 | |||||
 |  |  |  |  |  |
| | |||||
| | | | | | |
| |||||||
| حارة الياسميــن الشـــــام، غالية على ألوبنا جميعــاً. اكتب عن الشام و حاراتها و أيامها ولياليها. كل شي فيها ما بينتسى،محفور بقلوبنا. |
| عرض نتائج الاستفتاء: ماهو الحل الأمثل لحل أزمة السير في دمشق؟ | |||
| ميترو أنفاق أو فوق الأرض |     | 55 | 74.32% |
| سحب السرفيس واستبداله بحافلة نقل كبيرة |    | 6 | 8.11% |
| سحب سيارات الأجرة العامة واستبدالها بأخرى خاصة |    | 5 | 6.76% |
| منع دخول السيارات للمدينة في ساعات معينة! |    | 6 | 8.11% |
| تخصيص طريق خاص للدراجات الهوائية |    | 14 | 18.92% |
| استخدام الحمير (كديش وما شابه) بدلاً من السيارات |    | 12 | 16.22% |
| زيادة كلفة السيارات من ترسيم و جمارك | | 1 | 1.35% |
| رفع سعر البنزين لجعل السيارة للمشاوير المهمة فقط | | 2 | 2.70% |
| استفتاء متعدد الخيارات المصوتون: 74. لم تقم بالتصويت على هذا الاستفتاء | |||
| sponsor links |
 |
| | LinkBack | خيارات الموضوع |
|
#1
منذ 4 أسبوع
| ||||
| ||||
من فترة وجيزة عم نلاحظ سوا موضوع دارج يمكن بسبب تعدد و ازدياد عدد المواقع الأخبارية التفاعلية السورية أو يمكن لأنو الحكومة فتحت كذا باب للتواصل ما بينها و بين المواطن بالشكل الي هية بدها ياه، أو نتيجة الضغط الزائد الحاص على المواطن. على أية حال، هادا الموضوع رح يكون بمثابة تفكير جماعي يعني ورشة عمل جماعية لنقترح فيها و نحكي فيها عن رأينا حول موضوع شاغل الجميع حالياً هالموضوع مالو جديد بس حالياً أعيد فتحو لأنو في سلسلة من القرارات الي اتتاخدت بمجالو! تجميل مدينة دمشق من فترة جيدة قامت دائرة خدمات ضاحية دمر (الشام الجديدة) بتنبيه السكان بضرورة ازالة جميع صحون الاستقبال من على أسقف و شرف الأبنية و استخدام لاقط واحد فقط موزع على مايقارب 8 شقق. و فعلاً تم ازالة الصحون قبل عدة أشهر واكتفى سكان كل بناء بصحن واحد. المنظر كان لمن يصعد للجبل و ينظر...مريب مقزز مقرف. الآن أصبح المنظر مقبول للغاية و لابأس فيه. اليوم ، أصبحنا نسمع بهذا الموضوع بأنه سيعمم على كافة أنحاء دمشق! زحمة الطرق ، قررت جهة ما أن تستقدم 3000 حافلة كبيرة و تخرج السرفيس "مكرو" لخارج المدينة! كحل مبدأي و سريع لحل أزمة السير واختناق السيارات! هناك بعض عمليات التجميل التي حصلت خلال 4 أعوام للمدينة من رصف و ترقيع و تجميل للطرقات و كسر و هدم لأسوار الحدائق لإبراز جمالها للطريق و المارة و اشارات المرور الحديثة مع عداد و سماعات خاصة لذوي الاحتياجات الخاصة (الضرير) لإعلامه بوقت فتح و اغلاق الإشارة. عدا عن اعطاء تصاريح لشركات اعلانية لتركيب شاشات عملاقة مأجورة للإعلان. و تنظيم لوحات الأطباء والمهندسين و اصحاب الأعمال الموجودين داخل الأبنية السكنية و جمعها جميعاً في لوحة واحدة تركب على ناصية الطريق بشكل حضاري. الله يعطيكم العافية. ولكن تبقى مشكلة أزمة الإزدحام هي الأهم وبرأيي لم يتم طرح حل جيد او مقبول حتى الآن! لنتحدث قليلاً عنها:
