 | |||||
 |  |  |  |  |  |
| | |||||
| | | | | | |
| |||||||
| إلـــك يــاكــّنة...سمـــعــي يــاجــارة أكلولك حأك؟ تناشف بوشك!! تركك تنطر هالوأت كلو!! مالقيت مين تشكــيلو!! شرف لعنا شراب فنجان قهوة..وفضفض |
| sponsor links |
 |
| | LinkBack | خيارات الموضوع |
|
#31
28-06-2009
| ||||
| ||||
صيفت... الدنية صيفت.. والعالم صيفت والروزنامة صيفت! وكل الأمور بتدل على أنو الدنية كلها صيفت! وهالمشاركة....صيفت! منشوفكن بعد شوي
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... !   |
|
#32
15-07-2009
| ||||
| ||||
ايه صباحووووووووووووو قلي اديش معك ومين واصتك اقل لك من انت! قل لي كم قانون كاسر وكم غلط عامل اقل لك من انت! انت شغلة كبيرة كتييييييييييييييييييييييييير واوعى................ تعمل شي صح......... بتصير (ابصر شبك) لأإ^$%#^))(&!@لأ<<>
__________________ هواياتي صغيرة واهتماتي صغيرة وطموحي انا امشي............. ساعات معك  تحت المطر |
|
#33
15-07-2009
| ||||
| ||||
إقتباس:
معروفة هي! واضحة يعني! شو سيارتك؟ اديش حسابك؟ مين ساندك؟ كيف صرت؟ ليش عم تتمختر؟ كل هذا و أكثر! فقط...عنا! اكتر شي هلأ عم يلفت نظري.. شب عم يشحد منك قرشين بحكم انو شي يوم رح تشتغل معو (بالتالي الو معك مصاري من هلأ) مشان المسا يقعد و يأرجل...(يشرب نرجيلة) بشي كافيه ...من كافياتنا الجديدة! عسيرة الجديدة... مبروك اللوك الجديد
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#34
15-07-2009
| ||||
| ||||
ميرسي عجبك؟انا بعرف وحدة من برى اوبا اوبا ومن جوى اعى اعى بتعمل ريجيم طول اليوم على الخس والمي وبتروح عالناوفير وبيتزريا الشيراتون بتاكل هنيك وانو هي وااااااو كتير لا بيزيد وزنها ومابتحب غير تغير جو هنيك واكلو بيعجبها بس مابتكتر اكل قال لانو نهاريتها متغدية غدى تئيل واذا بدك الصيد هنيك شغال! والعالم الي هنيك معروفة واذا واحد جديد بيشتغل الهمس عليه انو ...................ززمين هاد!!!!!!!!!!!!! مامنعرفوا!!!!!!!!!!!!!!!!!!!!! ليش لازم شيات المطعم يعرفو بعضهم ومايفوت حدى غريب بينهم!! تبعا تبعاً ولا هلء صرت "واو" ياااااااي فيئوووووووووووووووووووووووو ياعرب
__________________ هواياتي صغيرة واهتماتي صغيرة وطموحي انا امشي............. ساعات معك تحت المطر |
| هدول الأعضاء ياLady_Sham عم يتشكروك كتير على هالمشاركة الحلوة: | ||
أبو البيــس (15-07-2009) | ||
|
#35
06-08-2009
| ||||
| ||||
