بدأت أسرة مسرحية "العيال كبرت" في تجهيز الجزء الثاني من المسرحية تحت عنوان "العيال كبرت قوي" وتضم أسرة المسرحية الجديدة يونس شلبي وسعيد صالح وحسن مصطفى.
ويغيب عن الأسرة الجديدة الفنان احمد زكي الذي رفض عروضا كثيرة للعمل في المسرح لانشغاله في أعمال سينمائية ويجري الاتفاق مع سمير خفاجي لانتاج المسرحية الجديدة والتي يتوقع عرضها في موسم الصيف المقبل ...
ستتحدث المسرحية عن معاناة أبطال الجزء الأول من المسرحية الشهيرة (العيال كبرت), حيث أنهم كبروا وصار لديهم أولاد أكثر شقاوة منهم في الجزء الأول ...

أنا برأيي فكرة المسرحية حلوة ...

بس يا ترى معقول تطلع أحلى من (العيال كبرت) اللي كلنا منعرفها وصرنا شايفينها كذا مرة ؟

ما بتوقع ...

__________________
يا عود النعنع .. لا تفزع !

خطوة محبوبي كالنسمة .. لن تسحق رأسك .. و البسمة ..

لا أبدع منها .. و لا أروع !

يا عود النعنع هل تلمح تلك النجمة ؟
يا عود النعنع هل تسمع وقع النسمة ؟

موعدنا حان فلا تفزع !

لا تفزع .. يا عود النعنع !

اهلا وسهلا بالزميل الهلالي بمسرحنا الحشيشي

يا سيدي تعليقا على كلامك
فالعيال كبرت هي احدى المسرحيات او هي المسرحية رقم واحد وبتجي بعدها شي تلت مسرحيات يلي عندي استعداد ضل عم شوفا لاكتر من مرة

رغم انو كل المسرحيات الحديثة بشوفها مرة وغالبا ما بيكون عندي رغبة كملها

اما العيال كبرت فعندي استعداد ضل شوفها وحتى اني احفظ مقاطع منها

حتى انو مرمور كانت مسجلتا على الفيديو لذلك بتلاقوها بتقول النص قبل ما يقولوه هنن

لانو بالفعل ناجحة على كافة الاصعدة

بس يا ترى النجاح رح يستمر

هلاء سمعتها القديمة اكيد رح تكفل انها تنتشر بس الانتشار مو كافي للنجاح

وخصوصي انو هلاء الممثلين كبروا

يعني عاطف السكري كان حلاوتو بشكلو كيف هيك متل الفيل
بس هلاء كيف بدو يطلع

يلا بالنتظار المفاجاة
وانا عم انتظر العيد

لانو هيك مسرحيات ما بنشوفها غير بالعيد

__________________
وضايعة هويتو كمان ..

يعني شو بدي قلكون


مسرحية للخواصر وحدة بوحدة مع دراما اجتماعية روعة


بالفعل هالمسرحية من المستحيلات تمثيلا عالمسرح وكانت انجاز كبير بوقتها


هلأ السؤال شو رح يكون منحى العمل الجديد


يا ترى بس ضحك ولا في اهداف اجتماعية تانية ؟؟


بعدين الممثلين وعمرون واشكالن وحركتون عالمسرح بعدها متل ايام العيال كبرت زمان ؟؟


هلأ هي وحدة شئد ما بشوفا ما بمل منها

والاحلى النمبر ون عندي مدرسة المشاغبين

هديك شغلة

__________________
[align=center]إن لم تستح ِ فأصنع ما شئت[/align]

شي حلو
والله فكرة كتير حلوة

وخصوصي .. انو المسرحية رح تنقلب على اصحابها

يعني يمكن هنن رح ياكلوها مقالب هلمرة

وانا امبارح حضرت عرض للمسرحية على القناة المصرية الخامسة على النايلسات
فعلا هيك مسرحيات ما بتبطل

وانشالله تكون .. بنفس مستوى المسرحية السابقة