مرحبا صبايا وشباب كنت اءعدة ودايئ خلئلي وتذكرت كيف كنت جنن ماما وانا وصغيرة بكل ائذوة الي كنت فيئ الله وكيلكم كل يوم عالساعة 6 صبح وكل اهل البيت نايمين احتار شو ساوي يا نكش بغراض اخواتي وشو لائي عندهم خربو وانزعوا يعني اكل باكلو وشخبرة على ورق وما خلي شي يعتب عليي وبعدين كشفوني وصاروا يئفلوا كل شي عني وصرت اءذي بمطبخ كل يوم اخلط طحين وسكر واكلهم زبتين وما اطلع الاومطبخ مدمر بطحين وهللا بحس انو رب العالمين بعدي اسمو معاقبني بولادي بيفيئوا من صباح ربنا بس يصيروا عئارب الساعة 6 تمام الكل بيفيئ سفر مو سفر شوب ولا زنطاري وما بئدر اغفل عنهم بخاف يئذوا شي ائذوة ولانهم صغار وروا بعض تلاتة مرة غفلت عن ابني كان بردان شغل دفاية ولزئ حالو حرئ بنطلون وصحى شغالة ليخفي معالم الجريمة وانا شفتوا وطار عئلي من راسي فكل واحد يحكلينا شو كان ينزع لاهلو الله يخلينا اهلينا ويحميهم يارب هنن ولادنا
يلا مين يبدى؟؟؟؟؟؟؟؟؟؟؟؟؟؟؟؟؟

__________________
كثيرا ما تعتصرنا المواقف وقمة التحدي ان نخرج اقوى من السابق

مرحبا
عجبني موضوعك
مرة وانا صغيرة كانت ماما جايبة جوز حلق جديد مو يلي الوا برغي لا كباس
المهم كنا طالعين على الحديقة واخدتهن من ورا امي وما كانت بتعرف اني انا يلي اختن
وحطيتون بأداني وضاعة فردة وضلت الفردة التنية
لما ارجعنا على البيت رجعت الفردة الحلق محلوا وكان عنا عرس تاني يوم اجت ماما
لحتى تحط جوز الحلق ما لقت الفردة التانية وبلشت تعيط وتصرخ وتحقق معنا انا واخواتي
اخر شي عرفت انا انا واكلت اتلة مرتبة منها
وانشاء الله ماكون طولت عليكن بالحكي

__________________


Ilove you



[IMG][/IMG]

اهلين منسف موضوعك كتير حلو زكرتينا بايام الولدنة
هدا ياستي مرة كان في لعبة بالتلفزيون يلي بيحط اصبعتو الشاهدة بالارض وبيثبتها بمكان معي وبيدور عشرطعشر دورة من دون مايدوخ بياخد جائزة المهم بلا طول سيرة كان عندي بنت خالة قردة كتير وكنا عم نلعب هي اللعبة نطت وقالت انا بدور 10 دورات المسكينة ماوصلت للخامسة الا كانت دايخة وقفت وقامت وقعت وراحت نطحت الحيط بكاحل رجلها وانكسرت رجلها المسكينة سلامتها هلء كبرت وعئلت وتزوجت واجا ابوها المسا واخدها لعند الدكتور وجبرولها رجلها....
رزق الله عايام الولدنة
سلااااام

__________________

هاي للجميع..................
كتير كنا نأزي بصغرنا لاكن اكتر شي نحنا البنات
لما امي كانت تروح مع ابي مشور بلسهره مانسدء امتى تمشي لجتى
نروح عغزانتها ونلبس صنادلها وكنادره واوعيها ونربط الاواعي بلزنار لانهن اكيد كبار علينا ونحنا 7
بنات ما نخليلها واعه ولا كندره وبس لتجي تلبس الكندره تلائي هلكعب عم يتزحزح ويتمرجح
تحت اجريها فااااا تعرفنا شو عاملين وناكل يلي فيه النصيب اه على هديك الايام

__________________

العبره في نهايه لافي البدايه

وقت كنت صف تاني او تالت ابتدائي

صار معي موقف .. ما بعرف اذا هالموقف يعتبر ازوه

بس بسبب هالموقف اكلت كف مرتب من الوالد وكان الكف اليتيم والوحيد

هاد يا جماعه كنا عم نلعب انا واخوتي طميمه بالبيت

وكان اخي يلي ازغر مني هو يلي عم يّعد ولفيت البيت وما قتنعت ولا بأي مكان اتخبى فيه

الا بالحمام وين بالبانيو و يادوب قعدت جواتو وسكرت بردايتو كرمال ما يشوفني اخي

ما اسمع الا باب الحمام اتسكر وكان الوالد هو يلي سكرو

وبعد عدة دئايئ حس على حركشه بالبانيو

قام وفتح هالبردايه وهو شافني يا حرام من رعبتو شال ايدو وسفئني هداك الكف

وقت بقلو وبذكرو بالكف بقلي هاد لا يعتبر لانو ضربني اياه وهو مو بوعيو



ومره اختي الكبيره كنا بزياره والناس ملتاشين قامت سحبت حالها

شوي شوي من بين الحضور وراحت على المطبخ

وخلطت السكر بالملح و وقت حسو عليها قالتلهم انو هي كانت عم تطبخ

صاحبت واجب اكلت هم هالناس كلها شو بدها تاكل



حاليا اختي عندها اولاد وزايرين عنا بتلاقي البيت كلو بحالة استنفار ورى الزغار

ومبارح بنت اختي الزغيره غابت عن عيونا شوي وما عدنا سمعنا صوتها

شوي ورجعت وهي ماعطه حالها ببودرة الخدود الزهر تمها كلو كلوس زهر

منظرها بيفطس من الضحك اول ما شفتها ما قدرت ما اضحك و وقت سألتها

اذا المكياج يلي حاطتو مكياج امها ولا مكياجي ضحكتلي ضحكه كلها برائه

وقالتلي مكياجك .. طبعا بشكل مجعلك لانو دوبها تحكي

قمت ركدت فورا على غرفتي لشوف شو الاضرار الناجمه

عن هالمكياج والحمد الله طلعت القصه سليمه

بس رفعت كل شي من قدامها

لانو مو كل مره بتسلم الجره

هاد غير انها مستلطه على برفاناتي وبتروح وبتجي وبتتعطر الجانوم

وبتجي بتقلي شميني الااااااااااااااااااه ما احلنيييييييييييييييي

والبطل يلي بسترجي يقلها لأ انتي مو حلوه

__________________