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! لاتنسى أن تشترك بمجموعة شباب أون لاين على جوجل الموجودة بأسفل المنتدى حتى تبقى على تواصل مع المنتدى دائماً ولتحصل على آخر التحديثات والخطط التي تنوي ادارة المنتدى أن تنفذها. الإدارة لاتقوم بتفعيل أي معرف تم تسجيله بواسطة أي بي وهمي أو عبر برامج كسر البروكسي. الإدارة تقوم بتوقيف أي معرف يثبت بأن صاحبه يملك أكثر من معرف لأغراض غير شرعية.  |
| هالأعضاء الـ 7 تشكروا أبو البيــس على هالمشاركة الحلوة: | ||
أبو الروض (منذ 4 أسبوع), أكليل الورد (منذ 3 أسبوع), بحبك يابلدي (منذ 4 أسبوع), شامية خانم (منذ 4 أسبوع), شـــــام (منذ 4 أسبوع), totcham (منذ 4 أسبوع), yamman (منذ 4 أسبوع) | ||
|
#2
منذ 4 أسبوع
| ||||
| ||||
لنبدأ من أول مشكلة ، وهي ساعات الصباح الأولى في كل يوم عمل! تزدحم الطرقات بحافلات الطلاب و الموظفين بالإضافة لسيارات الأفراد المتجهين إلى عملهم! تبدأ الأزمة عند كل إشارة مرور و مدرسة . تقتنق المدينة بعدد هائل من سيارات الأجرة و الباصات الصغيرة القادمة من الكراجات من كل حدب و صوب! تبدأ الأزمة بالركود شيءً فشيءً خلال ساعات الصباح المتأخرة لتعود عند خروج الطلاب و توجه الباصات للمدارس من جديد! أزمة وسط النهار ، حتماً سببها سيارات الأجرة الكثيفة العدد المؤذية بواسطة أغلب سائقيها الغير مدربين ، ماعادا أغلب سيارات الأجرة الخاصة (ستار تاكسي مثلاً). ترتفع وتيرة الإزدحام حتى نصل للساعة الرابعة أو الخامسة حيث يعود معظم الموظفين إلى ديارهم والطلاب لمنازلهم. أزمة المساء عند الأسواق والطرق الضيقة مثل منطقة المهاجرين وأحيانا يكون سببها أسخف من السخيف...كسيارة القمامة مثلاً تسد الطريق لتقوم بإفراغ الحاويات. نلاحظ أن السيارات الغير مفحوصة و التي تلوث البيئة "تلوث النفس و النظر معاً" موجودة دون رادع! وكما نلاحظ وجود كميات كبيرة من السيارات ذات النفوذ والتي لا تطبق أي قانون مما يجعل من جمالية المدينة شيء شبه مستحيل. ان قرار محافظة دمشق بتأجير أطراف شوارع بعض المناطق خلق أزمة جديدة و مميتة يعاني منها الكثير من أصحاب المحلات يومياً. فيكاد لا يمر يوم ولا يتم فيه صدم سيارتي أثناء غيابي فترة 12 ساعة في مكتبي و سيارتي تقطن أحد الأزقة الضيقة في مكان بحثت عنها طويلاً حتى لا أدفع 50 ل.س في الساعة! عدا عن كمية الوقود المهدورة يومياً في الصباح لأجد المكان الموقر! ثم إن اغلاق بعض الحارات و تغير اتجاهها عشوائياً يؤدي إلى اجبار الساق على قيادة السيارة في منطقة مزدحمة مثل شارع العابد و الحمرا حتى يدور دورة بسيطة يمكن دورانها بدقيقة! تهميش دور إشارات المرور غالباً والإعتماد على رأي و صافرة شرطي غير مثقف غالباً و مزاجي احياناً اخرى ، يعتبر وجه غير حضاري نهائياً! الحلول؟ انا شخصياً أؤومن بأن الحل يأتي من باب ميترو يخترق دمشق من شمالها لجنوبها و من شرقها لغربها. يقوم عليه شركات خاصة و اناس محترمون يحسنون من المنظر الحالي بشكل كبير! عندها ..لن أقود سيارتي قبل الساعة 11 ليلاً لشم الهواء النقي! ولن ادفع 500 ليرة بنزين كل يوم ولن أقف على اشارات المرور المملة ولن أضطر لملاسنة شرطي مرور يقوم بهز عصاه والإشارة حمراء ويقول "يلااااااااااااااا" وكأنه يهش غنماً ماراً أمامه! عدا عن السمعة الطيبة للبلد خارجياً و السهولة في التنقل و متعته! هذا ما حضرني الآن و أرغب بأن أطرح الموضوع للنقاش ولكم الشكر. ووعد مني أن احاول بأن اوصل صوتكم لكل مهتم اعلامياً ان شاء الله. اقترحوا فالباب مفتوح 
