المسلمين
يا رب الكل يسمع و ينفذ و نتغير ... و الله كريم وبضل في أمل و بتمنى ما ينقطع .. بس إلى متى الله أعلم

تحياتي لكم و دمتم بود ..

__________________

الحقيقه شفت الفرق الثقافي والاجتماعي والاخلاقي والتربوي والعقلي حتى نظرة الناس لعامل النظافه واللي تابع خواطر رح يفهم حكيي وازا راحت عليي حلقه برجع بشوفوا الساعه 6 الصبح ولا بروح عليي شي

__________________




الأصدقاء الحقيقيون كالنجوم ، لا تراهم دوما ؛ لكنك تعلم أنهم موجودون "

السلام عليكم ....

برنامج خواطر بتابعه نادراً كل سنة كم حلقة وصرت اعرف فكرة عرضه وهو عبارة عن برنامج توعية ووضع مقارنات بين بلداننا وبين البلدان الأخرى والفروقات بينهما ...
ما عمتابعه كتير لأنه فكرة البرنامج واضحة بشكل شامل وهي تتحدث عن حرية المسؤولية اللي قلال عمطبقوها بمجتمعاتنا وكل واحد ناطر التاني يطبق ويلحِش عليه النصيحة حتى يطلع بمنظر المنظِّر الغير عملي بمجرد الكلام من دون تطبيق فقط لا غير ...

نحن ما عمنعرف نستعمل الحرية وكل واحد عامل طريقة حرية من راسه ولكن المشكلة اللي صايرة هي حرية المسؤولية ماحدا بدوا يجربها لأنها صعبة وفيها مسؤولية من أي موقع موجود فيه البني آدم ، واللي صاير فينا انه ميؤوس من حالنا وكلنا عمنفكر بالإصلاح والخراب راكبنا ركوب من الحكومة وانت نازل ، فأكيد الكل جرب يصلِح ولقى فيها جهد متواصل وكتيرين يأسوا وتركوا حرية المسؤولية لأنها متعبة وشو بدوا يلحق البني آدم يصلِّح لا يصلِّح لهيك دائماً بقولوا بلشوا من انفسكم فعندما تُصلحون أنفسكم ستجدون المجتمع صالح والكل يشجع بعضه البعض من خلال القدرة على التأثير فيما بيننا وهي حالياً ليست بالمرتبة الجيدة ....

نحن بحاجة إلى إعادة بناء هيكلية ان كان للفرد او للمجتمع ككُل حتى ينسجم مع بعضه البعض
والفرق بيننا وبين اليابان على سبيل المثال هو عندهم الأكثرية صالحة تعلم غيرها على الإصلاح
وينشؤون جيل منذ الطفولة من خلال برامج تعليمية يتعلم منها الطفل على تطوير قدرات عقله وعلى التوعية بشكل عام ان كان بالبيت أو بالمدارس يعني هناك مبادىء ينطلقون منها وهي مبادىء علمية لو تفكروا بها تجدونها عبارة عن نصائح وقيم سهلة جداً موجودة في إسلامنا الحنيف أكثر مما هي موجودة عندهم إلا أنه لا يوجد مطبقين لها إلا عدد قليل جداً وهو منطوي على نفسه
في بيته مع عائلته ومنعزل عن المجتمع وان اختلط يختلط بطريقة الحاجة فقط لا غير ومنعزل عن السوء والناس السيئين حتى يقدر أن يعيش عيشة اهل اليابان على سبيل المِثال هذا ما يستطيع أن يفعله أما الشارع فهو يحتاج إلى إصلاح من حكومة وشعب والإثنان ينتظر الآخر أن يبدأ بالإصلاح حتى يهتم الطرف الآخر به أو يهملون بعضهم البعض ويتركوا الامور على ماهي عليه ....
حتى نصل إلى ما وصلوا إليه في اليابان نحتاج إلى تجديد نظامنا وسلوكنا الحضاري من خلال وضع أسس للتربية في البيوت والمدارس وحتى في الشارع لتطبيق قانون حسن السلوك الذي بدوره يرفع بمستوانا إلى الأعلى فنحن لا نحتاج إلى خريجين معهم شهادات وما إلى ما هنالك لدينا الكثير لكن ينقصنا حسن السُلوك هذا هو سر تطورهم وهو يحتاج إلى سنوات لننشىء جيل جديد متربي على حسن ومكارم الأخلاق أما أن نتطور الآن فهذه صعبة فأكثرية الناس لديها مبدأ أعوج وأفكار خاطئة من مبدأ خاطىء معروف ( من شبَّ على شيء شاب عليه ) كمثال السرقة والفساد الموجود عندنا بكثرة وبمعدل عالي ولم نستطع ان نصلح شيئاً مع الأسف فمع ازدياد الحرية في بلادنا واستعمالها على حسب الأهواء إزداد الفساد وازداد الأامر تعقيداً اكثر فبدأ كل واحد بالإهتمام بما يريده وترك ما يريده الآخرين من مبدأ حب النفس وليس حب الآخرين فالحكومة تهتم بما يناسبها لأن لديها شعب يعيش على الفساد والخراب وتهمل ما يريده المواطنون إلا بنسبة قليلة جداً إن قسناها ببلد كاليابان مثلاً والشعب أيضاً غير مبالي ببلده بعكس الشعب الياباني ...

