 | |||||
 |  |  |  |  |  |
| | |||||
| | | | | | |
|
#1
10-11-2009
| ||||
| ||||
بنت عاديه بتأدي واجباتها اليوميه متل غبرها من البنات ... بتروح عالمدرسه وبتأقضي بقية يومها ما بين الدراسه وانشغالات الحياة اليوميه البنت بغرفتها معلقا صور الفنانين والفنانات عالحيطان وبتابع الحفلات الفنيه والأغاني وما إلخ من اهتمامات .... يعني عايشه يومها بأحد الأيام وهي عم تقلٌب بالقنوات بتشوف القتل الدمار وإذ احداث غزه بلشت البنت تأثرت كتير بلي عم يصير من دمار وشتات للعيل والأطفال يوم عن يوم ..صارت متابعه كتير لأحداث غزه وصارت كل ما تشوف الصور والدمار تغص وتبكي .... تأثرت نفسيتها كتير وبالتالي تبدلت عاطفتها وشعورها تجاه الشي يلي عم يصر بعد كم يوم شالت كل صور الفنانين عالحيطان وصارت تحتفظ بصور الشهداء وعلئت عالحيطان بعض من الصوره المؤثره اثناء العتدوان صار عندها الحماس لكتابة الشعارات الوطنيه المناصره للقضيه ... ودائما تتذكر صور الشهداء وتبكي يعني تأثرت بشكل كبير وعواطفها صارت جياشه تجاه يلي عم تشوفو يوميا عالتلفزيون من قمع وقتل للأبرياء بعد مده معينه انتهت حرب غزه! ويوم بعد يوم بلشت العواطف يلي كانت نابعه من البنت اثناء الحرب تخف يوم عن يوم! بعدين وصلت لمرحلة انو رجعت حطت صور الفنانين والفنانات عالحيطان وشالت صور الشهداء ... وشوي شوي نسيت عواطفها السابقه تماماً وكأن شيئا لم يكن ورجعت لحياتها الطبيعيه يعني عواطف مؤقته . . . اسم الفيلم القصير: عواطف مؤقته فيلم قصير إمائي لا يتعدى مدته 10 دقائق شفتو بمهرجان شبابلك الثقافي بالشام بأواخر أكتوبر 2009 ابن الشام
__________________  حقيقه وليس حلم ... واقع وليس كلام مجد يسطٌره 8 من أبطال برشلونه صنعو الفارق للماتادور الأسباني بتحقيق كأس العالم 2010  |
| هالأعضاء الـ 9 تشكروا Eben El Sham على هالمشاركة الحلوة: | ||
angellove (10-11-2009), الحر الشامي (10-11-2009), اميره الشام (10-11-2009), captin hima (13-11-2009), توت العسل (11-11-2009), سما الشام (10-11-2009), سما القدس* (10-11-2009), skull (10-11-2009), وردة اسلامية (10-11-2009) | ||
|
#2
10-11-2009
| ||||
| ||||
مرحبا ابن الشام إقتباس:
لان هادا حالنا بنتأثر وبنتوتر وبيصير شي جواتنا يشدنا انه لو بنقدر لنموت لاجل هالشعوب اللي بتتقتل وبس تهدى الامور بنسسى شوي شوي نتفه نتفه بنتخدر وبنرجع لحالتنا الطبيعيه يسلمو ابن الشام
__________________  |
| هالأعضاء الـ 5 تشكروا سما القدس* على هالمشاركة الحلوة: | ||
captin hima (12-11-2009), Eben El Sham (13-11-2009), توت العسل (11-11-2009), سما الشام (10-11-2009), وردة اسلامية (10-11-2009) | ||
|
#3
10-11-2009
| ||||
| ||||
أهلين سما القدس  فكرة الفلم حول عواطف العالم العربي متل ما ذكرتي سما ولكن جسدها بشخصية البنت طبعا مخرج العمل " ايمن الشريف " اختار الشخصيه تكون بنت كجزء من العالم العربي وعن طريقها قدر يوصٌل صوره حول عواطفنا المؤقته رح حاول ان شالله ارفع مقطع الفيديو بس بدو ضغط لأنو حجمو كبير كتير بالمناسبه مخرج العمل هو نفسو المنتج .. شب عمرو 23 سنه كان الو صدى حلو ولفت انتباه منظمين المهرجان .... وكتير من الفضائيات السوريه عرضت الفلم وكان في لقاءات عبر الصحافه المقرؤه والمسموعه والإلكترونيه المخرج أهدى الفلم لشهداء غزه كمان كان واضح في بداية عرضه في المهرجان ابن الشام