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! لاتنسى أن تشترك بمجموعة شباب أون لاين على جوجل الموجودة بأسفل المنتدى حتى تبقى على تواصل مع المنتدى دائماً ولتحصل على آخر التحديثات والخطط التي تنوي ادارة المنتدى أن تنفذها. الإدارة لاتقوم بتفعيل أي معرف تم تسجيله بواسطة أي بي وهمي أو عبر برامج كسر البروكسي. الإدارة تقوم بتوقيف أي معرف يثبت بأن صاحبه يملك أكثر من معرف لأغراض غير شرعية. |
|
#3
منذ 4 أسبوع
| ||||
| ||||
حبيبنا طول ما الشوارع ديقة مافي حل للازمة المرورية بجوز الحل يكون عن طريق الانفاق او القطارات المعلقة بس المدينة مو مجهزة لهل شي بعد ... والسيارات عم تزيد دون وعي ... يعني بخورشيد من ست تشهر كانت فاضية هلأ مابتلاقي مكان لصفة بعد التنتين بس يمكن الحل بدو اكتر من هيك ... بسكليتات موتورات ؟؟ الله اعلم ... او قص وقطع وبناء المدينة من جديد وهاد فيو ضرر للعالم
__________________ ..........  .........."الفراغات بين أصابعك موجودة لأن هناك شخص آخر يمكنه أن يملؤها"  http://www.shabab-on-line.com/f44/thia-aaecoiuss-21379/ |
|
#4
منذ 4 أسبوع
| ||||
| ||||
: طبعا ازمة المرور بعاني منها اغلب الناس ويلي عندن سيارات ويلي ماعندن طبعا وانا بعد جهد جهيد رجعت عاني منها بعد سبع اشهر كنت مرتاحة من مواصلات (السيرفيس..+الباص الكبير الحديث او القديم) بسبب تغيير مكان عملي طبعا احيانا قبل مااطلع الصبح باكل هم اني لاقي سيرفيس او مالاقي ومو هون المشكلة ...يعني احيانا مابكون متاخرة بس بيكونو مثلا مسكرين الطريق ..او المكرو غير طريقو ليجيب حدا من اهلو او اصحابو يلي بيكون متفق معهم مسبقا.. هاد غير لما بوصل على البرامكة او جسر الرئيس بلاقي تجمهر مو طبيعي من الناس وخاصة فوق الجسر... والشرطي عم يصرخ على هاد وعم يسب هاد ....الخ احلى شغلة انن عم يساوو طريق كفر سوسة ...وسكرو الطريق حاليا لمدة 3 اشهر قابل للزيادة المسبقة....من 6 الى 9 اشهر وطبعا غيرو مكان الكراجات المعتاد (مواجه مجمع الامويين )الى منطقة نهر عيشة يعني يلي بدو يروح على شغلو بمكروين ...صار لازمو اربعة...ليروح واذا بدو ياخد تكسي مابتوفي معو........... وهاد غير انن وفجأة بيعلنو عن توقيف المكرويات بطريق معين وانزال الباصات بدالها ناهيك عن العجئة يلي بتخلفها الباصات وبشوارع ضيقة متل الميدان ابو حبل مثلا وغير الوقفة بنص الباص ...وطبعا اغلب القاعدين على الكراسي بيكونو شباب او طلاب مدارس واغلب الواقفين ..بيكونو ستات او بنات او عجزة.... قمة التطور والحضارة يعني بلد متل بلدنا اقدم عاصمة مأهولة في التاريخ لازم تكون احلى من هيك مصر ومن عشرين سنة عندهم مترو انفاق...ومع هيك بيعانو من العجقة....... وانا اكيد اخترت الاستفتاء الاول بس ياترى اديش بدهم ليساوولنا المترو يعني ساحة صغيرة متل ساحة كفر سوسة صارو شاغلين فيها عشر مرات.... وساحة العباسيين لهلأ ماخلصت وطريق الربوة مشان يشتغلو فيه سكروه اكتر من 3 اشهر وبالنهاية حصلنا على طريق متعروج لا يصلح للاستخدام البشري ...يعني بتحس حالك بلعبة من العاب الهابي لاند مع اني بكره طريق الجبل بس بحاول ابتعد قدر الامكان عن طريق المطبات والحفر للوصول لبيتي يوميا.................... ودمتم