بالنهاية كما قلنا وكما نعلم جميعاً بأن العلم والفقه ومكارم الأاخلاق موجودة في إسلامنا وفي حال طبقناها نكون قد وصلنا إلى أفضل حال وأحسن من اليابان بغضون عشرة سنوات فقط فهي تحتاج إلى جديَّــة ولكن السؤال من الذي سيبدأ بالتطبيق ؟
فكما ذكرنا لا نحتاج إلى حملة شهادات فلدينا الكثيرون ومع الأسف تأثيرنا ككُل بالمجمل العام ضعيف جداً نعيش وننتظر من يأتي ليُصلح حالنا ....!!!
خليها لله أحســـن شي ....

__________________

إذا أغلقت الشتاء أبواب بيتك ...وحاصرتك تلال الجليد من كل مكان فانتظر قدوم الربيع
وافتح نوافدك لنسمات الهواء النقي ..وسوف ترى الشمس وهي تلقي بخيوطها الذهبية فوق أغصان الشجر لتصنع لك عمرا جديدا وحلما جديدا وقلبا جديدا

يا ربي لك الحمد كما ينبغي لجلال وجهك و عظيم سلطانك

السلام عليكم ....

عودة إلى الموضوع والتعقيب عليه ....

لو تحدثنا عن برنامج خواطر لوجدنا الذي كُتب عن المقارنات وما إلى ما هنالك ....

وانا بودي أن اكتب أمر مهم حول التربية والنشأة في اليابان والقائمة على مبدأ مهم جداً وهي :
إيصال المعلومة كاملة للطفل وليست ناقِصة ...

كيف هذا ؟ ببساطة نستطيع طرح مثل بسيط عن الفرق بين إعطاء المعلومة ناقصة كما هو حال الكثرين عندنا وبين حال الأكثرية عندهم ...
في بلادنا لو بعث أحدهم بولده إلى الدكان وطلب منه شراء 2 كيلو بندورة ومن ثم يذهب الولد إلى المحل ويساله البائع لماذا تريدها للطبخ أو للسلطة ؟
وهنا يحتار الولد ولا يعرف لماذا ولديه حالة من الخوف في تقرير مصير ما يريده فإن أحضرها للسلطة سيتخيل ان أباه سيضربه أو اخاه الأكبر وهكذا هي تربية الكثيرين وعلى هذا النمط !

نستطيع إعطاء أمثلة كثيرة على نفس النمط في المدرسة أو في البيت والأنكى من هذا هو تصعيب إيصال المعلومة الناقِصة وهذه مشكلة اُخرى تُضاف إلى المشاكل التي نتعرَّض لها .