__________________ حقيقه وليس حلم ... واقع وليس كلام مجد يسطٌره 8 من أبطال برشلونه صنعو الفارق للماتادور الأسباني بتحقيق كأس العالم 2010 |
| هدول الأعضاء ياEben El Sham عم يتشكروك كتير على هالمشاركة الحلوة: | ||
سما القدس* (10-11-2009) | ||
|
#4
10-11-2009
| ||||
| ||||
الفيلم عم يحكي واقع أكتر الناس بيتأثروا بالأحداث فترة بعدين بيرجعوا لحياتهم الطبيعية وهالشي من طبيعة البشر وخصوصا الحوادث المؤلمة اللي ماوقعت علينا طبعا. وشي اكيد يلي ايدو بالنار مومتل يلي ايدو بالمي ..... الانسان يلي واقع عليه الضرر ومتألم ما بيقدر ينسى حتى بعد زواله ... يعني متل البنت يلي بالفيلم الضرر مو عليها بس اتأثرت كتير وحزنت وغيرت من واقعها بس لما خلصت الحرب رجعت امورها طبيعية ونسيت ...بس لو كانت هي بغزة بعمرها مارح تنسى شو صار ببلدها وبناسها ومارح تغير من واقعها... وعلى فكرة الفيلم بيعبر عن الناس ومشاعرهم ولكن الهدف منه اعطاءنا صورة عن وضع البلاد العربية لما بيصير بشي بلد حرب او كارثة بالاول بيتحمسوا وبيطلعوا بمظاهرات وبتنقلب البلد فوقاني تحتاني وبينددوا بالعدو .. بعد فترة بيتعودوا وبيقل حماسهم وبتتبخر وطنيتهم ...بس بضلوا متابعين نشرات الاخبار مشان يضل عندهم فكرة عن يلي عم يصير بركي اجتهم طرطوشة...
__________________  لكم صادفنا أحبة  على الطريقكم تعلقت قلوبنا بحبهم كم تبسمنا للقياهم كم ذرفنا الدموع لفراقهم فهل ياترى سينسينا الزمن الأحبة أم ستحتويهم الذاكرة بالمحبة  آخر تعديل بواسطة اميره الشام ، 10-11-2009 الساعة 01:43 PM |
| هالأعضاء الـ 3 تشكروا اميره الشام على هالمشاركة الحلوة: | ||
|
#5
11-11-2009
| ||||
| ||||
مرحبا ابن الشام بالزبط هاد واقع الامة العربية جمعاء حتى الشعوب يلي بتستنكر وبتعمل مظاهرات نفس الشي مجرد ما خلصت اي حرب خصوصا الاعتداءات على اهلنا بفلسطين او بالعراق بيهدو وكأنهم ما صدقوا وتخلص هالمشاكل مشكور يلي عمل هالفيلم وان شالله تقدر تجيبلنا مقطع منه شكرا الك كمان
__________________  توت في happy land |
| هالأعضاء الـ 2 تشكروا توت العسل على هالمشاركة الحلوة: | ||
سما القدس* (11-11-2009), وردة اسلامية (11-11-2009) | ||
|
#6
13-11-2009
| ||||
| ||||
مرحبا جميعا متل ما عدتكون .... انا رفعت الفيديو من بعد ضغطو الضغطه العجيبه وصار حجمو 15 ميجا ...و الفيديو الأصلي يلي انعرض بالمهرجان كان حجمو 700 ميجا ان شالله يعجبكون تحميل الفيلم القصير " عواطف مؤقته " عواطف مؤقته ابن الشام
__________________ حقيقه وليس حلم ... واقع وليس كلام مجد يسطٌره 8 من أبطال برشلونه صنعو الفارق للماتادور الأسباني بتحقيق كأس العالم 2010 |
| هدول الأعضاء ياEben El Sham عم يتشكروك كتير على هالمشاركة الحلوة: | ||
captin hima (13-11-2009) | ||
|
#7
13-11-2009
| ||||
| ||||
. . هاد المهرجان يلي صار بدار الأوبرة مهيك ..؟؟ حكولي انو كان في فعاليات حلوة ما علينا خلينا بموضوعك بالإضافة لرأيك و راي الشبيبة بدي ضيف نقطة وحدة بس انو العدو الصهيوني على علم تام بهالعواطف المؤقتة يلي بتشبه بصفاتها صفات الأمطار بالوطن العربي تأتي غزيرة وقوية و لكن لفترات قصيرة جداً و متقطعة .. ! فالفائدة منها بالنتيجة محدودة و أحيانا لا تكاد تذكر يعني بمعنى اخر الصهاينة عرفانين راس مال القصة .. شوية مضاهرات و تعصيب و تنديد و تهديد و بعدا كل واحد بيرجع لشغلو و لأهتماماتو الأصلية .. شكراً للطرح تحيّة, ابن الشام  . .