__________________   أنا لم أتغير كل مافي الأمر أني ترفعت عن الكثير حين اكتشفت أن الكثير لا يستحق النزول إليه |
|
#5
منذ 4 أسبوع
| ||||
| ||||
انا صوتت لمترو الانفاق بس متل ماقالت سما أديش بدهم ليساوه بعدين لاتنسوا دمشق مو متل أماكن تانية مليانة اثار وتربتها زراعية يعني سمعت من اكتر من 5 سنين انه شركة يابانية عرضت تقلب الشام قلب بناء وجسور ومترو على شرط كل شي اثار بتطلع تحت الارض بتاخدها الشركة....هلأ ممكن طريق للدراجات يكون حل مقبول بس مابدك يكون عنا شوارع فاضية بالاول .......اما رفع اسعار البنزين فهي خلقة غالية وصايرة السيارة وبرغم كل هل الزحمة للمشاوير مو مشان البنزين بس ومشان الصفة ...... ممكن جزء من الحل مواقف طابقية.......والميكرويات عجئتنا كتير بس فكروا بهل المواطن الدرويش يلي سيارة تكسي ممكن تكون نكبة بالنسبة اله...بدهن يبدلوها بالباصات الكبيرة اي شوارعنا صغيرة وين بدهم يمرقوا....يعني يمكن فتوا معي بالحيط لانه افكاري حاليا مو مرتبة بس لازمنا مترو انفاق بشرط يستعجلوا فيه ومايعجئوا البلد بزيادة ومواقف طابقية.....
__________________  |
|
#6
منذ 4 أسبوع
| ||||
| ||||
الشي الأساسي بهاد الموضوع هو التركيز عالبنيه التحتيه اذا اشتغلو مزبوط وبزمه وضمير عالبنيه التحتيه فــ كل مايمكن ان يكون وسيله لتجميل مدينة دمشق سيكون مشروع ناجح بالإضافه لتنسيق السيارات يلي موديلها قديم كتير ومنعها من المشي بالطرقات .... طبعا غير تشويه المنظر العام رح تسبب التلوٌث انا مع مترو الأنفاق ولكن هيك مشروع يجب ان يراعى فيه دخل المواطن بشكل صحيح لأنو بجوز هيك مشروع يكون أغلى شهريا من ركوب مكرو ... هاد مسلن يعني ابن الشام
__________________   عندما يكون لجمال هذه الصوره عنوان حينها تعْلو آهات من الأعماق وتزداد لوعة الفراق وكل نظره إليها تشعرني بإشتياق ومازالت السنين تمرٌ ولكن أنا و الصبر في سباق . . |
|
#7
منذ 4 أسبوع
| ||||
| ||||
السلام عليكم الله يعطيك العافية أخ ابو البيس انا صوتت للخيار الاول انو يعملولنا مترو أنفاق يمكن يكون هو الحل الامثل للعجئة يلي صايرة بالشام بس لازم ينتهي بوقت قصير حتى مايعطل مصالح الناس وتكون أجرة الركبة فيه معقولة لانو اكتر الناس ميزانيتهم متواضعة يعني يكون متل أجرة السرفيس مثلا.. كنت بحب صوت انو يعملوا طرقات للدراجات لانو البسكليت كتيرمنيحة لاصوت الها ولابتطلع منها غازات سامة بتلوث الجو متل السيارة وبعدين ما بدا بنزين يلي كلمالو عم يغلى شو تانية بيصير بسعر الدهب ... بس يلي ماخلاني صوت لخيار الدراجات لانو نسبة كبيرة من النساء محجبات وصعب عليهم يركبوا بسكليتات لانو سواقتها بدا لبس خاص متل بنطلون ووخوذة للرأس وواقي للركب ةالاكواع مشان يتكسروا وبعدين اتخيلت شي واحدة نازلة بنزلة شورى مثلا وماقدرت تهدي وهورت وفاتت بكم بسكليت او فاتت بشي محل او ضلت كارجة لتوصل لعرنوس ياسلام شو هالرعبة .... لهيك خلينا بمترو الانفاق من غير فضايح .....