هدول تبعات الكافيهات حكايتن حكاية وماخفي كان أعظم ثانكس ليدي. بالشتوية كانت تئول تيتي لما يصير الجو بارد وتزمهر الدنية (من زمهرير) كانت تقول...وئع برد اي نعم وئع برد! علمياً...اي نعم بيوئع البرد لأنو الهوا البارد تقيل وتقلو بيخليه ينزل لعنا وياخد مكان الشوبات ويطلعهن لفوق هلأ ليش بهالصيف...وبكل صيف عموماً عم يوئع شوب؟ عم يوئع وماحدا عم يسمي عليه! يمكن...عم أول يمكن..مشان جماعة العلوم الطبيعية ما يكذبوني يمكن الهوا البارد ...ماعاد الو وجود! وعم يوئع الهوا الصخن عالهوا الصخن والجو عم يصير شبيه...بضراب الصخن! نفس المبدأ يعني.. شيء لا يطاق نفسيات لاتحاكا و عالم ناتعة بوز شبرين من صبحية ربنا...بوز بتحاكيه..بيهزلك بوزو شوي بتسألو..بيفتلك بوزو لتحت انو ما بيعرف! طيب على فرض انو اجا شي يوم..برد بهالصيف وحب يوئع! وشاف الدنية مبوزة...مبوزمة يعني! معقول ..يوئع ؟ على دنية صفيانة مبوزة؟! والله صعبة! لك هادا كلو و رمضان ما اجا لسا مايجي رمضان...شو بدو يصير بأصحاب البوز الصباحي؟ الله أعلم! على كلٍ....مافيني قول غير صباح و سباء الخيل ياعرب. نراكم
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#36
27-09-2009
| ||||
| ||||
ليش مافيك ترك شغلك و تترك المسئوليات و تترك كل شي عليك...وتهرب؟ تهرب يوم..يومين زمان! مو عيب عليك؟ انته الي بتقدر.. هروب...شم هوا وعيش حياتك...بس يومين! وجلّس ضهرك الي حناه التئل! ليش مافيك؟ ما الحالة دائرة و دائرة! ومصاري ماعم تطلع! وبهادل عم تاكل! و الوع ماعم يتغير! ليش ما فيك؟ شو بآ رح يصير أكتر من الي صاير "أل ريدي" ؟ صدقني أكتر من هيك ..مابآ فيك! بآ ...أوم.. أوم نحضر سباء الخيل سوا!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
|
#37
28-12-2009
| ||||
| ||||
مرحبا ولازال السباق مستمراً قال طلع عنا غاز  اي اي غاز طلع في مارد معو دفتر ألغاز كل ما بتحل لغز بيعطيك درجة وطلعنا هالدرجات لعطانا بدال الألغاز ...كمية غاز فيها تدفينا و تمشينا و ت طعمينا و تكفينا وتكفي الي حولينا اي نعم رح نصدر غاز و نأنتج غاز ورح نحرق غاز ونمشي عالغاز قال بدن يجيبو باصات بتمشي عالغاز وخلص...توكلو على الله و طلبوهن بيطلعولن شي كم الف باص مدري لأنو بلد تحديداً...بس الهيئة بدن ينحطو هون عنا. هلأ صعي المارد عاطانا غاز بس باقي كم لغز ماعم ينحلو معي! اولهن...انو مين الذكي الي كان عم يفكر فيهن لليوم...وهلأ لاكتشف السر؟! وتاني لغز، شو ناطرين؟ ليش باصات وبس؟ وتالت لغز ، ليش رح ندفع للكازية تبع البنزين أكتر؟ مع انهن عم ياخدوها من هلأ للخمسة! مافهمت عليي؟ شوف مشروع القرار الجديد تبع البنزين ...طلع ألب الشباب على عامل الكازية هلأ رح اجمع هالألغاز وحلهن...وبدلهن بأنينة غاز... لأنو فعلاً في لغز مارح ينحل لا معي ولا معك هو اشاعة...بس انتشارها أسرع من الغاز بكتير! أنينة الغاز رح تصير ب 500..! بآ شلون بتنحل هي؟ حلها...وركبلا جلدة ....مشان ماتنفس لأنو بدنا نكمل سباء الخيل يا عرب!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
| هدول الأعضاء ياأبو البيــس عم يتشكروك كتير على هالمشاركة الحلوة: | ||
اميره الشام (28-12-2009) | ||
|
#38
28-12-2009
| ||||
| ||||
