 | |||||
 |  |  |  |  |  |
| | |||||
| | | | | | |
| |||||||
| إلـــك يــاكــّنة...سمـــعــي يــاجــارة أكلولك حأك؟ تناشف بوشك!! تركك تنطر هالوأت كلو!! مالقيت مين تشكــيلو!! شرف لعنا شراب فنجان قهوة..وفضفض |
| sponsor links |
 |
| | LinkBack | خيارات الموضوع |
|
#1
03-01-2004
| ||||
| ||||
مرحبا صباح ومسا الخيرات. قبل كل شي..هي المشاركة نموزج للفاصلة المنقوطة، بس متعمدة. يعني..مراء عصبي! مخ! شبكن مستغربين! يعني مو حرام الواحد ياخد نفس أبل ما يرجع عشغلو! وليلي ماعندو وقت يكمل قراءة! مافي شي..طمن بالك..واحد محشش فقس وحب يغير جو ويرد يرجع! هي هية كل التجرة! ايه سيدي..منرجع لموضوعنا. مو عيب الواحد يكتب شي يفرفح عن نفسو فيه! ومو عيب الواحد يحكي شي مالو بالعادة يحكيه..ليحسن نفسيتو شوي! ينفسسسسسس يعني! فعل فسسسسسسسسسسسسسسسسسسسسسسسسسسسسس جايي من كلمة ينفس.. شرط انو بعد كل شي بيعملو...يرجع يكمل شغلو. بآ سباء الخيل..أصدي صباح الخير جميعا! راجعين.!  إعلانات تجارية: هل تحلم ببيت يشبه قصر الأليزيه؟ هل تحلم بسيارة جاكوار X-Type موديل 2006؟ هل تحلم باوقات مرحة مع أصدقائك بدون عناء! هل تحلم بحياة هانئة و مريحة مع اسرتك؟ هل تحلم بسفرة العمر في كل عطلة صيفية؟ اذاً... حلك الوحيد..انك تفيق! وحاجتك منامات. مع تحيات شركة دبانة إخوان.
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... !   |
|
#2
10-01-2004
| ||||
| ||||
والمشكلة وين بتكمن؟ لما تكون أساسك انته ما عندك شغل..غير انك تطلع من شغلك وتعمل الي المفروض تعملو وقت تكون عم ترتاح من شغلك! هون بتكمن أكبر مشكلة! منرجع
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#3
11-01-2004
| ||||
| ||||
وصلتني هالرسالة من كمشة أيام ماضية: إقتباس:
وأنا بدوري أقول له: حذاري من التهميش الأسكثاري للآخرين وحاول ان تنصب لنفسك خيمة على مفترق الطرق وتشاهد اللاوعي الحسي اللذي يصاحب الآخرين لعلك يوما تلاحظ كم انك كنت مستفيدا من أخطائهم! ولعلك يوما تعرف أن القرار الصائب ...صعب المنال. وشكرا كمان.
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#4
12-01-2004
| ||||
| ||||
مرحبا.. سجل عندك هالتاريخ 11/1/2004 أربعة تاكل أربعة خلصت أول نقطة كبيرة وبكرا رح نترحم عليه! بالعربي صار عم بيترغل وأكتر من هيك...بالشامي! خطوة بخطوة...بوسط وهم الدراسة والامتحانات بس رح اخلص منو عالحارك باذن واحد أحد ترحم عليه! ولاتنساه بلونو ال...مالو عاجبك! ودم تم سالمين
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#5
19-01-2004
| ||||
| ||||
حشو مصران ---- *شي 350 صفحة بتغم الألب وبتئطع الخلفة كتاب بالأبيض والأسود ملان حكي شي بطعمة وأكترن بلا طعمة وناطرين الفيلسوف الجديد الي بدو يغيرو لشو هالفزلكة؟ وعم يعلموه لمين؟ ويطعموه لمين؟ لعماد المستقبل أكبادنا فلذات كبدنا أحبابنا أجيال الغد ونور الحاضر وبسمة المستقبل --------- -0ورأصني يا كدع! -- *هيك صارت! أمر من السيران يوم الجمعة ماشية على حل شعرها...هيك أكترن ومافي مين يردني..هيك أكترن كمان طلع يمين روح شمال.. مافي خواص وبالأبو...يالطيف. فوق الأبو..كمان يا لطيف بالقاعة..ضايعة الطاسة وعلى من يجدها اخبار السلطات المحلية فورا تحت طائلة الغرامة والمسائلة القانونية والشرعية الدولية وقد يساق فورا الى جوانتانامو. وكلو بيوم واحد بس! اي أوم بآ!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#6
21-01-2004
| ||||
| ||||
آل بيؤول المتل.. الك معنا وما معنا ولما يصير معنا...اي الله لا يجمعنا. كنت عم افتل عالبيوت واعمل احصائية حولين ضعفاء النفوس واللي ذممن واسعة طلع معي انو 100% من العالم بيعارضو انو ياخدو دين ما يرجعوه. و 100% من العالم بس..بيحبو يعطو العامل مصرياتو قبل ما يجف عرقو. وأكتر من 100% من العالم بيكرهو وبيدعو على الظالم وبيكرهو الظلم. وحوالي ال 300% من العالم بتعرف ربا منيح وبتحافظ على المواعيد. وتقريباً 100.999% كانو مابيقدرو ينامو اذا في حدا زعلان منهن. وأكتر من 100% كمان مابيقدرو يقعدو لحظة بعد نهاية الشهر اذا ما قبضت شغالتن مصرياتها فوراً. ولقيت حوالي 10% من هالعالم...