تحية white- lion

بيني وبينك لما قريت العنوان راح بالي لبنت اسمها كيم

بس هلق بعد ماقريت مشاركتك فهمت انو قصدك GAME بكلمه كيم ......

فيدك شوي بحسب خبرتي هاللعبه من أسوء الامور بتعلم الانكليزي لانو اول شي

لفظ الحروف العربيه بيختلف بشكل جذري عن لفظ الحروف الانكليزيه و اللفظ أهم شي

بتعلم أي لغه عداك بقى عن كل واحد بده يجتهد و يدلع مثل ماعملتي انت بكلمه

GAME و ساويتيها اسم جارتنا كيم

كلامي هاد بس افاده لاتاخديه اكثر من هيك ...الادارة بتعرف اكثر مني بها الموضوع

بسم الله الرحمن الرحيم

((هُوَ الَّذِي يُرِيكُمُ الْبَرْقَ خَوْفاً وَطَمَعاً وَيُنْشِئُ السَّحَابَ الثِّقَالَ))

سورة الرعد

"He it is who displays before you the lightning, to give rise to [both] fear and hope, and calls heavy clouds into being..."
[ar-Ra'd; 12]

شكرا لكم

مايند

هههههههههه يا عيني عليكي .. والله فرقت كتير كتير
الله يزيدنا علم ...

أحيانا كتابة اللفظ بتبقى غير أني أسمع اللفظ متل الكلمة الي كتبتيها ( ان )
ألها أكتر من ترجمة يا إما un\an\in

يعني شكلنا رح نواجه بعض الصعوبات بهاللعبة ... يلا الله بعين

__________________

فعلا كلامك مزبوط .. ومن شوي اكتشفت هالخطأ الموجود بهاللعبة

و أنا الي لازم اتشكرك أخ مايند

و أكيد فدتنا ... و إذا حابين الأعضاء يكملو لعب فماعندي مانع
بس المهم مو يكتبو جملة و يمشو .. ياليت يخبرونا شو هي الجملة

و الأهم من هيك ما انضل عم نتعلم غلط .. فلا مانع ايضا من حذف الموضوع خذفا بيسيا أو أموريا

كل الشكر لك ولكل من شاركنا

وايت ليون

__________________

.
.

مرحبا وايت ..

أنا فتت لشارك ولكنّ ..
تلخبطت شوي
الفكرة من الموضوع جيدة بس نكون متأكدين من الجمل يلي عم نكتبها قواعديا ومفرداتيا

هلأ مايند قال مشكورا :

أنا معك بشغلة ومو معك بشغلة تانية مايند ..

صح انو لفظ الحروف بالعربي تختلف بشكل جذري عن لفظ الحروف بالانكليزي .. والمثال هو كلمة game

بس كمان في كلمات كتابتها بالانكليزي لا توحي بطريئة لفظها إلا لمن يعرف هالكلمة أو يلم بطريئة أنو يعرف لفظها من خلال القاموس ..

أزا بدي قول كتابيا كيف تلفظ كلمة future على سبيل المثال .. فما عندي أي خيار آخر سوى أني أكتب بالعربي فيوتشر

صح ؟
طيب ممكن نحنا نتجاوز السلبيات .. ونحتفظ بالإيجابيات وذلك بأن تكون جملتنا يلي بدنا نكتبها محصورة بالكلمات يلي فينا نعبر عنها بالأحرف العربية بشكل مطابق تماما

مثال :

آم نات سو هابي توداي بيكوز آم سليبي أند تايرد
I'm not so happy today because I'm sleep and tired

بمعنى آخر أنو نبتعد عن المفردات التي تضم أحرف لا نستطيع التعبير عنها بأخرف عربية متل كلمة game

هادا رأيي الشخصي .. وينك أمورة ؟
خبرينا شو رايك بالموضوع ..

.
.

__________________

ليس كل مدعبل جوز !!!

اهلين ابو الروض وينك يازلمه انت والله انا مشتقلك !


أخي انت قريت ردي فوق شي ؟

طيب خلينا نشوف



بدي قلك شغله هي الانكليزي لغه الها قواعد وجذور و احرف صوتيه و قواعد و طبعا

هناك شواذ للقواعد اللفظ معروفه ومتداوله وماهي بالقاموس بنوب بنوب ..

شريك القاموس بس لحتى تعرف معنى الكلمه فقط ...

يلي ذكرتها تبع فيو تشر

بحيث F = ف

U =يو

T = ت

ure = شر

ماهيك قصدك ؟

طيب بتعرف انو اللغه العربيه فيها ضمه فتحه كسرة يعني لما بتكتب انت كلمه بالعربي

مابتنقرأ معك ومعي نفس الشي واكبر مثال مر مع الاعضاء هون هو an , in , on

لذلك هاللعبه سيئه و الكل بيعرف هالكلام مو من عندي

هاللعبه اخترعها ابن عمو للشخص يلي اخترع كتاب تعلم الانكليزيه بدون معلم خلال 7 ايام و بتلاقيه تحت جسر الثورة متوفر بكثرة

بنجي لمثالك يلي ذكرتلنا ياه على انو من الايجابيات بالقواعد و المفردات



اّم شو هي مابعرف شلون بتقرأ I AM هيك اّم AM

نات NOT مابتنقرأ ولا باي شكل هيك نات NAT

سو هاد اسم بنت SUE ماهيك

شايف مافي قواعد اتبعها تضمن سلامه اللعبه من هون بيجي بقى كونها شريرة وبنت كلب و عنصريه

وانا ذكرت اني مالي من الادارة وعطيت رأي و الامر الكم

وشكرا

.
.