صدقوني وماعلي يمين ومن غير حلفان المارد مارح يعطينا غاز لو انفجرنا متل أناني الغاز واذا عطانا رح يكون حقها متل ضربة الفاس عالراس خلونا ساكتين نحن المغتربين كل سنة عنا أمل انو رح تنحل ونرجع بتطلع قرارات بغيابنا بتخلينا نقول فرجت لدرجة بكل صيفية منتوضا باللبن اذا رحنا على قاسيون منحطلنا كمشة ألفات مندور بالسوق يمكن نلاقي شي مشروع ياعمي صغير قبلانين منلاقي مية عرقولة بوشنا وشو كمان التجار الصغار بيقولوا ديروا بالكم السوق ماسكينو ناس كبار يعني لازم تكون تحت رجلن لتقدر ها يادوب تطلع يوميتك يعني اذا فكرنا ننضرب على قامتنا ونتنازل عن كتير أشياء اتعودنا نعملها أبسط شي تمشاية يوم الجمعة ببلودان أو قعدة بشي قهوة بالاشرفية ونبدلها بشي تمشاية بجنينة تشرين مع كيس بوشار أو عرنوس درة منلاقي حالنا عم نتحسر على أيام كنا نجي فيها مصطافين ونفت فيها المصاري فت ونحن مو سائلين و آآآآآآآه وشكلا جيتنا عالبلد رح تضلا حلم ولغز من الالغاز وخليها جوا تجرح ولاتطلع لبرا وتفضح بس بيضل أملنا كبير بربنا وإلا ما يحنوا علينا و بتنفرج علينا وعليكم وكل سباء خيل وانتو عرب
__________________  لكم صادفنا أحبة  على الطريقكم تعلقت قلوبنا بحبهم كم تبسمنا للقياهم كم ذرفنا الدموع لفراقهم فهل ياترى سينسينا الزمن الأحبة أم ستحتويهم الذاكرة بالمحبة  |
| هدول الأعضاء يااميره الشام عم يتشكروك كتير على هالمشاركة الحلوة: | ||
مياس (13-01-2010) | ||
|
#39
28-12-2009
| ||||
| ||||
على سيرة سباء الخيل لازم ندير بالنا لنروح بين الرجلين او نروح فعس من باب انو الناس راصور مابيصير تتركو بدون كبس واتحملوا كبس يابييييييييييييي يلا كلو عند العرب صابون سمعنا انو عنا كل يوم عم ينتجوا الله يعطيهم العافية 50 مليون كيلو متر مكعب غاز لنفرض اذا كل كيلو متر مكعب بدولار معناها اديش بتطلع الحسبة؟؟؟؟ الله يزيد ويبارك هسسسسسسس لاتحكي ولاكلمة لايمتى بدنا نضل من دول العالم التالت بدنا ندخل عالسوئ الاوروبية بدنا نسابئ شو بس الخيل يسابئ وكل سبائ خيل وان شاء الله بشوفكم أحياء
__________________  |
|
#40
10-01-2010
| ||||
| ||||
قتلوه حملوه ماغسلوه...لأنو شهيد دفنوه بكيو عليه...ونسيوه ورجعو أتلوه..وأتلوه..واتلو كل الي حبوه! سكرو عليهن الباب حطو ورا هالباب كل الأصحاب حرموهن الهوا والمي الدوا ...وحتى الكي قررو انو يكونو أبطال ومافي غيرهن أبطال قررو..انو لو حدا دق عليهن أي باب يشوهو! يرعبوه! يطفشوه! ليضلو هنن الأبطال هنن الصح هنن السادة هنن القادة ليضلو عم يقتلوه و يقتلو أهلو و ولادو و أمو و أبوه شافوه عم يطلع من نفق...سدوه شافوه سبح بالمي...غرقوه قالولو ...مقسوم لاتاكل وصحيح لا تقسم وموت لتشبع! همهن يضلو جلادين بس...برخصة وحاولو يكونو ادام شعبن صادقين آم عملو جرصة قالو لأصحاب الحق نحنا معكن سند وكانو بدال السند...