بيصلو وبيصومو وبيزكو وبيعبدو ربن ان ما قلنا تمام..منقول بشكل جيدوصادق. وبعد ما اتبعت قانون أوم وقانون فاراد للكهربا و الالكترون..قدرت انو اجذب الكترونات الأرقام لنقطة استقطابية...وقدرت بفضل قانون نيوتن للجاذبية انو اسقط الأمور على الواقع.. وكانت النتائج كالتالي: -القانون: ان الطاقة لا تفنى ولكن تنتقل من شكل لآخر... -التطبيق...كل واحد كذب فيهن طول منخارو شبر، وصار يهر شعرو. -العمل... ماعاد في دكتور تجميل بالبلد ما عمل عملية انحراف وتيرة و تكسير عضام وزراعة شعر. المشكلة...أكتر من نص الشعب كذاب و مخادع. الحل.. ..؟؟رجعةٌ حميدةٌ؟؟.. مين حميدة؟
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#7
23-01-2004
| ||||
| ||||
بونجوس صباحي غير شكل بطعم الورد وأنا وراجع بعد ما عملت الفتلة العجيبة حولين السوق ومحلات الحلو والبن والأهوة.. اي والله شي بيفلج أساسا! حزير ليش! اي لأنو ماشفت منها غير بالأفلام والمجلات! ومنمرة بصاجة شغل البلد هي صحيح صاجة..بس حأها بيخليك على الصاجة أساساً! وعالحديدة وهادا اذا كنت مخبي حصيرة..كمان بتصفي عليها ..يعني عالحصيرة. موديلا مدري 2007 مدري 2009 مع انا لساتنا بال2004 اي بس بيجوز هي اجت من المريخ عبر المسبار الفضائي الجديد اللذي حل بدلاً عن هابل.. وهابل هو القمر الصناعي القديم الي طلع عن المعاش و أحطولو متل ما بيأحطو لواحد ما بدن ياه وانتهو منوواجا غيرو..! ونحنا يا هابل الك الله.. انو بما انو كل ما قرأو هالوضوع فوق عم يفتل بيقولو ...شي بيهوي وعلى انو كل ما كبسو على وصلتو..وقرأو..بيقولو مابآ نقرأ ولأنو أنا ما عم اكتب غير وقت بدي أكتب وبما انو هيك لهيك... بدي ضل اكتب هون حرنكفشاتي الخطيرة...والي 99.99999871% منها مظبوطة. والباقي كش من عندي. والي حابب يقرأها أهلا وسهلا والي مو حابب يقرأها..ولقا حالو فجأة عم يقرأها..كمان اهلا وسهلا والي حب انو ما يقرأها وقرأها فأهلا وسهلا والي ما بدو يقرأها وما قرأها بس فجأة قال بدي أقرأها كمان أهلا وسهلا والي...خاطركن
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#8
30-01-2004
| ||||
| ||||
مرحبا! مساء الخيل انو المشكلة اني بخاف انقل من شي صعلوك! يعني عم اتخيل حالي اني لاطش موضوع أو اجابة أو شي من صعلوك بغير مكان وزمان ويجي هالصعلوك ...يواجهني بالحقيقة! ويقلي هاذا من فضلي ...ولا انته لاطشو مني.. بئوم بطلع أصعلك منو! معقولة هي؟ حلو برأيك يصير اسمك ...أبو البيس_المتصعلك! الله لا يأدر بجاه رب العالمين..
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#9
30-01-2004
| ||||
| ||||
كل يوم بيمرئ بقول اي يلا يلا يلا يلا وبعدين؟ يلا يلا يلا يلا ومع كل يلا عم يكبر هم جديد اي وبعدين؟ سيرتي الذاتية صارت بنص شركات البلد ومافي أمل.. يا العيب فيني وانا مو دريان يا العيب بالورقة الي عليها السيرة يا العيب باللي عم يطلبو العالم..مو عرفانين وين الله زاتتن. يلا..شو عليه؟ يلا..الله كريم. يلا..بيفرجا الله يلا..مصيرن يطلبونا يلا..بدكن شي؟ يلا..سلام عليكم يلا..لساتكن هون! يلا..انا لازم روح! يلا..والله بدي روح! خلص بآ. يلا..عم نحكي عربي! حاج تنزلو معي! يلا..منين الباب يا جماعة؟ يلا..هي التلفون عم يدق.....بركي شي شركة! بالله؟...طلع النمرة غلط! خلص!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#10
31-01-2004
| ||||
| ||||
صباح الخيل ان شالله بصراحة..احترت وربي حيرني مابين انو اكتب ولا ما.. مو لشي..بس لأنو طار الأعل شيتي (عقلي يعني) المهم.........سجل يا أبني اني وبتاريخ 31-1-2004..وبتمام الساعة 2 بعد منصف الليل!!!!!  أعلن أنني قد انتهيت من 99.9% من البتاع. والله على ما أقول شهيد. دعولنا يا جدعان... ولا تنسو تسجلو مع ابني هالتاريخ العظيم. هادا ×××××× مو حيالله!!!! مع تحيات مبسوط المليجي. 
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
| Bookmarks |
| Tags |
| الخيـــــليـــا, سبــاء, غـــرب |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
 |
| اشترك بالنشرة البريدية للمواضيع : |
| زيارة هذه المجموعة |
سْــبَاء الخـــيــل..! 
ايوا 
من بعد اذن صاحبها 
صباح الخير = سباء الخيل 