__________________  لكم صادفنا أحبة  على الطريقكم تعلقت قلوبنا بحبهم كم تبسمنا للقياهم كم ذرفنا الدموع لفراقهم فهل ياترى سينسينا الزمن الأحبة أم ستحتويهم الذاكرة بالمحبة |
|
#8
منذ 4 أسبوع
| ||||
| ||||
صحيح التصويت متعدد الإختيارات فيكن تختارو أكتر من خيار واحد
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! لاتنسى أن تشترك بمجموعة شباب أون لاين على جوجل الموجودة بأسفل المنتدى حتى تبقى على تواصل مع المنتدى دائماً ولتحصل على آخر التحديثات والخطط التي تنوي ادارة المنتدى أن تنفذها. الإدارة لاتقوم بتفعيل أي معرف تم تسجيله بواسطة أي بي وهمي أو عبر برامج كسر البروكسي. الإدارة تقوم بتوقيف أي معرف يثبت بأن صاحبه يملك أكثر من معرف لأغراض غير شرعية. |
|
#9
منذ 4 أسبوع
| ||||
| ||||
يعني انسب حل هو الميترو بس للأسف ما رح بيكون الاسرع لهيك صوتت للخيار التاني والتالت وكمان انا بعتقد انو لازم يصير في اهتمام اكبر بالشوراع يعني ما يكون مكسر وبنصو في جوره ولازم يبقى مضوى هاد غير انو الشرطي لازم يكون ضميرو صاحي يعني اذا بدو يخالف يخالف لانو السائق غلط مو لأي سبب تاني .. وبعدين بعتقد اذا اشتغلو الاشارات صح وصار في قوانين يتلزم السائق فيها والمخالف بيدفع مبلغ مالي بسبب مخالفتو فهالشي رح يلغي دور الشرطي وعصايتو وكمان الرادارات لازم تكون موجوده بالشوارع الرادارات إلها مفعول قوي كتير يعني قوانين السير لازم تتحسن وتكون حاسمه و بتشكر ابن الشام على اقتراحو لانو بالفعل السيارات القديمه كتير لازم تنسحب من الشوارع وتتسكرب لانو بتسبب مشاكل كتيره وبالنسبه لسحب سيارات الاجره وانو تصير القصه شركات انا معها بس لازم كمان اتكون اسعارها بمتداول المواطن العادي يعني قصة الميترو مو سهله منوب وكتير بتاخد وقت واصلا بتخرب نص الشوارع لبين ما يصير هالميترو بس يعني انو نبدأ بحل زغير وننتقل بعدين لحلول اكبر هو الانسب ومشوار ألف ميل يبدأ بخطوه .. لاحظتو انو بين المترو والمكرو في تشابه
__________________   قمة الحب أن يجبرك الصمت على الكلام..فيعجز الكلام عن التعبير فتصمت |
|
#10
منذ 4 أسبوع
| ||||
| ||||
الازدحام صاير موطبيعي بنوب والعجئة بتخنئ سيارة بلزء السيارة انا مع اول خيار مع اني صوتت لعدة خيارات برجع للموضوع ان الله راد |
|
| Bookmarks |
| Tags |
| لدمشق, الإزدحام, تحليل, عمليات, وأصعبها |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
 |
| اشترك بالنشرة البريدية للمواضيع : |
| زيارة هذه المجموعة |
عمليات تجميل لدمشق ، وأصعبها الإزدحام 