__________________ ..:: Quality Not Quantity ::.. |
| هالأعضاء الـ 2 تشكروا Felez على هالمشاركة الحلوة: | ||
captin hima (13-11-2009), Eben El Sham (13-11-2009) | ||
|
#8
13-11-2009
| ||||
| ||||
عواطف مؤقته عواطفنا صارت عطول مؤقته من كتر الاحداث اللي بنمر فيها عصر السرعه بكل شي حتى بالعواطف ((تبات نار تصبح رماد))هيك حياتنا اعصابنا وعواطفنا بتثور بسرعه وبتبرد بسرعه بالذات مع الوضع السياسي لانه صار ادمان عنا نشوف القتل والدمار والشهداء والاعتدائات شي من حياتنا اليوميه لو بيوم ما شفناه بنحس في شي ناقصنا جرعه ما وصلتنا ... إقتباس:
صح الصح والله يا فليز كلامك بمكانه هم عارفينا وعارفين كيف يعصبونا ويوترونا ويلعبو باعصابنا ومشاعرنا وهم بابرد ما عندهم بيكونو وقت يشوفوكي معصبه لانه عارفين هالوضع رح يرفعلك مية ضغط بــ اللا مبالاه اللي عندهم وهم عندهم القدره او دارسين ومتعلمين كيف يوترو اعصابنا باقل الكلمات مثلا عند اي معبر حاليا وبدك تقطعو بتكون المسافه 100 متر بدك من نص ساعه وبتوصل اوقات لساعتين او اكتر حسب المزاج وحسب النظام لحد ما توصل الحاجز بتكون اعصابك توترت ومن كتر التوتر لا بترسل ولا بتستقبل ساكت لان ما بيدك شي الا الانتظار... بتجي المجنده بكل خفة دم وضحكه بتقلك كيفك اليوم انشالله منيح ساعتها انت بتنبحت هديك البحته وبتبلش تطلع اللي بقلبك وتقول من شو الانبساط من الوضع اللي احنا فيه صارلي ساعتين واقف وبتبلش انت تحكي وتحكي وهي ردها بضحكه بيكون هيك الاوامر انا ما بيدي شي ((هي بريييئه)) طبعا لو ردت عليك اكتر الاوقات بتقلك امشي يعني ما عبالي اسمع شي انت ساعتها بدل الضغط ضغطيتن بتبلش تصرخ باولادك عشان تثبت وجودك بعد هالكسفه هادا حاااااالنا وبعد ربع ساعه بتنسى الساعتين اللي قضيتهم لان شي طبيعي بحياتنا انك تقضيهم عالمعابر يعطيك العافيه ابن الشام انا انبحتت وبلشت وما سكتت بس هالوضع بجد تعبان وبشكرك كمان مره ع المقطع المؤثر ولو اني تأثيره مــــــــؤقت
__________________ سما القدس* ما بنساكي  ايوا لسا لك مكان في قلبي بس مش واقفه عليك سنيني مش حموت علشان منتاش جمبي اصلك انت مش اللي بيحييني مش حتقتلني ...مش حتمحيني انا عمري محد زاللني او كاسر عيني |
| هالأعضاء الـ 2 تشكروا captin hima على هالمشاركة الحلوة: | ||
Eben El Sham (13-11-2009), توت العسل (13-11-2009) | ||
|
#9
14-11-2009
| ||||
| ||||
. . إقتباس:
جندي اسرائيلي واقف و كإنو مايسترو إدام تجمع عربي عم يردد "بالروح بالدم نفديك يا أقصى" و طبعاً إدامون في مشنقة وفي شخص عم ينشنق مكتوب عليه الأقصى .. المصيبة انو في ناس صار عندا تبلّد تام بالعواطف و المشاعر و الأحاسيس.. مو عواطف مؤقتة !! . . آسفة لخروجي عن الموضوع ابن الشام تحيّة, . .
__________________ ..:: Quality Not Quantity ::.. |
 |
| Bookmarks |
| Tags |
| مؤقته, عواطف |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
 |
| اشترك بالنشرة البريدية للمواضيع : |
| زيارة هذه المجموعة |
عواطف مؤقته 
عواطف مؤقته 