سندان وقالو ادام الكل نحنا ما منرضى لأخواتنا المرض وكانو الوباء و طالبو بفك السجن عن معتقلينا وكانو السجان! على مين رح يضلوا يضحكو؟ مابقي وراهن واحد فهمان! النخبة شو عم تحكي عندن ؟ حفنة عم تقول رفعتو راسنا والباقي عم يعيط و يصرخ.."لك نكستو عــGـــالنا" ياحيف على أبطال العروبة يا حيف على أبطال الأمة طلعتو حبر على ورق كتاب تاريخ مشئوء كراسة طفل طايش...ماعرف شو يرسم..آم شخبر من طيشو! يا حيف على مين قال و عم يقول نحنا الحضارة...نحنا التضحية..نحنا مرجع العرب يا حيف على الي عم يحكي عن التاريخ ووقت اللزوم هرب! يا حيف على نخبة استحت فيها كل النخب يا حيف على صاحب قلم قبض حق حبرو يا حيف على بائع ورق عرف انو الكذب عم ينكتب عورقو ياحيف على ناشر خبر جاب بالجنيه خبرو يا حيف على عبد، عم يتبارك وعم يدافع عن جلاد شوه سمعتو و شرفو ياحيف بس ...من حرقة قلبي لأنو الشعب ومنعرف وضعو منعرف انو عبّدوه "القرش" وخلوه عالرغيف يدور ومايلاقي خبزو يا حيف لما يطلع بأي زمان ناس من الحرمان تتعلم الحرمان وتصير تتآوى على غيرها وتبارك الطغيان يا حيف لما يكون مافي بإيدك حيلة وتساعد السجان يا حيف لما يكون فوق راسك حمل وتحمّل أخوك التعبان يا حيف لما تتعرض للظلم من حاكمك الخرفان تمشي معو بطريقو و تظلم التعبان القافلة ...وفهمناها...قال سيادة ...وأوامر...وتكسير للروس والحدود ..وسكرناها...مارضينا..بس تعلمنا منهن دروس بس الأنفاق لشو دفناها؟ شو شفنا عم يمر منها؟ غير الجبنة والمكدوس؟ كم بارودة ؟ كم قنبلة وكم دبابة و كم طيارة كمشتو؟ ورجونا ولو قطعة وحدة مسكتو! مافي؟! أكيد مافي...! لأنها أنفاق للحياة للنفس للأكل والشرب والدوا بس انتو...بدكن تذلو نفوس عجز عن ذلها الصهيوني وبدكن تحولوها لسجن ماكفت هديك الحبوس حاجة! كفاية! بيكفي....عجز العميل عن وصف عمالتكن! وعجز إبليس عن وصف خيانتكن! وعجزت العقول عن تصديق أكاذيبكن! صرتو أبطال و حطيتو كتب تاريخ جديدة رح تحكي عنها أجيال و أجيال ورح يتعلمو ولادنا الصغار بالمدارس..بالبيوت..بالشوارع انو عدونا اسرائيل...ومعها أذناب منجرة وعيشو انتو اد ما عشتو... رح تضل صفحاتكن مغبرّة سودا...نتنة ...عليها ختم اسيادكن ورح تحاسبكن أجيالكن ورح تلعنكن ..واحد واحد على هالحضارة الفاسدة! طلعنا عن السباء يا عرب! منعتذر!
__________________ أوعا..! - لا تشكو للناس جرحا انت صاحبه....! - لأنو: لا يؤلم الجرح إلا من به ألم.... ! |
| هالأعضاء الـ 5 تشكروا أبو البيــس على هالمشاركة الحلوة: | ||
أبو الروض (10-01-2010), امورة الشام (11-01-2010), Eben El Sham (11-01-2010), فراشة الشام (16-01-2010), نانو (10-01-2010) | ||
|
| Bookmarks |
| Tags |
| الخيـــــليـــا, سبــاء, غـــرب |
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
|
|
 |
| اشترك بالنشرة البريدية للمواضيع : |
| زيارة هذه المجموعة |
رد : سبــاء الخيـــــل..يـــا عـــرب! 