أهلين مايند باشا ..

تشتئلك العافية يا رب

لكن رديت عليك من دون ما أقرا ردك ؟
معؤولة يعني ؟

غريب هالكلام مايند !!
كل كلمة بالقاموس مكتوب جنبها بين قوسين طريئة لفظها من خلال أحرف صوتية خاصة .. وكل من يتقن استخدام هالأحرف الصوتية قادر بأنو يلفظ هالكلمة لفظ صحيح تماما ..

أنا تعلمت هالشي بالمركز الثقافي البريطاني بالمناسبة ..

سيئة وعم نحاول نخليها مفيدة ..
فيها مشكلة ؟
مو احسن ما نتضحك عليها ؟

I'm
هي هية ..
وتلفظ آم
بالمدة فوق الألف .. وليس بالشدّة
آم أبو الروض
عرفت شلون

ونفس الشي لباقي الأمثلة ..
فيني اقراها بشكل صح .. وفيني اقراها بشكل خطا ازا بدي

شي طبيعي ..
كما الكثير من الكلمات العربية يلي منكتبها دون تشكيل

على كل حال مايند باشا
فكرتك وصلت .. ثانك يو

.
.

__________________

شلون بدك تعملها مفيده هات لنشوف ....ماهو وجه الفائدة يلي بدك ياه

هلق اذا كانت " للتسليه " وأتوقع انو يلي يقرأها بيقرأها للتسليه والضحك أيضا كلامك

بيكون صحيح ولذلك انا فتت وشاركت

جميع جهابذة اللغه الانكليزيه ومدرسيها المرموقين بيحذروا من هالنوع والطريقه لتعلم

اللغه الانكليزيه حصرا لانها بتعلم الكسل والتنبله و بتعيق النطق السليم و بتصير كانك اخترعت لغه لاهي عربي ولا انكليزي " عربيزي "و بيحذروا منها ...

لاتقلي المركز الثقافي البريطاني بيوزع كتب فيها الانكليزي مكتوب بحروف عربيه بزعل منهم والله

أخي كمل اللعبه .....و الله مسليه وأنا حبيتها كثير

بتحب حط جمله انا ماعندي مانع

مايند

.
.

شريك لا تفوت الحكي ببعضو الله يرضى عليك ..
المركز الثقافي البريطاني ذكر حول نقطة الاستفادة من القواميس .. وأنت بهالجملة هي الأخيرة :

بلشت تدور حول الحقائق وتضيع السيرة ..
وتفوت الئصص ببعضها ..

خلي كل نئطة بمحلها ..
وخلي أمثلتي يلي جبتها بمكانها ..

أريح ألك .. وأريح ألي

والاستفادة من الموضوع كل واحد بشوفها من منظورو الخاص .. مالنا بصف أكاديمي نحنا لحتى ننظر على بعض ونتناول أساليب جهابذة تعليم اللغة الانكليزية ..

مايند الله يخليك ..
الموضوع بلش يطلع عن أساسو
وبلش يطلع من قسمو اساسا ..

حابب تفيدنا بشي عن اللغة الانكليزية .. فيدنا
بس بدون استهزاء بحدا .. أو بكلام حدا .. أو بأسلوب حدا

فيدنا بموضوع من كتابتك .. وتعبك
ولك في ذلك كل الشكر والامتنان

سلام

.
.

__________________

مرحبا شباب و صبايا....


بالنسبة للموضوع فهو حلو...و بيسللي

هلأ بظن أنو الشباب و الصبايا اللي عم يشاركو فيه لغتون الإنكليزية منيحة و إلا ما كانوا فاتوا و

شاركوا

بئصد أنو ما حدا لح تتخربط لغتوا أو لح يتراجع لغويا من هالموضوع

متل مالي شايفة الهدف من الموضوع أنو نلعب...مو نتعلم إنكليزي
.
.
.
.

لح حط جملة ليلي بعدي....مشان ما نطلع عن نطاق اللعبة...

آي لايك ماي فريندز كوز ذي أولويز هيلب مي آند سبوورت مي ون آي نيد ذيم
.

يللا مين لح يحزر شو ئلت؟؟

__________________

I like my friends coz they help me and support me when I need them

أنا بحب رفقاتي لانهم بيدعموني و بيساعدوني عندما أحتاجهم


شل اي انفورم يو ذابست اوف مورال اوف ذيس ورلداند ذي هيرافتر ذي ار تو فورغيف

هو اوبرسز يو تو ميك بوند ويز هو سيفرز فروم يو تو بي كايند تو هو انسلت يو اند غيف

تو هو ديبريف يو



mind